TAITAS 2:14 - KARANU KABI SAMTAM

¹⁴ Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

TAITAS 2:14 Iomraidhean Croise

METIU 1:21

“Mpoupeinii nah sapfiimei hangninii lungtangle, sateichii nang- nii mpou zei Jisu sii lat tangle, daponii mpoumah mei hang go ahnyii mah kem kito Ahnii keipyii tangle.”

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

METIU 3:12

Mpoumah marhii tei mpou bah kito leile sateichii mpounii mpoumah lu-thai tei tiimatei sagei aisii mpoumah ati tei athiibou kikii poi ndwi tangle, nlenii araang gamtei miitsang miit kasu mibam kikii toikai aitangle.”

JONNII KARYII KABI RASAM JUKAMATI 10:15

Pfiinii n-gu tisii kalei takumpii sateichii Inii Pfiigo kati takumpii, Inii gumah hang gotei tile, sateichii gumah hang teinii n-gu tile ninado Inii Jao hang jangpii gumah karing tei matou pyiile.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

TIILAMLWI KAPYIIMEI THA JUKAMATI 15:14

Saraanii mpou zei jangpiinii lui kakimei kak kito meigo poi mpat tang karam jangpiinii karei kito kada takumpiinii mikjot tei jupyiipo katu tei Simonnii tam mpatpyii takle.

TIILAMLWI KAPYIIMEI THA JUKAMATI 15:9

Sateichii kamalum mah paikito ahnyii lung tiimatei pyiisanii, mpounii nyii nei ahnyii ai samah kado tam kaki ai mbam makle.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

1 TIMOTHI 2:10

Kanat kabi pwilesii tam kalei sapwimei jangpii ai ai tiimajyiile.

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

HEBRUMEI 10:24

Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

1 PITAR 1:18

Kadapokii sana mak-kii sana raguiba aipii supiinii, kasui mak-kii sajek kaga jaonah takumpii, mai kating Kristamah zai teipiinii.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

1 JON 1:7

Nlenii mpounii kava kito kalei takumpii nyiinii kava kito tat leileponii nyiinii hangninanii hang- niniigo nja katumah njai dou njoi katu tei leile, sateichii mpounah sapfii mpou Jisumah zai teipiinii kem hang kito nyiigo tiimatei pyiile.

1 JON 1:9

Nyiinii nyiimah kem tei tam mpat leponii, nyiimah kem hang kaleipyii tang karam ninado nyiimah tiikama hang kito nyiigo tiimateipyii tang karam jangpii, mpounii malum kabui ninado kasangle.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.