JAMES 1:22 - KETHOLESI KESAO N.T. (BSI)

²² Vele kürüni lübi de u tho u swüva mole dzüo küthimi thiyite.

JAMES 1:22 Iomraidhean Croise

Matthew 12:50

Kükrenamoli, thüma kühopühri tüyo küba Apoo müdoko thi mo zühyo kütiko sü a sazühzürako, a lipüneko mo azuko zo, zita.

Matthew 28:20

Sidie puko po I nekoce po küsüko thi mo zühyi kütona mütha süte. Sülize, Yhie! I künu künu kütso ri neko züh süh ta zoto süzi sü. Amen.

LUKE 11:28

Püpoti. Vele, Ile, süo ceri sopüno Jihova jüko reni mu khiyi sheri süo thejo kepütho.

JOHN 13:17

Mhace neko süo seyi lize nenü yite, nekola keve zoho.

ROMEMIKO 2:13

Kekrelamori thezho reni mori thezho se ketila Jihova mhüjülü matho tamo, vele thezhoko thi m zü keyila mezi yito.

CORINTHMIKO KÜRAO 15:33

Mipo ukedova hikhe; mhapo kekri kesüla uzhokeveko jümerho vayo;

CORINTHMIKO KÜRAO 3:18

Thüma kehopü pori pütho püshu menyo va hite. Mhace thüma humi cejülü mhase mu tsü lize, püpo kenyomi thi tate, sizi lize pü mhakesemi pü thite.

CORINTHMIKO KÜRAO 6:9

Mezi kemoko Jihova kede kalü ngoyi ho, siti neko semo zome? Mipo neko kedova hite, kerezhü miko, mori therü marhe kereshüko, mori thethenu miko, mori hüketheno ketako, mori mihino kethiko, mori thepumi züde mhakesu kethiko sheri.

Galatiamiko 6:3

Kekrelamori humi mhapüri zomosheri utho ulüpü mhapü bizo ba lize pütho püshü kedo tate.

Galatiamiko 6:7

Mipo neshu va hite, Jihova sü thekrü thenyü zomo kekrelamori kehopüri tsava (prü) kesüo pü süo rüla zoto.

PHILIPPIKO 4:8

Külalü, küzüko, mha dipüko kütho, mha dipüko thürho, mha dipüko müzi, mha dipüko müsa, mha dipüko züve, mha dipüko mphrü, mha velotsü kütsü, mhahu chuyiküve ba tsüsa süko lü zoyi.

COLOSSAEKO 3:17

Ne mhatho mori jülü she dipü thi sheri Jisu zalü thi zote, kethezü pü Jihova tsüte, pü u Po zoti la.

TIMOTHY KÜNAO 3:13

Vee thüma kürüzhü mu mi swü she küzhomi miswü mu miri uswü sino shü mamatato.

TITUS 3:3

Kekrelamori uko thozori hucepü melo nyonyü tayo, mifüzümo, mikedo, umenyü kekrekre tiko nüthi, zü mezhokemo mu miresa meho, miphi metsü, hunehu ngounümo.

JAMES 1:26

Nedolü hümi nani küvemi litsü lüyo ri, u ta kükhayi moleo pütho pü swü bate mu pü nani ri kümüchü zo.

JAMES 4:11

A züneko, huniehu thahi, kühopühri pü zümi tha mori lü müjo leo thüzhoo tha mu thüzhoo müjo bate, thüzho müjo taleo thüzhoo thi mu zü kümomi te mu thüzhoo cope küthimi te.

JAMES 4:17

Kühopühri thiküzüo she zori thi moleo, pü phoma tazo.

PETER KÜNAO 2:13

Mezi kemo zhokhro ngoyito, kehelü mhakebü kesü unüunyü thi ketako; uko theku kene, thece kene mishu mikedo tipü uko rezhü kethi uko neko züde hi (thenyenye) keba dolü,

JOHN KÜRAO 1:8

Mhanuü u uküphoma bamoü poyo lizo, u tho u swükütsi küba zo. Mu küthoo u yolü bamo.

JOHN KÜRAO 2:3

Mu u pü seyita le küti seyiküta kükrelamole u pü dzü khaküsüko züyoküti la zo.

JOHN KÜRAO 3:7

A nune kütsüko, mipührei po neko swükütseivahite; thüma kühopührei mathoyoküzhomi pü mathoyoküti kümha sümi rei matho zo.

JOHN SÜO 1:11

Kekhrümiko, mhakesu kethiko sameji hite, vele mhakeve mejite; pü mha keve kethi sü Jihova celü vori, vele pü mhakesu kethio sü Jihova ngomo.

MÜNGOKESÜ 12:9

Fükera kezhoo hu va, tenhi pethio püza therükesüo, Satan, cejü metü shu ketse ketao; pü hupü cejü süva, pü choyimiko kesa huva.

MÜNGOKESÜ 22:7

Hihe, I mhai zi voritazü; saju jü hiko thopü kemeta lesi hikozüyi ketimi thejo kepütho.