JOHN 3:16 - KETHOLESI KESAO N.T. (BSI)

¹⁶ Jihova cejüo khrüthori zode pü Nu pule-o kha süzo, thüma kehopüri pü melü keyimi shütaho, vele kechothe kerhü ngo yito.

JOHN 3:16 Iomraidhean Croise

Matthew 9:13

Neko vo die I-e rüsuküthio mori ngokümüzhe anüku, zi püh kümüta züo co seyite. Kükrenamoli, I-e kümathoko mori küphomako po thülü küdeyi küto na küvori zo.

MARK 12:6

Süsa pu mipüh süosü putho punu pu khrüthoo balu, pue sü, ukoe a nuo rho mutes; zidie künuthoolü süo kütsüh püh pukoce sü.

LUKE 2:14

Püco the kesü, kerekrütho Jihova po zapozale thiyite, cejülü thümako po kezükeve and thümala mhakeve kelü thite.

JOHN 1:14

Jüo po uthi meve vori, pü udolü hü, hako püngo, zapozale Poo nu püyo ngokemezhe mu kethopo chupü.

JOHN 1:18

Mipüri Jihova sü ngomo. Süosü Nuo pümelülü kebaozo. Püpü mi mese kesüo.

JOHN 1:29

Süsanha Jisu ta püce vori kezü ngo de John poti, Hihe, Jihova Konuo, Cejüo kephoma khi tata ketoo.

JOHN 10:28

I kechothe kerhüpü uko tsü süyo, uko mhapü ceri su taho, mori mipüri abelü süpü tataho.

JOHN 3:15

Kehopü sheri pü melü keyiko kata hozo, vele kechothe kerhü ngo yito.

JOHN 3:18

Pü melü keyimi sümi mejo vaho, vele melü kemomi tsüri mejo vatazo, kekrelamori pü Jihova khakesü Nuo melü mo ketala.

JOHN 3:36

Pü Nuo melü keyimi kechothe kehü ngo yite, somi Nuo melü mota sheri kehü ngo yi ho, vele Jihova lekhu püyo ba tayo.

JOHN 6:40

Hiohi aketsü kesüo medozo, kehopüri Nuo kengoko pü melü keyi, kechothe kerhü ngoyi ketola, thüla tü nha pü kelayi ketola.

ROMEMIKO 5:10

Kekrelamori mhace, uhijü püngomu thiketace, pünu sa kesüla u Jihova züde kezüveyi, siti lebimo pükerhüla ukelayite.

ROMEMIKO 5:8

Vele Jihova pükekhrü kha umetso kesü uko phoma bazolu tilü Khrista ula sasü.

ROMEMIKO 8:32

Pünu zori kela vamozode uko metüla pü püprasü, pü mhakekre kehopü ri kha utsü sü motome?

EPHESUSMIKO 2:4

Veli u Jihova ngokümüzhe mu pü kükhrü küzhona uko khrüyite.

THESSALONIAKO KÜNAO 2:16

Sülizo u Nyepo Jisu Khrista poyi mu u Kümünupüh u poo ngokümüzheo na ukhrü mu küchothe ulü tho mülu mu u sadzuh küve kha u küprüo poyi,

TITUS 3:4

Vele süsalü ketsükeve mu kekhrü therüo celü uko kelakeyi thüma yo thi kesü ngoyi,

HENREWKO 2:9

Vele uko Jisu ngo, pü thipü tüyochoyiko ce renuku zasü kekrelamori püpo kesalü kemezhe tila; süosü püpo Jihova kekhrü methu kha kesü thüma mipüpü la püpokesa metha.

JOHN KÜRAO 3:1

Hey, u Po u khrüpü küdithüdü püh thi siküti lüsüte. U püsü Jihova nune thitaleküti, Siyilizo, u rei seyita zo.

JOHN KÜRAO 4:19

U rei pü khrüyo kükrelamole pü u khrüraküti la.

MÜNGOKESÜ 1:5

Jisu Khrista khakesü kemelü kene zhopo, kesami dolü rhüla kesü kerathoo, cejülü kedemiko nuo, pü uko khrüde püzapü ukephomako khrü kemesa kesüo.