Matthew 13:22 - KETHOLESI KESAO N.T. (BSI)

²² Süsari tsa rütu tsahu dolü lü kütao ri pu züo seyi zori tsüdo cejü hilü rüleko, mo mi müsü kümüsü ceneko külüko tho züo whu müdi la vayo, sidie use rüthiyi mo tayo.

Matthew 13:22 Iomraidhean Croise

Matthew 12:32

Mo kühopühri zü po püh thümanuo mütsu küti zo-e vapüh pu prüto; eli kühopühri Kümüsa Rüpü küthami cejü hilü ri mo tüyo ri pu küjo vapüh prü yilho.

Matthew 13:39

Tsa süo prüh küsüo sü küsüo zo: Yikürüh sü cejü hio küla zo, mo yikürühmiko sü tüyoshoyimiko zo.

Matthew 13:40

Süze zotshüko rhüh küngu püh vo melü müto küva bi, cejü hio küla ri sü bi zito.

Matthew 13:7

Süsari hu rütu tsahu dolü prüta, sidie tsahuko masüri die süko gükhriva.

LUKE 12:15

Pü ukoce po kesü, menuyite, mhakeholü uce riyite, thümapü kehülü mhakekro kengu keyilü bamotila.

LUKE 12:21

Süla sübi pütho püla mhakengu yo, vele Jihova la pü mhane kemoo sizi tato.

LUKE 21:34

Fü mula bate, kehü zhorele po ne melü thi mesu vamo ketola, mezünyonyü, meyhu mezhe tiko po ne tüpü ba keredeyi mo bata mo ketola: zoma bü pübi cejülü kehü metüko yo vori zo ketola.

LUKE 8:14

Tsahu dolü ki ketako, jüo reniyi de cüsüri vele cejülü zhoko, cesücene mu ukemenyü kopo uko royita de usezhüyi mo ketako.

MHATHOKO 8:18

Simon apostleni ngoti unibe chopü miyo süze Kemesa Rüpü kha mitsü kesü ngo, süla pü presapü uni tsüsü.

ROMEMIKO 12:2

Cejülü zhorüleko züta hite, sitimole nekehü redepü nelüri kesa salayite; vekethoti mipo nengote: yikeshükethi, m vetsüketi Jihova medo bide.

CORINTHMIKO KÜRAO 1:20

Mhakeseko mhase dipüce vota? Lesi keseko dipüce tata? Tsükehülü thezho khipü kemeli ketako dipüce vota? Jihova mhase kemoko thipü cejülü mhakeseko thisü ta mome?

CORINTHMIKO KÜRAO 2:6

Vele hako ketsü jü poyo vetsütso tiko dolü, vele cejülü ketsü jümo mori küzhomiko jü mo. Süko kemethu thita yo.

CORINTHMIKO KÜRAO 2:8

Süo cejülü kezho miko setamo, uko setayo lize uko zapozale Niepoo khipü cross (nphemedü süyo) gu valho.

CORINTHMIKO KÜRAO 3:18

Thüma kehopü pori pütho püshu menyo va hite. Mhace thüma humi cejülü mhase mu tsü lize, püpo kenyomi thi tate, sizi lize pü mhakesemi pü thite.

CORINTHMIKO KÜNAO 4:4

Cedzü hio ropüko süko thülü mhüo thi mücie ve, zale küthi Khrista dzüyiküve Nyepoo Jihova rhü thi küpüo po uko vamve mo kütola.

Galatiamiko 1:4

Uko kephomako la pü khapü utsüsü, side tsüdo cejülü mha kesuko lü uphuyi ketola, Jihova mharhülü mu uko Poo zalü.

EPHESUSMIKO 2:2

Süyolü nüko vapüh cedzü-o zhozüh tükhralü küta küku küde nuko zhozüh mu ropü tsüdo dzüzühthiyimo küta nuneko yolü mhathi kütayolülhüta.

TIMOTHY KÜRAO 6:17

Künemiko cedzü hihi posüte; uko pon ncene phude kümoko hi mori ukümüri mütüpüh u cenelü sü hite, kükrelamoh süsü küchothe ba küto cene moeli uko pon ukümüri püh Kümünupüh yolü süyite. Kükrelamoli putho cene sü molize kesu mütü püh u kütsüla.

TIMOTHY KÜNAO 4:10

Dema cejü hio lü zhüko vakhrü küzüla a khava no Thessolonia lü vote, Kresken Galatia lü mu Titus ri Damatia lüvo te. Luke lübi azü küba zote.