TAITAS 2:13 - KARANU KABI SAMTAM

¹³ Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

TAITAS 2:13 Iomraidhean Croise

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

TIILAMLWI KAPYIIMEI THA JUKAMATI 24:15

Iniido Saraa dakii kamalum tei bamle, ahnyiinii kabam takumpii, katunii, meihang, kabimeido kashyiimeido katai kito ringkhii tangle.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

ROMMEI 8:18

Dapodinchii aitoi tinglang mah kamage kalak leh kalei tei nyiidakii mangou tang karam pumtei kava gotei nda tiipei lakle katu tei Inii maningle.

1 KORENMEI 1:7

Teipiinii nyii Bangpii Jisu Kristago mangou tang karam jangpii koisii koisii gonyiinii rangiimah luha dou- tang karam samah kado tangkasu tiimakle;

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

KOLOSIMEI 3:4

Gonyiimah kasang karing tei Kristale, sateichii mpounii kagongki gonyiiniido mpougo ka- swisii gongsii mpoumah pumtei kava tei njaitangle.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

2 THESOLONIKAMEI 2:8

Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

2 TIMOTHI 1:2

Lungkasyii gunah sapfii mpou Timothi dakii, nyii pfii Saraa sateichii nyii Bangpii Krista Jisunii n-go jumage kapyii, lungsyii kati sateichii kamajung tei pyii matulo.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

TAITAS 1:4

Kamalum njoi katu kito kasang gunah sapfii mpou Taitas dakii: Pfii Saraa ninado nyiigo keikapyii Bangpii Krista Jisunii jumage kapyii ninado kamajung tei n-go pyii matulo.

TAITAS 3:4

Nlenii nyiigo keikapyiipii Bangpii Saraamah lung- syii kapyii ninado meigo lungkasyii tei gongpyii sek-kii,

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

1 PITAR 1:7

Tiimashyiiwo kabui sona katangdo, ahmah matei kasu kahong hangtei rutoitang karam jangpii mipiinii jaijuleile; teitakumpii sona sung kisii maiteeng kaki gonyiimah kamalum tei gonyiinii dousii kalei kamage kalak hangteipii jaiju tang karamle. Gonyiimah kamalum teinii leh wosii satto leponii, Jisu Kristanii kagong piinei leimik gonyiinii tam kamatoi, pumtei kava ninado sadzyii ngariit katii tei Saraa dato doutangle.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

1 JON 4:14

Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.