TAITAS 1:3 - KARANU KABI SAMTAM

³ ai toinii ajhii kabi tinglang kiteito, mpounii tiilosii gudakii pyiikabam kabi rasam teipii Saraanii mpoumah tiimatu kanyii kaang tei nyiigo mati mangoupyii takle. Ai ai Inii nyiigo keikapyii Saraamah mwija teipii saa mpat leile.

TAITAS 1:3 Iomraidhean Croise

MARK 1:15

Mpounii tamle, “Ting- lang tei gongtakle, Saraa mah sating sazyii tei natakle, gonyii lung kalisii kabi rasam gotei malum wolo.”

MARK 13:10

Sateichii lui hangda kabi rasam tei reipii tam ai tangle,

MARK 16:15

Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

LUKNII KARYII KABI RASAM JUKAMATI 1:47

Sateichii n-gu Keikapyiipii Saraa dato gu rangiinii ntale,

TIILAMLWI KAPYIIMEI THA JUKAMATI 10:36

mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

TIILAMLWI KAPYIIMEI THA JUKAMATI 17:26

Sateichii mei hangninii gamto mpounii sazyii pouryii lui hang go tiipyii takle sateichii ahnyiigo sazyii pouryii bamlyii hangki lung matu takle; sateichii mpounii ahnyii mah tingkum tinglang ninado lung tang karam ating-azyii hangtei arei ret- pyiibam takle,

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

ROMMEI 5:6

Kadaponii nyiinii suisii kalei tinglang kak Saraanii, Saraago tika- sumei jangpii taipyii takle.

1 KORENMEI 9:17

Kadapokii gumah kamaning kamareipii Inii ai tiile- ponii, gumah alangh bamle, nlenii gumah kamaning kamarei teipii suleponii, gudakii mahbam kajumei mah tha tei lok kaipyii bam takle.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

IPISAMEI 2:17

Tei- jangpii Kristanii gongsii kamajung mah kabi rasam tei meihang dakii lui kakimeida, Saraa dato dhiisii kalei- meida, sateichii mpou dato ma- nangsii kalei, Jehudimeida gongsii tam ralipyiile.

PILIPIMEI 1:13

Teijangpiinii n-gu kabang kikii kabang ai Krista jangpiiniile katu sagongki koikalei- mei hangnii tigong takle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

1 THESOLONIKAMEI 2:4

nlenii Saraanii nyiigo kabi rasam tam matu tang karam jangpii mazhiikapyii takumpii, nyiinii mei dzyii karanga tei tiitang karam jangpii makle, nlenii nyii lung go jaijusii kalei Saraa dzyii karanga tei tiitang karam jangpii nyiinii tam leile.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

1 TIMOTHI 2:3

Meihang go keipyii kanyii sateichii kasang gotei timatu kanyii,

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

TAITAS 2:10

mak-kii ahnyii dato mah raga supii, tinglang kaleita kasang kabi ninado malum kabui tha tei ahnyiinii tiimangou tang karamle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

MATIMANGOU KAPYII 14:16

Sateichii mongjyii phyiiryiito kabam ah teinii sazyii pouryiikii ahmah kadou tei m-mang pyiisanii sazyii pouryiigo rachet takle.