TAITAS 1:1 - KARANU KABI SAMTAM

¹ Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

TAITAS 1:1 Iomraidhean Croise

LUKNII KARYII KABI RASAM JUKAMATI 18:7

Sateichii Saraa dato tinghum tingna khangsii kaleimei, kalai kalu ahnyii jangpii mpounii shiipyii lakpo? Mpounii ahnyiigo tiiha kalang lakpo?

TIILAMLWI KAPYIIMEI THA JUKAMATI 13:48

Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

IPISAMEI 2:8

Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

1 TIMOTHI 2:4

nyiigo keikapyii Saraamah mik doito ai ai ngoukabi ninado kamajyii teile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

2 TIMOTHI 2:10

Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

2 TIMOTHI 2:23

Nlenii kapang kamang ninado tikasu ngoukasu sam kajyii katu teipiinii n-gi razyii tii-mpatle katu tei tisii teiki teito nlek wole.

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

2 PITAR 3:11

Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.