Matthew 5:10 - KETHOLESI KESAO N.T. (BSI)

¹⁰ Kümatho dzühvena thilinyi kütako yhevetho, kükrenamoli tüyo küde süko zü zo tina.

Matthew 5:10 Iomraidhean Croise

Matthew 10:23

Süri mi rüna hi-olü ne müthi kütace ta rüna kükrelü vo tayi; kükrenamoli I neko ce po süto; Thümanuo küvori mhüzü neko Israel rünakolü vo tsoyi külho na.

Matthew 19:14

Süri Jisu po die, Natsimiko po ace vorite, mo süko kha hite; Kükrenamoli, tüyo küdee süko züzo tina.

Matthew 25:34

Süsa Küde Pu zaco kübako yisü apo galiphi püh neko küprüko, neko voridie cejü thiyi prühlüno küsüh püh kümüta kedebao gwüyite;

Matthew 5:3

Rüpü celaco kütsakhuko yhevetho, kükrenamoli tüyo küde-e süko sü zo tina.

MARK 10:14

Mu süsü ngo die Jisu Pu lü rünü mota, sidie sü; natsimiko po ace vorite; mu puko kha hite, kükrelamori Poo küdee süko zü zo tila.

MARK 10:30

Tsüdo külhü ce mipo u müthimünyi küti zo kümosa u cekro mu u sazühzürako mu u lipüneko mu puzuneko mu u nuneko mu u cejüko dü thükra ngoyi külho ba mo; sü libizomori vori küto külhü lü küshothe kürhühri ngo yito.

LUKE 21:12

Vele süko kethi mhüjü uko be khapü neko yo sü to; neko methito, neko zü kereshücekolü voto, thejücekolü, kedeko mu kezhomiko mhüjülü voto; azalan.

LUKE 22:29

Apo mhapü Amelü kesübi, I sheri mhapü neko melü süzü; kede kethi.

LUKE 6:20

Pümhü khrüpü methakeyiko pede poti, “neko mhakediko thejo kepütho, kekrelamori Jihova (tüyo) kede neko zhüzo tila.

LUKE 6:22

Mi neko ngometsüyo tiko thejo kepütho, side mi krolü neko hu kevako, neko meshü, nza cüpü thüma kesuthomithi, kekrelamori thümanuo la.

JOHN 15:20

I nekoce kepoko rükra yite, mithekümi niepomi ce zhoku tamo. Mhace uko amethi lize neko sheri methi zoto tila; mhace uko akepoko seyi lize neko kepoko sheri seyi zoto.

MHATHOKO 5:40

Uko pükepo züta, side uko apostleko cüpü vüva, side ukopo Jisu zapü posa hino kekhava, de uko kha süva.

MHATHOKO 8:1

Saul kedokhri hio pü medo zole siziba. Pütü süce Jerusalem lü kehuko methi shuta, uko metü tapre Judea, Samaria, khü umhükolü vota; apostleko lebi zota.

CORINTHMIKO KÜNAO 4:17

Kümüzhie za kütsüo hi pütü dopüh la küchothe zalethi küto müshio thipüh müdeyi kündi thi tazüe,

PHILIPPIKO 1:28

Nie kemetsümi po nie kedüvahi. Hiohi puko na keka zasi pühzo, deri nie na Kemenupü cekevo kelakeyi zasio zo.

TIMOTHY KÜNAO 2:12

U sügüsüheyi loo u Pü züh küde thito; u Pü za pomu loo Puri uza pomu tato.

TIMOTHY KÜNAO 3:11

Mipo a müthi müni küzü mu Antiok, Ikonia mu Lystra lü ayo phe küzüko kümha I kümüzhe küzüko sadzi thiyite, I kümüzhe küzü süko hüyite, mu süko mütüko lü Nepoo a küla yite.

JAMES 1:12

Dophilü sügüsühe küyimi thüjo küpümi zo, kükrelamole pü medophi küsüyolü thaküyi la Nepoo püh pükhrüyo kütsümi tsütole po phra kümüzü kürhü küde pirüh ngoyi zoto.

JAMES 5:11

Küthozo, sügüsühe küyimi thüjo küpümi zo kütsü uko lüyo. Ne ri Job sügüsühe küyi dzü she mu thülalü Nepoo mharhü ri ngovate. Nepoo mi phi udzürüzo mu mi ngomüzhe phiyo

JOHN KÜRAO 3:12

Cain kürüzhüo celü pütho pü sazüo dokhrikütakümha thizü mo. Silizo küdipüh la pü süo dokhriva ra? Kükrelamole pü mhathoko zoe süo mu pü sazüo mhathoko müzi zo küti la.

MÜNGOKESÜ 2:10

Mice pohi, no kemezhe ketoko; Therükeshü-o neko humi tü pü Thejücelü süto, side n ne ketito; side zho kerü kemezhe ta to; kesa ketso sheri kemelü thazote, size I kehü kedepira pü ntsü to.