METIU 3:9 - KARANU KABI SAMTAM

⁹ sateichii ‘nyii pfii Abraham leilesii tamlesii gonyii lung kito maning sulo;’ kadapokii Inii gonyiigo tam leile, Saraanii Kuitu hang kito Abraham dakii mpou nahmei tii mpat-to buile.

METIU 3:9 Iomraidhean Croise

MARK 7:21

Kadapokii meinah lung, mei mah malungki teito, kashyii swi ai patsii kashyii tha hang; katu- nii, kashyii kahong tha katii, karaga, meigo kagi,

LUKNII KARYII KABI RASAM JUKAMATI 12:17

Teito mpounii mpou roinapii maningtu takle, ‘Inii gumah samhii hang ai kakaini gatakle, Inii kadapei tiitangpo?’

LUKNII KARYII KABI RASAM JUKAMATI 16:24

Sateichii mpounii latle, ‘He Pfii Abraham, n-gu lungsyii pyiilo, sateichii Lazarus go lang m-mang mpou bah jungna jungrang teipii dwikikii tousii gu malyiigo tiimakung sei matulo; kadapochiinii Inii mishong aiki aito hangkapii kamagesii bam takle.’

LUKNII KARYII KABI RASAM JUKAMATI 19:40

Teito mpounii khekalatle, “Inii gonyii dakii tamleile, ahnyiihang ainii malhii sulepochiinii, kuitu hang teinii saa mpat tangle.”

LUKNII KARYII KABI RASAM JUKAMATI 3:8

Lung kali kalu mah ati tei matilo, sateichii nyii pfii Abraham leile katupii gonyii lung kito maning tusulo, dapochiinii Inii gonyii dakii tam leile, Saraanii Kuitu aihang kito Abraham dakii mpou nahmei tii mpatto buile.

LUKNII KARYII KABI RASAM JUKAMATI 5:22

Sateichii Jisunii ahnyii lungto maning kalei tei tiwosii ahnyii dakii tamle, “Gonyiinii gonyii lung kito dajangpii teitiisii maning leipo?

LUKNII KARYII KABI RASAM JUKAMATI 7:39

Teito Jisugo lat kamagongpii Kabijai katiipii teinii ngouwo sii mpou lungto mpou roinapiinii tamle, “Sapfii mpou ai lungkakalingmei lepochiinii, mpougo deng kalei ai tapo katu sateichii kada takum katu meipwipo, katunii kem katii peile, katu ai titang karamle.”

JONNII KARYII KABI RASAM JUKAMATI 8:33

Ahnyiinii mpougo khekalatle, “Nyiinii Abraham mah taa nahmeile sateichii mei kaniido kikaleimei tiisang tiiju makle, ‘gonyiigo laat mpatpyii tangle’ sii nangnii kada takumpii tam leipo?”

JONNII KARYII KABI RASAM JUKAMATI 8:37

Gonyii Abraham mah taa nahmeile katu Inii tile, nlenii gonyii n-gu gilesii fiileile, dapochiinii gonyii lung kito gumah samtam teinii bam doumakle.

JONNII KARYII KABI RASAM JUKAMATI 8:53

Nyii Pfii Abraham sung nang dibuipo? Mpoudo taiga takle, Lungkakalingmei hangdo taiga takle! Nang talesii maning leipo?”

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

TIILAMLWI KAPYIIMEI THA JUKAMATI 15:14

Saraanii mpou zei jangpiinii lui kakimei kak kito meigo poi mpat tang karam jangpiinii karei kito kada takumpiinii mikjot tei jupyiipo katu tei Simonnii tam mpatpyii takle.

ROMMEI 4:1

Satiileponii apum azaitai swisii nyii pao Abrahamnii dou kalu tei kaang kito nyiinii kada lesii tam tangpo?