METIU 9:4 - KARANU KABI SAMTAM

⁴ Sateichii Jisunii ahnyii lungtei tiwosii tamle, “Gonyiinii gonyii lung kito dajangpii kashyii lung pung leipo?

METIU 9:4 Iomraidhean Croise

METIU 12:25

Sateichii mpounii ahnyii mah lungswi tei tiwosii ahnyii dakii tamle, “Sagong sazyii kata hangninii lung kito hangninanii hangniniigo saryii tiisii njaipak kalei tei kagale sateichii namdi mak-kii ki kalung mpung kito hangninanii hangniniigo saryii tiisii njaipak kalei teinii sat lakle.

MARK 12:15

Nlenii ahnyii lung kabijai katii tei Jisunii ngou wosii tamle, “Gonyiinii n-gu dajangpii ajai juleipo? Guda sanahgyii hangninii poigonglo, tei tei Inii jule.”

MARK 2:8

Ahnyiinii maning kalei tei Jisunii tiwosek-kii mpounii ahnyii dakii tamle, “Gonyiinii dajangpii gonyii lung kito ai kakum swi ai maning leipo?

LUKNII KARYII KABI RASAM JUKAMATI 11:17

Mpounii ahnyii mah kamaning lungswi tei tiwosii, ahnyii dakii tamle, “Sagong Sazyii kata hangninanii njaipak siinii, Sagong sazyii hangniniigo saryii tiileponii bam mathang lakle; sateichii mpung hangninii lung aito njaipaksii n-gitu lepochiinii meikang nkangtu tangle.

LUKNII KARYII KABI RASAM JUKAMATI 5:22

Sateichii Jisunii ahnyii lungto maning kalei tei tiwosii ahnyii dakii tamle, “Gonyiinii gonyii lung kito dajangpii teitiisii maning leipo?

LUKNII KARYII KABI RASAM JUKAMATI 6:8

Sateichii mpounii ahnyii mah lungswi tei tiwosii, bah hangninii tai kaleipii gotei tamle, “Gungkhii sat tolo, sateichii aiki sumto satlo,” teito mpounii gungtu satto takle.

LUKNII KARYII KABI RASAM JUKAMATI 7:40

Teito Jisunii mpougo kheka- latle, “Simon Inii n-go mah ching- niikii tamtang karam leile.” Teito mpounii tamle, “Madhiikapyiipii tampyiilo;”

JONNII KARYII KABI RASAM JUKAMATI 16:19

Ahnyiinii n-nhiikanyii tei Jisunii tiwosii, ahnyii dakii tamle, “Tinglang shangniikii sousekchii gonyiinii n-gu ngoukailak takle, sateichii nlailoisii tinglang shang- niikii sousekchii gonyiinii n-gu ngou tanglesii Inii tam kabam aikaang kito gonyii kak kito gonyiinii n-nhii leipo?

JONNII KARYII KABI RASAM JUKAMATI 16:30

Nangnii mahlyii hang tile, sateichii meikado n-go kachyiinhii tang karam gale katu aitoinii nyiinii titakle; aipiinii Saraa dato nang gongle katu nyiinii malumle.”

JONNII KARYII KABI RASAM JUKAMATI 21:17

Jisunii mpougo hangtum kashang tiisii tamle, “Jon nah sapfii mpou Saimon, nang n-gu lungsyii makpo?” sii Jisunii mpougo hangtum kashang tiisii katam jangpiinii Pitar swi mage takle. Teito mpounii Jisu dakii tamle, “Bangpii nangnii matum madum tile, Inii n-go lungsyiile katu nangnii tile.” Jisunii mpou dakii tamle, “gumah Jaonah mei go koichyii pyiilo.

JONNII KARYII KABI RASAM JUKAMATI 6:61

Nlenii mpoumah boumei hangteinii ai kaang kito sampei kalei tei Jisu sekpiinii tiwosanii ahnyii dakii tamle, “Aipiinii gonyiigo sadoishyii matu leipo?

JONNII KARYII KABI RASAM JUKAMATI 6:64

Nlenii gonyii kak kito malum kasumei kangka leile. Kadapokii malum kasumei hangtei tatapo? Sateichii mpougo schoi choikai tang karam mei tei tatapo katu Jisunii saroisekto tile.”

TIILAMLWI KAPYIIMEI THA JUKAMATI 5:9

Nlenii Pitarnii mpoupei dakii tamle, “Bangpii mah rangii go jai jutang karam jangpii goki meinii kaswisii mazhii kalu ai kadajang- piipo? Julo, gonaa go tiikagoimei pi tei ki takam ku leitakle, sateichii ahnyiinii n-godo poipat tangle.”

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.