TAITAS 2:11 - KARANU KABI SAMTAM

¹¹ Kadapokii meihangmah keika- pyii karing jangpii Saraamah jumage kapyii tei gongpyii takle.

TAITAS 2:11 Iomraidhean Croise

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

MARK 16:15

Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

LUKNII KARYII KABI RASAM JUKAMATI 3:6

Sateichii meihangnii Saraa mah kalei kapyii tei doutangle.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:9

Meihang go tii-mva kapyii kasang kava tei sazyii pouryii gong leile.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 13:47

Kada- pokii Bangpiinii nyiidakii aitiisii kakhatpyiile, ‘Inii gonyiigo luikakimei jangpiinii kava hangninii tiipyii takle, sazyii pouryiimei hangnii keikapyii tei doumatu tang karam jangpii.’

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

ROMMEI 10:18

Nlenii Inii n-nhiile, ahnyiinii shiitak makpo? Nle, kasangpii shiitakle; kadapokii “Ahnyiimah roktei sazyii hangki gong tang wotakle, sateichii ahnyiimah samtam tei sazyii pouryii nlai katang tei gongtangwo takle.”

ROMMEI 5:15

Nlenii hangna teinii njoimakle, kadapokii Saraanii matapii kapyii luha teinii Adam mah kem takum makle. Mei hangninii mah kem jangpii meihangkii taitakle katu ai kasangle, nlenii Saraa mah jumage kapyii teinii disang dibwile, teipiinii mpoumah matapii kapyii luha tei meihangkago pyiile, Mei hangninii, Jisu Krista paito.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

GALATIMEI 2:21

Inii Saraamah jumage kapyii tei kadak matu makle. Kadaponii ajai- tingshang teipii meinahgo tiimajyii tiimatuipyiile leponii, Kristanii kaang gasii taitakle.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

IPISAMEI 2:8

Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

1 TIMOTHI 1:14

Sateichii nyii Bangpiinii mpoumah jumage kapyii kamoi tei guphyii- ryiikii ruikaipyiile ninado Krista Jisugo nyiinii njasii hangninii tiikalu kito kamalum sateichii lungkasyii tei n-gu pyiitakle.

1 TIMOTHI 2:4

nyiigo keikapyii Saraamah mik doito ai ai ngoukabi ninado kamajyii teile.

2 TIMOTHI 1:10

Nlenii aitoinii nyiigo kei- kapyiipii Krista Jisunii hum kapyii teipiinii mangoupyii takle, Mpounii katai gotei tii maga aisii kabi rasam paito karing ninado nlaikasu katai kaga tei kava kikii pung gongpyii takle.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

HEBRUMEI 12:15

Saraa mah jumage kati kiteito tai nlaitu kasu tiisii machyiigat wolo. Mei kado “kakaabang” hangninii tiisii pokpat ahmah hiikara teipiinii kaki hang- kiigo tiimashyii katu takum matu sulo.

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.