METIU 4:23 - KARANU KABI SAMTAM

²³ Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

METIU 4:23 Iomraidhean Croise

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

METIU 12:9

Sateichii mpounii teibam kiteito tatpatsii ahnyii mah Ndwibam kitei tatliit takle.

METIU 13:19

Mei kata hangninanii sating gam sazyii mah samtam tei shii wosii, teigotei tikasu teinii kashyii teinii gongsii ah lungkikii maroukai kabam tei poitoi takle; pwidiku kikii rali kakei ahtei aile.

METIU 13:54

Satei- chii mpounii mpou-namki sektei gongsii, ahnyiimah ndwibam hang kiteito aitiisii ahnyiigo ralipyiile, teito ahnyiinii sung gasii tamle, “Sapfii mpou ainii swirek kabi ninado mei tiikalak tha kadihang ai kada kito dou wopo?

METIU 14:14

Sateichii Jisunii malyii lungto tatpatsii meimoi gotei ngou wosek-kii mpou lungtei ahnyiigo lungkasyiipiinii tokryii takle satei- chii mpounii ahnyii mah ra katchii tei tii-mbipyii takle.

METIU 24:14

Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

METIU 3:2

“Lungkali wolo, daponii sating gam sazyii tei natakle.”

METIU 9:35

Sateichii Jisunii Ndwibam hang kiteito ralipyiisii, Sagong sazyii mah kabi rasam tam ralipyiisii, sateichii ara katchii hang tei tii- mbipyiisii nam ninado namdi hangki tat gong takle.

MARK 1:14

Jon dwi mpum kapyiipiigo kabang kikii kai kaleitai, Jisunii Galiliki liitsii Saraa mah sating sazyii mah kabi rasam tei tam ralipyiile.

MARK 1:21

Jisu ninado mpou-tai kaswimei Kaiparnam namdi kitei liitle, sateichii bam ntak piinei leimik Jisunii Jehudimei mah ndwibamki lungtei liitsii ralipyiile.

MARK 1:39

Sateichii mpounii Galili sazyii hangki liitsii tam ralipyiile ninado sara kashyii hang go baatoi pyiile.

MARK 3:10

Kadapokii mpounii mei hangkago tii mbipyii takle, sateichii ranisii kalei meihang teinii mpougo deng tang karam jangpii kabaa leile.

MARK 6:2

Sateichii bam ntak piinei leimik tei mpounii Jehu- dimei mah ndwibamni kito ralipyii tutakle; mpougo shiikalu meihang teinii sung gasii tamle, “Mei aipounii aihang ai kada kito dou wopo? Mpougo pyii kabam swirek kabi ai dapeipo? Kamadat tha hang ai mpou-bahpiinii kada takumpiinii tiiwopo?

MARK 6:6

Sateichii ahnyiinii malum kasu tei ngou wosii mpounii hangkapii sung gatakle, sateichii Jisunii nam namki tat maguisii ralipyiile.

LUKNII KARYII KABI RASAM JUKAMATI 10:9

Sateichii teikito kalei katii kanhiimei hang gotei tii mbipyiilo, sateichii ahnyii dakii tamlo, ‘Saraa mah Sating Sazyii tei gonyiida manang gong leitakle.’

LUKNII KARYII KABI RASAM JUKAMATI 13:10

Aitoinii Jisunii Jehudimei mah ndwiki hangninii kito ntak piinei leimik ralipyiitu takle.

LUKNII KARYII KABI RASAM JUKAMATI 16:16

“Ajaitingshang katimei satei- chii Lungkakalingmei tei Jon dwi mpum kapyiipii mah tinglangdou katang tei leile, teidouto Saraa mah Sating sazyii mah kabi rasam tei tam ralipyiisii leile, sateichii meihangnii mpou mpoumah kamaning kito pumtei tiile.

LUKNII KARYII KABI RASAM JUKAMATI 20:1

Tingneikii Jisunii Saraa ka- maning kilungto meigo rali- pyiisii kabi rasam tei ralipyii leibangpii, Kanat kajum atingmei, ajaitingshang kati ojamei teinii katingmeigo kaswisii gong;

LUKNII KARYII KABI RASAM JUKAMATI 4:14

Sateichii Jisunii Galili ki nlaigongle ninado Rangii kamatei mah teimaham tei mpougo kaswi leile, sateichii mpou mah tingha tei teiki sazyii bam hang kito tam kahitu takle.

LUKNII KARYII KABI RASAM JUKAMATI 5:17

Tingneikii Jisunii ralipyiisii kalei kak, Galili sateichii Judiya namdi hang kito sateichii Jerosalem kito kagong kabijai katiimei sateichii ajaitingshang kati ojamei tei kuto bamle. Sateichii katii kanhiimeigo tii mbi kabui Bangpii mah teimaham tei mpougo kaswisii leile.

