METIU 5:22 - KARANU KABI SAMTAM

²² Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

METIU 5:22 Iomraidhean Croise

METIU 10:17

Mei dateito sakai wolo, kadapokii ahnyii- nii gonyiigo samtak katii kikii pyiitoi tangle sateichii ahnyii mah ndwibam hang kiteito gonyiigo dat tangle;

METIU 10:28

Sateichii pumpotgo gi wosii rangiigo gipei wokalak ahnyii gotei hing sulo; nlenii rakot godo pumpot godo mibam kito tiimaga wokabui Ahgotei hinglo.

METIU 12:24

Nlenii Farasismei teinii ai ai shii wosek-kii, “Sara kashyii hang mah sagong mah Beelzabul mah paikito supiinii, mei aipou ainii sara kashyii hang go baatoi mak lesii tam takle.”

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

METIU 18:21

Teito Pitar-nii tatpi mpougo n-nhiile, “Bangpii, gusanapiinii gu- phyiiryiikii tiimasii leihum leponii, kadaziika katang tei Inii ahgo kama kaleipyii tangpo? Kaleipyii sanakii katangpo?”

METIU 18:35

“Gonyiinii gonyii sanapiigo gonyii lung kito kaleipyii suleponii, sating gamto kalei gu pfiiniido gonyii dakii tei tiitangle.”

METIU 23:15

“Kabijai katiimei, Ajai ting- shang kati ojamei ninado Farasismei gonyii, kadaziikapii kamage tangpo! Kadapokii gonyiinii dwijai ninado sazyii katang hangki tatsii tatsanii meihangninii go gonyii kak ki hai matutang karam jangpii hemle, sateichii gonyiinii ah go ngam wosek-kii gonyiinii ahgo gonyii takumpii mibam ki liit kamajyiimei tiipyiile.

METIU 23:33

Gonyii Sanhii ninado sanhii taa-nahmei hang! Gonyiinii kada takumpii mibam kiteito nlek wotangpo?

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

METIU 26:59

Aitoinii tingdimei ninado katingmei hangteinii Jisugo gitang karam jangpii kama tei fiile; sateichii kasang kasu sakchyii kapyiimei hangkanii gong kido; ahnyiinii samah kado doumakle.

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

METIU 5:34

Nlenii Inii gonyii dakii tam- leile, Rasatsang rasat sulo, sating zei latsiido rasat sulo, sating ainii Saraa mah Sagongbamle;

METIU 5:44

Nlenii Inii gonyii dakii tamleile, gonyiinii sating gamto kalei gonyii Pfiimah nahmei tei tiitang karam jangpii ngoukaroumeigo lung- syiilo, sateichii gonyiigo tiimaset tiimalaksii kaleimei jangpiinii riita pyiilo,

MARK 14:55

Toinii tingdimei ninado sam katii kating meihang teinii mpougo gitang karam jangpiinii Jisu mah kama tei fiitu takle. Nlenii ahnyiinii kama hangninii kado dousu takle.

MARK 15:1

Tingchoi nukii Atingmei hangnii, katingmei hang go, Ajai tingshang kati ojamei hang go ninado sam katiimei hang go kaswisii sam rashiisii, Jisugo ring pei aitakle sateichii pangpatsii Pailat dakii pyii aitakle.

LUKNII KARYII KABI RASAM JUKAMATI 12:5

Nlenii gonyiinii tago hing tangpo katu Inii gonyii dakii tamle, gi kaleitai mibam kikii toikai tang karam mah teimaham kalei Saraa gotei hinglo; nle, Inii gonyiigo tam leile, mpougo hinglo.

LUKNII KARYII KABI RASAM JUKAMATI 22:66

Sateichii tingva liit sek-kii, samtak katii katingmei, katunii Kanat kajum tingdimei sateichii ajaitingshang kati ojamei hang gong kadou takle. Sateichii ahnyiinii mpougo ahnyii mah samtak katii katingmei mah ndwini pangkhiisii tamle,

JONNII KARYII KABI RASAM JUKAMATI 11:47

Teipiinii kanat kajum ting- dimei ninado Farasismei hangteinii katingmei hang gotei pang nkom wosii tamle, “Nyiinii kadapei tii- tangpo? Kadapokii sapfii mpou ainii tiikamangou siiti hangka tiitakle.

JONNII KARYII KABI RASAM JUKAMATI 15:25

Ai ai ahnyiinii akaang gasii n-gu ngourou takle sii ahnyii mah ajaitingshang bung kikii ryii kabam samkang tei gong matwi matu tang karam jangpiiniile.

JONNII KARYII KABI RASAM JUKAMATI 7:20

Meimoi teinii khekalatle, “Godato sara kashyii hangninii leile! Tanii n-go gilesii fiileipo?”

JONNII KARYII KABI RASAM JUKAMATI 8:48

Jehudimeinii mpougo khekalatle, “Nangnii Samariyameile sateichii sara kashyii kaswi leilesii nyiinii tam kalei ai nyiinii tam ma ai takpo?”

TIILAMLWI KAPYIIMEI THA JUKAMATI 17:18

Sateichii Ipikoriya ninado stoik ki kati kahaimei mei kangkanii mpougo kajyiitu takle, sateichii mei kangkanii tamle, “Sampei katipii ainii kadapei tamleziikhe?” Kakimei teinii tamle, “Mpounii sazyii kakimah sara hang mah sam tam rali kapyiimei hangniniigo reile, kadaponii mpounii Jisu mah sateichii ringkakhii mah kabi rasam tei tam rali pyiile.

TIILAMLWI KAPYIIMEI THA JUKAMATI 22:30

Nlenii supounei tei Jehudimei hangnii mpougo dapeijangpii tam mashyii leipo katu kasang tei mpounii tinyiisanii, mpougo mpat pyiitakle, sateichii kanat kanhii kajum tingdimei hang samtak katii katingmei hang go gong ndwilosii mwija pyiisanii Polgo pang humsii ahnyii doikii masat takle.

