METIU 6:9 - KARANU KABI SAMTAM

⁹ “Teipiinii gonyiinii aitiisii riitalo: ‘Sating gamto kalei nyii Pfii, Go zei kamatei tei matulo;

METIU 6:9 Iomraidhean Croise

METIU 10:29

Nkinah hangnago peisa hangninii jangpii joimakpo? Sateichii ahnyii hang kak kito hangninii kado gonyii Pfii mah kamaning kamazhii tei haisupiinanii sazyii takmang lakle.

METIU 23:9

Sateichii sazyii pouryii aito meigo kado Pfii lat sulo; kadapokii gonyii pfiinii sating gamto kalei Ah tei roinale.

METIU 26:29

Gu pfii mah sagong sazyii kito Inii gonyiigo kaswisii kasatai sak njoi tang karam leimik gong kasuta katang tei, ai darkha haam mah riiti ki aito Inii sakloilak takle.”

METIU 26:42

Nlailoisii hangna kashang tiisii mpounii tatpatsii riita takle “Gu pfii, peek ai Inii sak kasuta gudato ma- jutu wolak leponii, gomah kamaning kamazhii tei tiimatulo.”

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

METIU 5:48

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

METIU 6:14

“Kadapokii gonyiinii mei mah kakui kama kaleipyii leponii, sating gam gonyii Pfiinii gonyii godo kaleipyii tangle.

METIU 6:6

Nlenii nangnii kariita tinglang kak kamakum goki kalung tei liitsii, goki takam kakam aisii, mikpii ngoukasu go Pfii dakii riitalo; sateichii makumpii ngoukalei go Pfiinii n-go lhang pyiitangle.

METIU 7:11

Teipiinii gonyiinii shyiisii lei kido gonyii nahmei dakii luha kabi pyiiti lepo- dinchiinii, sating gamto kalei gonyii Pfii teinii Mpou dato khangsii kalei ahnyii hang dateikii kadaziikapii kisii kabi pot hangtei pyiitangpo?

LUKNII KARYII KABI RASAM JUKAMATI 15:18

Inii tusat tosii gu pfiida nlaigong tang takle, sateichii Inii mpou dakii tam tangle, “Pfii-o, Inii Saraa doito sateichii godoito ma takle.

LUKNII KARYII KABI RASAM JUKAMATI 15:21

Teito nah sapfii mpou teinii mpou dakii tamle, ‘Pfii-o, Inii Saraa doito sateichii godoitodo ma takle; Inii gonah sapfii mpou lesii lat kajyii sutakle.’

LUKNII KARYII KABI RASAM JUKAMATI 2:14

“Sagoi kaki kiteito Saraago toilo, sateichii Sazyii pouryiito bangpiinii lungkasyii meihang teinii kamajung tei doulo!”

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

ROMMEI 1:7

Rom kito kalei, Saraanii lung- kasyii meihang kamateimei tiimatu tang karam jangpii lat kalumei hang go nyii Pfii Saraa sateichii Bangpii Jisu Kristanii jumage kapyii Sateichii kamajung tei gonyiigo pyii matulo.

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

GALATIMEI 1:1

Meinah dato kasu, meinah mah paikitodo kasu, nlenii Jisu Krista sateichii mpougo katai kito tiimaring kapyii Pfii Saraamah paikito Tiilamlwi kapyiimei hangninii tiisii kalei Polnii,

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

1 TIMOTHI 6:16

hang- niniisang hangninii roinii kalei katai nlai kaga, sateichii da manangkhii wokalak kava kito kalei, mei kaniido ngoukasu ninado ngoupeiwo kalak mpounii mangou kapyii tei tinglang kabi kito mangoupyii tangle, sadzyii ngariit katii sateichii kalui gasii magongsii kalung tei mpougo matulo! Amen.

1 PITAR 1:17

Sateichii kaghu kapang mei- hangmah tha taiswisii samtak katii ah gotei gonyiinii Apfii sii lat leponii, gonyiimah sazyii pouryiimah tiilung tei ahgo hingsii lunglo.

MATIMANGOU KAPYII 4:11

“Nyii Bangpii, nyiimah Saraa, gomah pumtei kava sadzyii ngariit katii, ninado teimaham tei doumajyiile. Kadapokii nangnii mahlyiihang tii mpatpyiile, sateichii gomah kamaning kamazhii kito mahlyiihang ringleile ninado tii mpatpyii takle.”

MATIMANGOU KAPYII 5:12

Ahnyiinii rok sagoisii tamle, “Gitat kalei jaonah teinii, teimaham, kani kahii, swirek kabi ninado katei kamaham, sadzyii ngariit katii, pumtei kava ninado tam kamatoi ai dou kajyiisekle!”