METIU 8:16 - KARANU KABI SAMTAM

¹⁶ Sateichii tingkhiilam liit sek-kii, sara kashyii kaswi kaleimei hang- kago ahnyiinii mpouda pang gong takle sateichii samkang hangninii piinii sara kashyii hang gotei baatoi pyiisii rakanimei hang gotei tii mbipyii takle.

METIU 8:16 Iomraidhean Croise

METIU 12:22

Teito sara kashyiinii kaswi kalei, mik kachet ninado lat kaga mei hangniniigo mpouda pang gong takle, Sateichii Jisunii mpougo tii mbipyii takle, lat kagapii teinii lat pat takle sateichii mik ngou wotakle.

METIU 14:14

Sateichii Jisunii malyii lungto tatpatsii meimoi gotei ngou wosek-kii mpou lungtei ahnyiigo lungkasyiipiinii tokryii takle satei- chii mpounii ahnyii mah ra katchii tei tii-mbipyii takle.

METIU 8:15

Mpounii mpoupei bah tei deng sek-kii, kariirhii tei gatakle; sateichii mpoupeinii gungtu wosii Mpougo nga ngatu takle.

METIU 8:33

Sateichii bak kakoimei teinii pakmaa namdi kitei liitsii, pat kalei hang ninado sara kashyiinii chyii- tatsii kalei mei mah kaang kito tam mangou takle.

METIU 9:2

Sateichii julo, pumpei taisii kalei mei hangniniigo ahnyiinii zyiigamkii kai wosii mpouda poigong takle; sateichii Jisunii ahnyiimah kamalum tei ngou wosii, pumpei taisii kaleipii dateikii tamle, “Gunah Sapfii mpou nta tulo; gokem hangtei kaleipyii takle.”

MARK 2:3

Sateichii ahnyiinii mei hangninii pumpei kataimeigo mei madaipii kasisii Jisuda poiliitle.

MARK 5:8

Ahnii ai tamle, dapokii Jisunii tamle, “Kashyii rangii” mei aipou gamto nang tat pat tolo.

MARK 9:25

Sateichii meimoinii ahnyiida pakpi kalei tei Jisunii ngou wosek- kii, mpounii sara kashyii gotei n-gisii tamle, “Nang, khoi kapang lat kaga rangii, Inii n-go kakhat leile, aipou dato pat tolo sateichii mpouda nlaisang nlailiit loi sulo.”

LUKNII KARYII KABI RASAM JUKAMATI 13:12

Sateichii Jisunii mpoupeigo ngouwo sek-kii, mpoupeigo lat tosii tamle, “Sapwi mpei, gomah mage kiteito n-go mpatpyii takle.”

LUKNII KARYII KABI RASAM JUKAMATI 4:40

Sateichii leimik liit kaleitai ahnyiinii ra kataam kataam tiisii kaleimei gotei mpouda pang gong takle; teito mpounii mei nsang nsang phyiiryiikii bah poikai pyiisii ahnyiihang go tii-mbipyii takle.

LUKNII KARYII KABI RASAM JUKAMATI 4:41

Sara kashyii hangtei niido, “Nang Saraa nah sapfii mpou teilesii saasii meihangkii dato tatpat totakle.” Sateichii Jisunii ahnyiigo mwija pyiisii malhii matu sutakle, dapochiinii mpou ai Kristale katu tei ahnyiinii tile.

TIILAMLWI KAPYIIMEI THA JUKAMATI 5:15

Teijangpii Pitarnii tat kapat kak mpou khii katangdo mei kata kangkii phyiiryiikii lakpyii matutang karam jangpii katii kanhiimei hang go pwidi kadi kadi kikii kasi poi- patsii azyii gamkii sateichii kasing gamkii mazyii takle.