TAITAS 3:2 - KARANU KABI SAMTAM

² mei kata hangninii phyiiryii kado tam mashyii kasu tiisii, nlenii lung manoi majung kabui tiisii sa- teichii meihang dakii lung kamanoi tei mangou kabui tiisii ahnyiigo tam maningpyiilo.

TAITAS 3:2 Iomraidhean Croise

METIU 11:29

Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle.

TIILAMLWI KAPYIIMEI THA JUKAMATI 23:5

Teito Polnii tamle, “Kangsanamei, mpou ai kanat kanhii kajum Tingdi- tupii le katu Inii timakle, kadaponii aitiisii ryiibamle, ‘nangnii gomei mah apum katiimei hangniniigo tam mashyiilakle.’ ”

1 KORENMEI 6:10

mak-kii karaga, mak-kii lukanyii, mak-kii kapanhii, mak-kii meisam tam kamashyii, mak-kii karagamei, ahnyii teinii Saraamah sating sazyii doulakle.

1 KORENMEI 9:19

Kadapokii Inii meihang dato gu rangra katii majyii tei leikido, Inii mei kisii dou wokabui jangpiinii, Inii guroinapii meihang mah kikaleimei hangninii tiimalei takle.

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

2 KORENMEI 12:20

Kadapokii Inii kagong tinglang kak, Inii kamarei takumpii gonyiigo Inii doukasu, sateichii gonyiinii kamarei takumpii gonyiinii n-gu doukasu malahle; n-girazyii kapat, kangourou katu, kararhii katu, mpou mpou jangpiinii kamaning, kalet kalou katii, samchet sampei katu, detkadi ninado matou kasu tei Inii ngoutang maniisii hingle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

GALATIMEI 6:1

Kangsanamei, kem kamaki takliit kaleimei hangniniigo jum woleponii, rangii lamto kalei, gonyii- nii ahgo tiimajyiipyii tang karamle. Nlenii teitei gonyiinii sotniimakpii tiitang karamle, sateichii n-godo hemwo kasu tiisii, goroinapii n-go julo.

GALATIMEI 6:10

Tei- jangpii nyiinii tinglang kabi kadouta tei, meihang dakii ninado routiisii kamalum kito ki kalungmei hang- ninii tiisii kaleimei dakii nyiinii kabi tei tiide.

IPISAMEI 4:2

Tinglang kaleita lung sanalo, manoilo, sateichii lung leh tilo. Hangninanii hangniniigo lung leh kati teipii kaswisii gonyiimah lungkasyii tei mangoulo.

IPISAMEI 4:31

Kiikha, hungsii rakarhii, raikapat, saa nrung katu, sateichii kalet kalou katii, meigo kangourou katu hang ai gonyii dato poitoi maleilo.

PILIPIMEI 4:5

Gonyii lung kamanoi tei mei- hangnii timatulo, Bangpiinii kalangsii gong leile.

1 THESOLONIKAMEI 2:7

Nlenii gonyiinii mpounah meigo makot kalei takumpii, nyiinii gonyiigo kaswisii kalei kak, nyiinii lung ma- noile.

1 TIMOTHI 3:11

tei takumpii sapwimei teiniido jairali bitang karamle, sateichii samlat moilak tang karamle, nlenii ahnyiinii mahlyii hang kito lung manoi tangle, sateichii malum kabuimei tang karamle;

1 TIMOTHI 3:3

ahnii jou kapanhii, mak-kii n-girazyii tiikasu, nlenii kamanoi kamajung sa- teichii sanahgo marei kasumei tang karamle.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

JEMS 4:11

Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile.

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

1 PITAR 3:10

Kabi rasam kito tam kalei takumpii: “Tiilung go lungkasyii ninado kabi tinglang leimik ngoukanyiimei hangteinii, kashyii kahong tamsii kalei ninado kachuisam tamsii kalei kito ahnii ntak tang karamle.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

1 PITAR 4:4

Sateichii aitoinii tei kakum hangkapii kem katii jaishang kitei ahnyiigo gonyiinii nja kasu tinglang kak ahnyiinii sung gatakle, teipiinii ahnyiinii gonyiigo tam mashyiile,

2 PITAR 2:10

(a) Routiisii matei kasu pumzaimah kamarei ka-ntha mah tha hang tiisii kaleimei ninado Saraamah teimaham go maning kamajaangmei jangpiile. (10b) Ai kasang kasu ralikapyiimei hang teinii lungdile sateichii detdile, ahnyiinii sagoi gamto kalei pumtei kava kadi hang gotei tam mashyii hingmakle;

JUD DATO KAGONG CHITI JUKAMATI 1:10

Nlenii aimei ainii ahnyiinii tikasu mahlyii hang phyiiryii teikii kalet kalou katiisam tamle, sateichii swikaga saram kounah takumpii, maningsupii tibak kalu aihang aipiinii ahnyiigo tiimagale.

JUD DATO KAGONG CHITI JUKAMATI 1:8

Tei takumpiiniido ahnyii roinapii ahnyii pumpotgo tiimahong matu katu mah madhang kapyii hangtei ahnyiinii doule; Saraamah teimaham gotei ahnyiinii lukai makle, sateichii sagoi gamto kalei sating gamlui hangmah pumtei kava gotei ah- nyiinii tam mashyiile.