METIU 7:7 - KARANU KABI SAMTAM

⁷ “Khanglo, gonyii dakii pyii tangle; fiilo gonyiinii doutangle; sa- teichii takam kakhiilo, gonyiigo laat- pyii tangle.

METIU 7:7 Iomraidhean Croise

METIU 18:19

“Nlailoisii Inii gonyii dakii tam leile: Sazyii pouryiito gonyii kak kito mei hangnanii mah kata hangninii khang tang karam teimah kaang kito lungswi nja woleponii, sating gamto kalei gu pfiinii ahnyiigo teitei tiipyii tangle.

METIU 21:22

Sateichii gonyiinii kamalum tei leileponii, gonyiinii riita kakhang hangtei gonyiinii doutangle.”

METIU 6:33

Nlenii gonyiinii mpoumah Sating Sazyii ninado Mpoumah kasang kamajyii tei reipii fiilo sateichii mahlyii hang ai gonyii dakii kai mpampyii tangle.

METIU 7:11

Teipiinii gonyiinii shyiisii lei kido gonyii nahmei dakii luha kabi pyiiti lepo- dinchiinii, sating gamto kalei gonyii Pfii teinii Mpou dato khangsii kalei ahnyii hang dateikii kadaziikapii kisii kabi pot hangtei pyiitangpo?

METIU 7:8

Kadapokii kakhangmei hang dakii pyiile, kafiimei hangnii doule sateichii kakhiisii kalei mei hang dakii laatpyii tangle.

MARK 11:24

Teijangpii Inii gonyii dakii tam leile, nangnii riitasii mah kata kara kakhang tinglang kak, teitei nangnii doutakle katupii nang- nii malumlo.

LUKNII KARYII KABI RASAM JUKAMATI 13:25

Ki Apumpiinii gungtusii ki tei takam sekchii, gonyiinii ki kajangto satsanii ki takam kakhiisii aitiisii tam tangle, ‘Bangpii nyiigo takam laatpyiilo.’ Sateichii mpounii gonyiigo khekalat tangle, ‘kada kito gong leipo Inii gonyiigo timakle.’

LUKNII KARYII KABI RASAM JUKAMATI 18:1

Sateichii ahnyiinii taksupiinii riita tang karam ninado lung tailak tang karam jangpii mpounii ahnyii dakii ndasam hangninii tamle.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

JONNII KARYII KABI RASAM JUKAMATI 15:7

Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

ROMMEI 3:11

mei kado kasakai gale, Saraago kafiimei mei mei kado gale.

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

JEMS 5:15

Sateichii kamalum meimah ka- riita teipiinii rakanipii gotei keipyii tangle sateichii Bangpiinii ahgo kok matupyii tangle; sateichii ahnii kama tiibam leponii, ahgo kaleipyii tangle.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.