Matthew 19:29 - KETHOLESI KESAO N.T. (BSI)

²⁹ Süze thüma kühopühri, aza na uce ukro, mori u sazühzüra, u lipüne, mori u pone, mori u cemine, mori u zune, mori u tü u cejü kha küva mi pu südü thükra ngo layito, mo pu küshothe kürhüh ngoyi to.

Matthew 19:29 Iomraidhean Croise

Matthew 10:22

Mo aza na mi mütü po neko mütsü to. Süri yhie zoba pu küla tso küyio külayi to.

Matthew 13:23

Mo mi tsava püh cejü zü küvelü sü küyio zoe züo rünyiyi die püco seyi yo, mo pü se rüthiyi die hu se krapüh, hu se hieshorüh mo hu se sühmüri jiyi yo, zita.

Matthew 13:8

Süri hu rütu cejü zü küvelü prüyi die u se hu se krapüh, hu se heshorüh mo hu se sühmüri jiyi.

Matthew 16:25

Kükrenamoli thüma kühopühri pupho mükrü püh pu zü thiyi künyimi pu süo müdi vato; mo thüma kühopühri ana pu pho müka müdi küvami pu süo ngolayi zoto tina.

Matthew 19:16

Sücesü Yhie, Mipüh Püce vori die sü, Kümütha keveo I küshothe kürhüh ngoyi küto na mha küve dipühpüh thi mosüa? Sidie kütso.

Matthew 25:34

Süsa Küde Pu zaco kübako yisü apo galiphi püh neko küprüko, neko voridie cejü thiyi prühlüno küsüh püh kümüta kedebao gwüyite;

Matthew 25:46

Sidie puko po tasü küshothe kümüthilü vo tato, mo kümathokoe küshothe kürhühlü vo tato.

Matthew 5:11

A na mipo neko mushüh, müthimünyi mo kücezü lünyi po püh neko mütsuyo lize neko yhevetho;

Matthew 6:33

Süri neko Pu küde küthi mo Pu kümatho phu mürayite, sülize mha hikohi mütü püh neko sa süto.

LUKE 14:26

Mhace kehopüri acekevoriko, upo, uzu, ucemi, ununeko, usazüjüra, ulipüko ngo metsü ta kemomi, utho ukerhüro sherei, sümi asaji thishümo.

LUKE 5:11

Uko runi cejükesolü vorita, uko mhametü khavade püsa mejita.

LUKE 6:22

Mi neko ngometsüyo tiko thejo kepütho, side mi krolü neko hu kevako, neko meshü, nza cüpü thüma kesuthomithi, kekrelamori thümanuo la.

JOHN 15:19

Mhace neko cejüo thüma lize, cejüo püthümako khrüte vele neko cejüo kemola, I cejülü neko keda yite; süla cejüo neko metsü tato.

JOHN 4:36

Yi kerümi ri uzhokhro ngo yiyo, useko püvo kechothe kehülü kengu yito, side tsava miri mu kerü miri kezü unü tayo.

MHATHOKO 9:16

Kekrelamori I püpo ala kemezhe ketoko thapü püka süto.

CORINTHMIKO KÜRAO 2:9

Vele thopü kemeta umhüpü ngo kemo, mori uni khipü reni kemomori thüma melülü lü kemo Jihova kesüpü metate pü khrüyo kezhoko la.

CORINTHMIKO KÜNAO 5:16

Süla ha tsü mipühri thümoo ceco she tamote, ha thadzü Khrista ri thümoo ceco she vele tsüno sübi mote.

PHILIPPIKO 3:8

Sizo kütho, mu I Niepo Khrista Jisu mhase kevethoo mede süyo I mhatho püh ri mote, apo pü na mha süko metüko medi tsove, silizo I Khrista ngoyi mu püyolü ngoyi ketoko la I mha süko püh nyorho khakevako bitazo.

PETER KÜRAO 4:14

Mhace Khrista zalü ne meshuyo lize, ne kenüko thüma kropüzo, kekrelamori zapozale kethi rüpü Jihova celü vori nekoyo bate; uko lazono pü mha kesu side po, vele neko la pü zapozale kethi zhüzo.

JOHN SÜO 1:7

Kekrelamori uko püzao lano Gentile (judakemoko) mice mhapüri pümo zode uko tavo zü ketala.