METIU 5:9 - KARANU KABI SAMTAM

⁹ “Tiikamajungmei tei sadoi bile, kadapokii ahnyiigo Saraa nah mei lat tangle!

METIU 5:9 Iomraidhean Croise

METIU 5:45

kadapokii mpounii kashyii- mei ninado kabimei phyiiryiikii mpou mah leimik tei vamatule; sateichii kasang kamajyiimei ninado kasang kamajyii tiikasumei phyiiryiikii sating ryiikai pyiile.

METIU 5:48

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

LUKNII KARYII KABI RASAM JUKAMATI 20:36

Ahnyii teinii sating gamluigo njoile, satei- chii tailakle, ahnyiinii Saraa nah meile, kadapochiinii ahnyiinii katai kito ringkhii takle.

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

TIILAMLWI KAPYIIMEI THA JUKAMATI 7:26

Supounei tei mpounii Isrelmeinah hangna kadatsii kalei tei ngou wosii, mpounii ahnei hangna kak-kii kamajung tei poigong pyii kabui mah tiisii mpounii tamle, ‘Shii- pyiilo, gonei ai Isrelmeinah karale, kadajangpii gonei aitiisii kadat leipo?’

ROMMEI 12:18

Mazhii kabuita gonyiinii meihang go kaswisii majungsii lunglo.

ROMMEI 8:14

Kadapokii Saraa mah rangiinii chyiitatsii kalei hangteinii Saraa mah nah sapfiimeile.

ROMMEI 8:16

Nyii hang Saraa mah nahmeile katu rangii sekpiinii nyii mah rangii go sakchyii kapyii teile.

ROMMEI 8:19

Kadaponii baichem hangnii Saraa mah nahmeihang gotei mangou tang karam gotei saryiisii koisii bamle.

1 KORENMEI 6:6

Nlenii sanapii hang- ninanii hangninii phyiiryiikii mazhii supii samtak-ki tatsii bamle, teitei malum kasumeida maalei makpo?

2 KORENMEI 13:11

Sateichii aitoinii gukangsanamei, bisii bamlo! Bimatui bimasang kabui tiilo! Inii khangkalei hangtei shiilo; hangninanii hangniniigo kaning bisii, majung makungsii lunglo; teitii leponii, lungkasyii ninado kamajung kamakung mah Saraa teinii gonyiigo kaswipyii tangle.

2 KORENMEI 5:20

Teijangpii Krista tung tiisii nyiinii malhii leile, Saraa Ah sekpiinii mpoumah khang kalei tei nyii paikito khang kalei takumpii, Krista tung tiisii, nyiinii gonyiigo khang leile; ngou karou saryii kito mpoumah kanghe katii kikii gonyiigo Saraanii tiikalipyii matulo!

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

PILIPIMEI 4:2

Bangpii dato lungswi hangninii tiimatu tang karam jangpii, Inii Iodiya ninado Suntuki go khangleile.

KOLOSIMEI 3:13

Hangninanii hangniniigo lung leh kati tiisii, mei kata hangninanii mei kata hangninii phyiiryiikii samou kasu leileponii, hangninanii hangni- niigo magapyiilo; Abangpiinii gonyiigo magakapyii takumpii gonyiiniido magapyii tang karamle.

HEBRUMEI 12:14

Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.