LUKE 16:15 - KETHOLESI KESAO N.T. (BSI)

¹⁵ Pü süko cepoti, neko thüma mhüjülü netho nethi kematho pü tayo;, vele Jihova ne lüdo seba, kekrelamori thüma mhüjülü ulü meve (lükerekrü) kebami Jihova mhüjülü ngo keretsü zo.

LUKE 16:15 Iomraidhean Croise

Matthew 23:5

Süri puko mhatho küthi mütü ri mipo ngo küto na thiyo küti zo; süzomoli puko kütholüsi züboko tho mülemülu püh u süh thi pu tayo, mo puko khü mhüko thi kümünye pu tayo.

Matthew 6:16

Sülibizomoli, neko kümvo tice küthürakütiko bi die ne thusü sa tatahite, süko mi po ngo küto na puko zü thi mükre pu tayo. I neko ce po süto; süko zo-e puko zhokhro ngo bate.

Matthew 6:2

Süze ne mha müthu püh mi küprü ce küthürakütiko-e thüshüh ngoyi nyi die synagogue ceko lü mo shopüsholiko lü thiyo küti bi die sekhu zota hite. I nekoce po süto. Süko zo-e puko zhokhro ngoyi bate.

Matthew 6:5

Süze no küsho küthice küthüra kütiko bi ta hite: Kükrenamoli, sükoe mi po ngo küto na synagogkolü mo shopü shiceko tha die sho küti puko nüyo, eli, I nekoce po süto, süko zo-e u zhokhro ngoyi bate.

LUKE 10:29

Vele pütho mezileti thinyü de Jisu cepoti, sopü asüzanumita?

LUKE 11:39

Niepoo pücepoti, tsühi ne Phariseemiko chozuco tehe mefü thikemesa phiyo, vele ulüco mhakesu kelü mu kerhoko chu pü tayo.

LUKE 18:11

Pharisee süthayi de kechothi sü, therüo I n meza, I thüma kekremi bi kemola, mizhü kethi kedü tiyo, jüthomo, regü rezhü mori matu kehomi thüma hio ri bi kemola.

LUKE 18:14

I nekoce posüto, thüma hio kekreo ceri püthi kematho pü pücelü vote; kehopüri uthi renu pü ketami thi rekrü süto.

LUKE 18:21

Pü poti, I anatsilü süko thi mu zü vorite.

LUKE 18:9

Jüve hio khapü humi utho ulü kematho de mikekreko lü thathi ketako ce poti;

LUKE 20:20

Uko püla bata, mu salimi ketsü sü, uko kemezimi khravü, uko pü jüpokolü pütüyi ketola, side uko pütüpü kekumi belü sorkari kesümi governor tsüsü ketola.

LUKE 20:47

Uko theno samepüko kedoti tayo, mu mipo ngo ketola kechothi mechoshuyo; süko kemejo ngo mekro kuto.

JOHN 2:25

Thüma kehopüri kezhopo phizo mo sheri vezo, kekrelamori püse keba thüma lulu kedipü bashi ti seba tila.

JOHN 21:17

Pü vasüo ri poti, Simon, Jonas nu, No akhrü yome? Peter pülü suta. Püce vasüo ri No akhrü yome? Sizi ketala. Püce po sala kesü, Niepoo no mha metü seba, I nkhrü yoti sheri seba. Jisu püce poti, “A kunuko thekü yite.”

MHATHOKO 1:18

Tsühi yipü thüma hio mesakemolü khripü metate, püpi meso de retute, pü kesü phrepha va, pübü püsü püra metü kesüla ve.

MHATHOKO 1:24

Uko kecho thisü, “Niepoo no thüma lüdo metü se, hini dolü sopüpo n medolü kedasü to sheri thatü süte.”

MHATHOKO 15:8

Jihova mimelüko keseo süo zhopo zo, Kemesa Rüpü khapü uko tsüsü ukoyo thi kesü bide.

ROMEMIKO 3:20

Thüma kehopüri thezhokhi pümhüjülü utho upo kemeziyiho, thezhola kephoma mhase vori.

ROMEMIKO 8:27

Rüpü umelülü ukelü kedipü bashi keti phuvo seyi yo, kekrelamori pü kemelümiko la Jihova kelülü mehimelo bayo.

CORINTHMIKO KÜRAO 4:5

Süla pütü mhüjü mhapüri sheco thi hite, Niepoo vori kemothe, pü kezülü resürevapü ketako metü hala sü ketola; umelülü mharhü ketako metü kehala süto: mu süce thüma kehopü sheri Jihova chuto.

PETER KÜRAO 3:4

Vele thüma süo umelülü resü kevapü keta, mesamo ta keho, suta keho, kemekre kethi rüpü, süosü Jihova mhüjülü püma kerü; mhakezho.

PETER KÜRAO 5:5

Sübi ne natsimiko ne khapü pethi mehimiko khro süyite, Ile, neko metü hunehu khrikhro ta yite, mu hü menünu khi beyite, kekrelamori Jihova kemeko ketimi gü vayo, mu kekhrü kene khapü thelü kemenüko tsü süyo.

MÜNGOKESÜ 2:23

M I kesa pü pünuneko mesa vato; m kehu metüko I uko mhathoko, uko melüko phu kega keta seyito; m neko mipüpü ketsü mhatho khü cezüde zhokhro I kha süto.