METIU 5:7 - KARANU KABI SAMTAM

⁷ “Meigo lungset katimei sadoi bile, kadapokii ahnyiinii lungset kati tei doutangle!

METIU 5:7 Iomraidhean Croise

MARK 11:25

Sateichii gonyiinii riita tang karam jangpii tu kasat tinglang kak, mei kata hangninii gamkii gonyii lung samou kasu tei leile dinchiinii, gonyiinii magapyiilo, sating gamto kalei gonyii pfiiniido gonyii mah kakui kama hangtei ma- gapyii tang karam jangpii.”

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

ROMMEI 11:30

Kadapokii tuka- lei tinglang hangniniiki Saraanii katam tei gonyiinii swimakle, nlenii aitoinii ahnyiimah katam swikasu teipiinii gonyiinii lungsyii kati tei doutakle,

1 KORENMEI 7:25

Aitoinii kalakna tiikasumei mah kaang kito, Inii Bangpiimah kakhatsam tei doumakle, nlenii Bangpiimah lungsyii kapyii teipii malum kabuimei hangninii tiisii Inii gumah kamaning tei mati leile.

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

IPISAMEI 4:32

Sateichii gonyii hangninanii hangniniigo kalungsyii- sii, lung manoilo; Saraaniido Krista paikito gonyiigo magakapyii takumpii gonyii hangninanii hangniniigo kama kaleipyiilo.

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

1 TIMOTHI 1:16

Nlenii mpougo malum wosii kalui kaga karing doutang karam mei jangpii nda tiikamangou hang- ninii tiisii, kem tiikakipii, n-gu kaswisii kalei kito mpoumah lung leh kati tei Krista Jisunii mangou kabui tiisii Saraanii n-gu lungsyiipyii takle.

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.

JEMS 2:13

kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

1 PITAR 2:10

Tinglang hang- ninii kinii gonyiinii Saraamah mei makle, nlenii aitoinii gonyii ai Saraamah mei tei takle, tinglang hangninii kinii Saraamah lungkasyii tei gonyiinii doumakle, nlenii aitoinii mpoumah lungkasyii tei gonyiinii doutakle.