LUKNII KARYII KABI RASAM JUKAMATI 6:17

Sateichii mpounii ahnyiigo kaswisii zang gamto tat humsii sazyii kathamkhang kito sat takle. Satei- chii Judiya kito, Jerosalem kito, Tair ninado Sidon dwijai kuto kalei Namdi hang kito mpou sam shiitang karam jangpii sateichii ahnyii mah katii kanhii hangtei tii mbipyii matu tang karam jangpii, meihangkii gong- takle.

LUKNII KARYII KABI RASAM JUKAMATI 6:6

Sateichii kaki bam ntak piinei leimik hangniniiki aitiisii pat takle, katunii mpounii Jehudimei mah Ndwiki lung tei liitsii ralipyiile, sateichii teito bah ajiilam pang tai kaleimei hangninii leile.

LUKNII KARYII KABI RASAM JUKAMATI 7:21

Sateichii ahnyiinii kalei tinglang kaktei Jisunii ra kataam kataam tiisii kaleimei, sara kashyii kaswi kalei meigo tii mbipyiile, satei- chii mik chetsii kaleimei hangkiigo mik ngou matule.

LUKNII KARYII KABI RASAM JUKAMATI 7:22

Mpounii Jon mah sampao kapungmeigo tamle, “Nlai tulo, sateichii gonyiinii ngou kalu hangtei Jon dakii tampyiilo: mik kachet mei teinii ngouwo takle, pi katwi mei teinii tat totakle, mpara tiisii kalei mei teinii biwo takle, khoi pangsii kalei mei teinii shiiwo takle, kataimeigo tiimaringpyii takle, sateichii kabi rasam ai mah kagamei dakii tam ralipyii takle.

LUKNII KARYII KABI RASAM JUKAMATI 8:1

Tinglang shangniikii sou kaleitai Jisunii Namdi ninado nam kacheng hangki maasii, Saraa mah Sating Sazyii mah kabi rasam tei tam ralipyiitu takle; Mpou boumei keariisiinakhii tei mpoutai switakle.

LUKNII KARYII KABI RASAM JUKAMATI 9:11

Sateichii mei- moi teinii teitei tiwo sek-kii, mpoutai swiwo takle; sateichii mpounii ahnyiigo ntasii lukai wosanii Saraa mah Sating Sazyii mah kaang kito tampyii takle; sateichii katii kanhii tii ka-mbi kamareimei ahnyii gotei tii mbipyii takle.

LUKNII KARYII KABI RASAM JUKAMATI 9:60

Jisunii mpougo khekalatle, “Kataimeinii kataimei gotei poigoi matulo. Nlenii nangnii maasii Saraa mah Sating Sazyii tamroi tulo.”

JONNII KARYII KABI RASAM JUKAMATI 18:20

Jisunii mpougo khekalatle, “Inii sazyii pouryiikii madupii tam takle; tinglang kaleita Jihudimei mah ndwibam hang kito ninado Saraa kamaning kitodo Inii tam ralipyii takle, sateichii Inii samah kado makumpii tiimakle.

JONNII KARYII KABI RASAM JUKAMATI 6:59

Mpounii Kaiparnam kito rali- kapyii tinglang kak, sam ai mpounii Jehudimei ndwibam kito tamle.

JONNII KARYII KABI RASAM JUKAMATI 7:1

Aitaito Jisunii Galiliki tatsii leile, mpounii Judiya sazyiiki tatnyii sutakle, dapochiinii Jehudimei hang- nii mpougo gitang karam jangpii fiisii leitakle.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 18:4

Sateichii mpounii bam ntak piinei leimik mata Jehudimei ndwi nito sam kajyiisii Jehudimei ninado Grikmei hang go malum matu tang karam jangpiinii hemle.

TIILAMLWI KAPYIIMEI THA JUKAMATI 20:25

Sateichii aitoinii, julo, gonyii kak kito Inii Saraa mah sating sazyii rasam tam ralipyiisii tatsii leile, nlenii gonyiihangnii guju nlailoisii ngoulak takle katu ai Inii tile.

TIILAMLWI KAPYIIMEI THA JUKAMATI 28:31

Mpougo meikaniido kanam tiisupii mpounii lungdisii Saraa mah sating sazyii mah tam ralipyiisii sateichii Bangpii Jisu Krista mah kaang kito ralipyiisii bamle.

ROMMEI 10:15

Sateichii ahnyiigo langkaipyii suleponii ah- nyiinii kada takumpii kabi rasam tei tam ralipyiiwo tangpo? Ryii kabam aitakumle, “Kabi rasam pung kagongmei mah pitei kadazii kapiinii ngoubipo?”