TIILAMLWI KAPYIIMEI THA JUKAMATI 23:1

Teito Polnii samtak katii katingmeigo ju kalingsii tamle, “Kangsanamei! Inii tingnei katangpii Saraa doito lung mateisii lungpi leile.”

TIILAMLWI KAPYIIMEI THA JUKAMATI 24:20

Makchiinii Inii katingmei samtak katiimei doi sat kalei tinglang kikii ahnyiinii kama doukalu tei tam matulo.

TIILAMLWI KAPYIIMEI THA JUKAMATI 4:15

Nlenii ndwibam kiteito saba tatpat tolosii mwija pyiisii, ahnyiinii hangninanii hang- niniigo karashiisii tamle,

TIILAMLWI KAPYIIMEI THA JUKAMATI 5:21

Teito ahnyiinii ai shiiwo sek-kii, tingtangtuna Saraa kamaning kilung tatliitsii tam ralipyiile, nlenii kanat kanhii kajum Tingdimei ninado mpougo kaswi kaleimei teinii, gongsanii samtak katii katingmei hang go lat ndwi wosii ahnyiigo pangpat tang karam jangpii, kabang kikii lang matutakle.

TIILAMLWI KAPYIIMEI THA JUKAMATI 5:27

Sateichii ahnyiinii ahnyiigo pang gong sek-kii, samtak katii katingmei doi teikii pangkhii masat takle, sateichii kanat kanhii kajum Tingdipii teinii ahnyiigo n-nhiisii tamle,

TIILAMLWI KAPYIIMEI THA JUKAMATI 6:12

Sateichii ahnyiinii meihang go, katingmeigo ninado jai tingshang kati ojameigo katwikai pyiitakle. Sateichii choikaipyiisanii mpougo jum wosii samtak katii katingmei doikii pangkhii takle.

TIILAMLWI KAPYIIMEI THA JUKAMATI 6:15

Teito samtak katii katingmei bam kito bam kaleimei hangteinii mpougo jutiit-tiitmai wosek-kii, mpou jutei sating gamlui ju takumpii ngoutakle.

TIILAMLWI KAPYIIMEI THA JUKAMATI 7:37

Saraanii gonyii kangsanamei hang kak kito gonyii jangpii go kakum Lungkakalingmei hangninii mpat- pyii tanglesii Isrelmeinah dakii tam kabam Moses tei aile.

ROMMEI 12:10

ki kalung mpung lungkasyii takumpii kangsanamei hangni hangninago kalungsyiilo; sateichii hangninanii hangniniigo adzyii roulo.

1 KORENMEI 6:10

mak-kii karaga, mak-kii lukanyii, mak-kii kapanhii, mak-kii meisam tam kamashyii, mak-kii karagamei, ahnyii teinii Saraamah sating sazyii doulakle.

1 KORENMEI 6:6

Nlenii sanapii hang- ninanii hangninii phyiiryiikii mazhii supii samtak-ki tatsii bamle, teitei malum kasumeida maalei makpo?

1 THESOLONIKAMEI 4:6

Sateichii mei kata hangninaniido mpou sanapiigo aikaang kito tiima- jusii kama tei tiilak tang karamle, kadapokii nyiinii gonyii dakii tiiloi sulosii reipii kakhat kabam sateichii sakchyii pyii kalei takumpii, aihangmah kaang kito powrui tang karam teinii Bangpiile.

TAITAS 3:2

mei kata hangninii phyiiryii kado tam mashyii kasu tiisii, nlenii lung manoi majung kabui tiisii sa- teichii meihang dakii lung kamanoi tei mangou kabui tiisii ahnyiigo tam maningpyiilo.

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

JEMS 2:20

Kapangmei gonyii, tha haisupii kamalum ai kataile katu gonyiigo tiimangou lopo?

JEMS 3:6

Malyii ainii pum- pot hang go tiimahongsii, nyiimah karing tiilung pwidi hang go, mibam kito kagong mah mi teipiinii mi kaisii kalei, nyii pumpot hang kak kito kasang kamajyii kaga sazyii pouryii teile, sateichii malyii ainii mile.

1 PITAR 2:23

Mpougo kalet kalou katii tinglang kak, kalet kalou katii teipii mpounii khekalat makle; mpounii kamage kalak kadou tinglang kak, mpounii tiimahing katu tiimakle, nlenii kasang kamajyii samtak katii Saraa gotei mpounii malumle.

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

1 JON 2:9

Kava kito leilesii katam ninado mpou sanapiigo ngourousii kalei ahteinii aitoido kamyii kito leijoule.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

1 JON 5:16

Mei kata hangninanii, mpou sanapiinii taitang gatang karam kem tiikalei ngouleponii, mpounii riita khang tang karamle, Sateichii Saraanii mpou dakii katai kaga mpat kasu kem katiimei jangpii karing tei pyiitangle. Taitang gatang karam kem leile, aimah kaang kito ahnii khang tang karamlesii Inii tam makle.

JUD DATO KAGONG CHITI JUKAMATI 1:9

Nlenii sating gamluimah aphyii kasat Maikelnii seitan go ka n-gisii, Mosesmah pumpotmah kaang kito kasou katu tinglang kak, ah phyiiryiikii kalet kalou katiisam tam tang karam lung kadi tei gale, nlenii “Bangpiinii n-go tiikamage matulo” sii ahnii tamle.

MATIMANGOU KAPYII 20:14

Sateichii katainei kataimeimah sazyii gotei mi mah jailungkii toikai aitakle. Ai mi mah jai ai, hangna kashang katai teile.