TAITAS 3:5 - KARANU KABI SAMTAM

⁵ nyiinii kasang kamajyii kito tiikabam tha kito makle, nlenii mpoumah lungsyii kapyii kito mpounii nyiigo nlai loisii kamanaamah dwi shyii kamatei ninado rangii kamatei mah tiiranu kapyii kito mpounii nyiigo keipyii takle.

TAITAS 3:5 Iomraidhean Croise

METIU 3:11

“Lungkali kalu jangpii Inii dwi kito gonyiigo dwi mpum pyiile; nlenii gutaito gongtang karam Ah teinii gudoito dikile; Inii mpoumah pichot kapoi katangdo tiikajyii makle, Ahnanii gonyiigo rangii kamatei kito ninado mipii dwi mpumpyii tangle.

LUKNII KARYII KABI RASAM JUKAMATI 1:50

sateichii mpougo sadzyii ngariit katiimeigo aha-hato mpounii lungsyii kati tei mangoupyiile.

LUKNII KARYII KABI RASAM JUKAMATI 1:54

Mpounii Abraham sateichii mpoutaa mpou nahmei dakii kalui kaga tiisupiinii lungsyii kapyii tei maning matu tang karam jangpii,

LUKNII KARYII KABI RASAM JUKAMATI 1:72

Nyii pei nyii paogo jumage kapyii tei mangou tang karam jangpii, sateichii mpoumah sat tang karam karanu samtam hangtei maning matu tang karam jangpii,

LUKNII KARYII KABI RASAM JUKAMATI 1:78

Nyii Saraa teinii Jumage kati sateichii manoi kabi teile, Mpounii nyii phyiiryiikii Keikapyii mah tingchoi kava tei sagoi gamto vapyii tangle.

ROMMEI 11:14

Mazhiileponii gupum guzai lamto n-gu njoisii kalei Jehudimei gotei tii maimhii pyiisanii ahnyii mei cheng- niikiigo keiwo tang karam jangpii- niile.

ROMMEI 11:6

Nlenii ai ai jumage kapyii paitole, lepochiinii, ai ai nlailoisii tha kito sutakle; suleponii jumage kapyii tei jumage kapyiiloi sutakle.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

ROMMEI 3:20

Kadaponii ajatingshang mah atha teipiinii mpou mikjot kito meigo kado tiima- jyiipyii lakle, kadaponii ajaiting- shang paito kem katu tei tigongle.

ROMMEI 3:28

Kadaponii ajaitingshang mah atha tei haisupiinii mei hangniniigo tiimajyii pyiilesii nyiinii malumle.

ROMMEI 4:5

Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

ROMMEI 9:11

kadaponii nahmei tei lung kasunakii sateichii mah kata kabi mak-kii kashyii hangninii kado tiikasunakii kalai mpat kalu tai swisii Saraa mah kamaning kito tatjou matu tang karam jangpii katunii, tha hang jangpii supii, nlenii mpounii lat kapyii jangpii,

ROMMEI 9:16

Teipiinii mahlyii hang ai meinahnii kamaning kamarei mak- kii tiikajyii pungkajyii pyiiryii bam makle, nlenii Saraa mah jumage kapyii pyiiryiito roinii leile.

ROMMEI 9:30

Teitii leponii nyiinii kadapei tam tangpo? Kasang kamajyii fiikasu luikakimei hangteinii kasang ka- majyii katunii, kamalum kito kasang kamajyii tei doutakle;

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

GALATIMEI 2:16

teitii kido, meinah aigo ajaitingshang mah tha hang ryiikalu jangpiinii tiimajyii pyii makle, nlenii Jisu Kristago kamalum paikito tiimajyii pyiile katu tei tisii, nyiigo ajaitingshang mah tha hangtei ryiikalu jangpii supiinii, Kristago kamalum jangpii, tiimajyiipyii matu- tang karam jangpii nyii sek piiniido Krista Jisugo malum wotakle; dapokii ajaitingshang mah tha hang ryiikalu jangpii meigo kado tiimajyii kapyii gale.

IPISAMEI 2:4

Nlenii Saraamah lungset kati teinii hangkapii nile, sateichii nyii jangpiinii mpoumah lungkasyii teinii hangkapiinii dile;

IPISAMEI 4:23

Sateichii gonyii swi gonyii lung hangtei tiisatai ailo,

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

TAITAS 3:4

Nlenii nyiigo keikapyiipii Bangpii Saraamah lung- syii kapyii ninado meigo lungkasyii tei gongpyii sek-kii,

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

HEBRUMEI 6:6

ahnyiigo nlailoisii lung kali matu katu katang kiteikii kailoi katu tei tiipeiwo lakle; dapokii ahnyiinii Saraa nah sapfii mpou gotei ahnyii jangpii Krosh gamki gisii, mpougo madurahapii tii nrou aitakle.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

1 PITAR 2:10

Tinglang hang- ninii kinii gonyiinii Saraamah mei makle, nlenii aitoinii gonyii ai Saraamah mei tei takle, tinglang hangninii kinii Saraamah lungkasyii tei gonyiinii doumakle, nlenii aitoinii mpoumah lungkasyii tei gonyiinii doutakle.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.