Matthew 16:13 - KETHOLESI KESAO N.T. (BSI)

¹³ Süsa Jisu tasü Caesarea Philippico vo die Pu müthaküyiko kütso die sü, Thümakoe thümanuo hi yisü sopüh lizü lü bata ha? zisü.

Matthew 16:13 Iomraidhean Croise

Matthew 12:32

Mo kühopühri zü po püh thümanuo mütsu küti zo-e vapüh pu prüto; eli kühopühri Kümüsa Rüpü küthami cejü hilü ri mo tüyo ri pu küjo vapüh prü yilho.

Matthew 12:40

Kükrenamoli, Jonah-e tüsozho süh mo tüzühzho süh khu küzhoo vadelü küzü bi thümanuo ri tüsozho süh mo tüzühzho süh cejü mülülü züto.

Matthew 12:8

Kükrenamoli, thümanuo kürülüzho mhu ri nyepo zo küti na, zita.

Matthew 13:37

Pu süko zü küla die sü; Tsa küve prüh küsü mao sü thümanuo zo.

Matthew 13:41

Thümanüo Pü shoyimi kütsüh sü die süko po vo Pu küde balü mha thi kümüsüko mo küsüküthiko mütü phu künguyi to.

Matthew 15:21

Süsa Jisu sülüno ta rüde sü Tyre mo Sidon nyi rünaco vota.

Matthew 16:27

Kükrenamoli thümanuo Pu po zapozale süh die Pu shoyimi züh kirito, mo Pu mipühpüh mhatho khüce züh die püko zhokhro thi püh prüto.

Matthew 16:28

I nekoce potü süto, hice kütha humi Thümanuo Pu küdelü küvori ngo kümothe küsa ngo Ihozo küti kropüh tha zo; zita.

Matthew 25:31

Süze thümanuo zapozale thi die Pu shoyi kümüsako mütü züh Pu sa küvorice sücesü Pu zapozale küthi küde bayo bato.

Matthew 8:20

Jisu pu yisü, müsührüko ri uce ne, mo tüyo rako ri u kro ne, eli thümanuo Pu pi kha thothü küyi thiri di; zisü.

Matthew 9:6

Eli neko po thümanuo cejü hilü ri mi küphoma va süyi küve küku ba küti seyi kütona; si die Pu lasao yisü; sü nzi pühyi die ta n celü vo tate, zisü.

MARK 10:45

Kükrelamori, Thümanuo zori mipo pu shoyi thi mori pu mi shoyi thi mu mi kükro rhayi küto la pu pho khasü to vori küti la; zita.

MARK 8:38

Thüma kühopühri kürüzü mu küphoma phru küpü nulhü hio mhuzülü aza mu a züko püh po münga ta lize; thümanuo rio Pu Poo zapo zale lüno tüyoshoyi kümüsakozüh küvori nha pu za po münga tato.

JOHN 1:51

Püce posa kesü, I nce potü süto, no tüyo khri kesü ngoto hisa, tüyo choyi miko Nuo yo kho mu ki ketha ngoto.

JOHN 12:34

Thümako püfü kela kesü, Hako thezholü thopü kemeta sekeba Messiah kechothe ba sütole ziba; no dipüla thüma Nuo tasü tatole siziba? Thüma Nuo sü sopüta?

JOHN 3:14

Moses nhatsalü tenhi pü kesübi, thüma Nuo ri püsü zoto.

JOHN 5:27

Sheco keku khapü pü tsüsü, kekrelamori pü thüma Nuo tila.

MHATHOKO 10:38

Jihova dipü bide Kemesa Rüpü mu Keku pü Nazareth mi Jisu kenhüsü, pü mhakeve thishu, kethi miko thi kesürho sü, therü kesupo ukebü ketako thi mevesü, kekrelamori Jihova püzü ketala.

MHATHOKO 7:56

Pü poti, Hihe, I tüko khri kesü ngo bate, Themanuo Jihova zaco sütha thate.