JAMES 3:14 - KETHOLESI KESAO N.T. (BSI)

¹⁴ Vele ne lülü mi ngo uro swü kütsü mu utho uzhozhü lüphüh kütsü baleo süsüla kümüha hi mu küthoo püh kümüda thiva hi.

JAMES 3:14 Iomraidhean Croise

Matthew 27:18

Kükrenamoli, thüma hikohie Pu ngo puko ro die Pu tü küsü Pilate-e se küba na.

JOHN 16:2

Uko synagogue cekolü neko hu vato, Ile, humi neko dokhri tisü Jihova choyi thi bale lüto.

MHATHOKO 13:45

Vele Jews miko makro tavori ketala uko rota, jü süko Paul pokesüko metsuta, ketherüti po mu zho shüta.

MHATHOKO 26:9

Sübi, I sheri akelüce mhakekro thipü Jisu Nazareth za metsuti mesüle thisü.

MHATHOKO 5:17

Süsa thevo kezhoo uko mejo sürita, mi püzü kebako metü, Saduceeko uko krünyü süta.

MHATHOKO 7:9

Upotsaneko püngo ukorode Joseph tüpü zhuva Egypt mice, vele Jihova püzüta.

ROMEMIKO 1:29

Mhakesuko pü chu: kesu dolini kethi, mesakemo, mehomenyü, minümo kethi, mhameho shuti, kedokhri, kejüzükemo, kemeli, kedokeche, udorüshuti, salisalü meso,

ROMEMIKO 13:13

Kejütholü tayi khe, tüso ketabi, zokra kemezüthide mha kebüta hili; utho umedothide nyonyü m ti kramezüpü ta hiri, müzü kezhenyüsa m mhameho ta hiri.

ROMEMIKO 2:17

Hihe, ne Judahmile ne thezholü relü m Jihova la kemeko tayo.

ROMEMIKO 2:8

Vele somino mizüde kezhenyüsahühü, kethojü zümu, vele mezikemoko füzü, ulükekri (unhyüshethi) m thelü reda.

CORINTHMIKO KÜRAO 13:4

Kekhrü (mivaphi tisü) ba mecho sügü sühe keyi, miyo tsülive, kekhrü süo mha meho ta yomo, kekhrü süo ko kemeha khobü ta yomo, utho uchuti, ulü kerekrü ri yomo.

CORINTHMIKO KÜRAO 3:3

Kekrelamori neko tsüri uthi upho medo kethilü bazolu, mhakemenyü kesoti ba, kelalati, süla neko uthi upho lüdolü tazo side thüma zhorele lü hübata mome?

CORINTHMIKO KÜRAO 5:2

Neko kemeko ulü kerekrü bate, ulü su ulü kemezhe mori, mha sübi thita ketako neko dolü khivate.

CORINTHMIKO KÜRAO 5:6

Ntho nthipü zapozale thizo keba vemo, Khre kedopüla photü po khrü keta seba mo zome?

CORINTHMIKO KÜNAO 12:20

I müprü küba a küvoce nieko a medo bi ba ngoyi mo mori nieko angopüh nieko müdo biyi mota sino kümüli, huhu ngo uro, lükhulüha, küzüküshü, uzhozhü külü, huhu tha, Sali thi, ko küka mu kübvü kütsü süh küta müprü.

Galatiamiko 5:15

Mhace neko hunehu mece mu tati ba lize, menu yite, neko hunehu mezo tita mo ketola (thimesa keyi sü Rüpü lüzo, thezho lümo).

Galatiamiko 5:20

Marhe kereshü kethenyü, kephi metsü, kelakre, kemedu (chüphri) lüda, kemehye, mishu kedo, kethera (vajo).

Galatiamiko 5:21

Mi resa, kedokhri, kemezü, yoyi kemo, sübiti; I thajü nekoce posü ve, sübiti; thi ketako tüyo kedeba kalü thiyi hozo.

Galatiamiko 5:26

Uko kemethu kemerü zapozaleko menyü tahi takhe; hunehu lüda kethi mu hunehu menyü zimo lekhe.

Galatiamiko 6:13

Kekrelamori uko yi kerüko lebi thezho kezümi zomo, vele neko po yirü keto menyü ba, side nethi nepho pi uko zapozale thiyi ketola.

PHILIPPIKO 1:15

Thüma kropüh-e küthüro mo mizüh kümürha küto la Khrista popüh mi mütha, Vele thüma humi lüthilüdo küve süh Khrista zhopo thisü.

PHILIPPIKO 2:3

Kengomu mori utho u lükerükrü de mhathitahi deri ne lü rünu sa no huniehu yi sü nece veku le lüyite.

TIMOTHY KÜRAO 2:4

Puno thüma mütüko pon külaküyi ngoi küti mu kütho mhaseo vo küti punüzo.

TIMOTHY KÜRAO 6:4

Thüma süko mhapüri semo zori ko müthu tayo side künyomi bide kütsozü kümoko ri kütso mu mizü kümülitayo. Mha süko lano mingo uroküti, panyoparo, küzhe kümüli, küthaküti, huhu lü müsu kütiko muküthoo thüratayo.

TITUS 3:3

Kekrelamori uko thozori hucepü melo nyonyü tayo, mifüzümo, mikedo, umenyü kekrekre tiko nüthi, zü mezhokemo mu miresa meho, miphi metsü, hunehu ngounümo.

JAMES 1:18

Pü tho Pü müdülüno kütho dzülü u mühüsü, side u po pü mhatho she kürao thiyite.

JAMES 3:16

Kükrelamole mi ngo uro kütsü mu utho uzhozhü külü kübara kübvüküli mu mhaküshü dolümi bayo kütsüla.

JAMES 5:19

A züneko, neko dolü humi küthoo mürhü tata de humi pü züh lavo leo.