JAMES 1:12 - KETHOLESI KESAO N.T. (BSI)

¹² Dophilü sügüsühe küyimi thüjo küpümi zo, kükrelamole pü medophi küsüyolü thaküyi la Nepoo püh pükhrüyo kütsümi tsütole po phra kümüzü kürhü küde pirüh ngoyi zoto.

JAMES 1:12 Iomraidhean Croise

Matthew 10:22

Mo aza na mi mütü po neko mütsü to. Süri yhie zoba pu küla tso küyio külayi to.

Matthew 25:34

Süsa Küde Pu zaco kübako yisü apo galiphi püh neko küprüko, neko voridie cejü thiyi prühlüno küsüh püh kümüta kedebao gwüyite;

LUKE 6:22

Mi neko ngometsüyo tiko thejo kepütho, side mi krolü neko hu kevako, neko meshü, nza cüpü thüma kesuthomithi, kekrelamori thümanuo la.

ROMEMIKO 5:4

Sügüsühe tilü voketa mhase ngoyi, voketa mhaseko lü ukemeri ngoyi yo.

ROMEMIKO 8:28

Usekeba Jihova kekhrümiko mhakehopü thizori mhakevela thiyo, pümedo thi ketola cükeyiko.

CORINTHMIKO KÜRAO 2:9

Vele thopü kemeta umhüpü ngo kemo, mori uni khipü reni kemomori thüma melülü lü kemo Jihova kesüpü metate pü khrüyo kezhoko la.

CORINTHMIKO KÜRAO 8:3

Vele humi mhace Jihova khrü ta lize thüma sümi utho use bate.

CORINTHMIKO KÜRAO 9:25

Thüma kehopüri thehe kethilü u kethükerü moze su, mha metülü tsüdo uko thi kebao kata keto dopülebi la kedepira süo phu tayo, vele uko suta keho kedepira la.

TIMOTHY KÜNAO 2:15

Ukümünupü po no ve len po kütola nhe thizo yite, mhatho küve thiyi, sio no münga taho; kütho dzüo küza tü-ü no süzoyi.

TIMOTHY KÜNAO 4:8

Thayowi lü mhatho ba küyi püo khapüh a cü püh müzüte, Nepoo dzütho tü no mi kütso kütoo Pü tho tüsozho küzho nha vo küto u nüyo küzho khüko ri cü phrüto.

HENREWKO 10:32

Vele ne rekra sala süte, hijü tülü neko thi metovesü neko kemethi kekro zü ketü vori.

HENREWKO 11:17

Abraham kemelü dojü kepelü Isaac pü reshü thi, mu pünu pupo khi reshü thi, mu pünu puleo khi reshü kethila Jüphra kesüo kalü ngoyi.

HENREWKO 12:5

Neko khipü natsimiko tarho kesübi po kesüko neko rekramote, Anu, Niepoo u methade u methi kesü lü kemejo va hite; mo pü neko lekhu kesüko sheri.

HENREWKO 6:15

Mu sübi, pü sügüsühe de gü keyila pü thejo süo ngoyi.

JAMES 2:5

Kükhrü a züneko, rünisüte, Jihova cejü hilü küdimiko küdapüh kümülü ceco mhakünemi mu pü khrüyo kütsümi la dzüphra thisü küva küde rüve kasükalü thita

JAMES 5:11

Küthozo, sügüsühe küyimi thüjo küpümi zo kütsü uko lüyo. Ne ri Job sügüsühe küyi dzü she mu thülalü Nepoo mharhü ri ngovate. Nepoo mi phi udzürüzo mu mi ngomüzhe phiyo

PETER KÜRAO 3:14

Vele mhace no kemezi la kemezhe ta lize, no nnüte, mu uko kethi kedü tiko methi hite; mori nlü kemezheri hite.

PETER KÜRAO 4:13

Vele rethu yite neko sheri Khrista mezheko keza ba ketako, Pü zapozale mesemengo vori ketoce nekonekenü rekrishu zo ketola.

PETER KÜRAO 4:14

Mhace Khrista zalü ne meshuyo lize, ne kenüko thüma kropüzo, kekrelamori zapozale kethi rüpü Jihova celü vori nekoyo bate; uko lazono pü mha kesu side po, vele neko la pü zapozale kethi zhüzo.

PETER KÜRAO 5:10

Vele Jihova ngokemezhelü uko cüpü kechothe zapozale kethilü sü keyi Khrista Jisu yolü; süo salü dopü neko kemezhe, neko thi meve tsosü ketola, neko kha shusü, thi kemetüsü, mu nekopo krokrü keyi thisü.

PETER KÜRAO 5:4

Teko kefü kemeleo mi mhüngo thi vori ketoce neko zapozale pira rata kemopü ngoyi to.

JOHN KÜRAO 4:19

U rei pü khrüyo kükrelamole pü u khrüraküti la.

MÜNGOKESÜ 2:10

Mice pohi, no kemezhe ketoko; Therükeshü-o neko humi tü pü Thejücelü süto, side n ne ketito; side zho kerü kemezhe ta to; kesa ketso sheri kemelü thazote, size I kehü kedepira pü ntsü to.

MÜNGOKESÜ 3:19

I khrü ketsüko lekhu süyo, m methi süyo; n nüsai m rhürha yite, nlü kede yite.

MÜNGOKESÜ 3:21

Thakeyimi I kedebalü püpo bato, I pfü keyibi de Apo kedebalü ba keyi bi.