1 Poo Nu Jisu Khrista züyiküve shühdü.
Süsa püzulü kütako vori die pü rüsüta, sidie püko sü, No Jihova nuo küthozo; zita.
Pü züpo küthalü kümhü vekrü küti püh vori die puko jü püyita; mo Yhie! Kümhü süo lü mha khü püh vori die: Hihi anu a khrüo zo, anüthoo sü Pu zo, neko Pu khü rünyiyite zita.
Sücesü Yhie, Tüyono mhakhü püh; Hihi anu a khrü-o zo, I Pungo a künü thoo zo, zi kiri.
Süsa küdo küti-o Puce vori die sü, No Jihova nuo zo lize kütsü hiko ce po sü die süko po tsükhrüda thiyite, zita.
Tüyochoyio pode, Kemesa Rüpü n yo vorito, kerekrüthoo tho n mhozhuyito, sizide nuranu menuyiyito, pü mesato, side pü cüpü Jihova nu thito.
Jüo po uthi meve vori, pü udolü hü, hako püngo, zapozale Poo nu püyo ngokemezhe mu kethopo chupü.
I süo ngo, süo zhopo khasüyo, hiohi Jihova Nuo zo.
Nathanael püjü kelade poti, no Jihova Nu zole, Rabbi, no Israel mi Kedeo.
Vele hiko tho kesü, Jisu hi Khrista zo ti nekopo melüyi ketola, Jihova Nu zo; melü keyila neko kerhü ngoyito püzalü.
Jihova cejüo khrüthori zode pü Nu pule-o kha süzo, thüma kehopüri pü melü keyimi shütaho, vele kechothe kerhü ngo yito.
Hako melü tazo, no Khrista kethozo, Jihova rhü keta Nuo zo.
John mipü jülompü ketilü shudü de tavo uko dolü püzü khoketa nha ketso, mipü züpü uko züde rhüla kesü zhopo thita moze su.
Pü kevori mhüjü John thelü redekeyi jülo pü Israel thümako tsü.
Kekrelamori uthi umo kethathila thezholü thiyi ho tate, Jihova pünu thüma kephoma hübide uthi umoyo kephoma mejo ve.
Pünu zori kela vamozode uko metüla pü püprasü, pü mhakekre kehopü ri kha utsü sü motome?
