METIU 3:11 - KARANU KABI SAMTAM

¹¹ “Lungkali kalu jangpii Inii dwi kito gonyiigo dwi mpum pyiile; nlenii gutaito gongtang karam Ah teinii gudoito dikile; Inii mpoumah pichot kapoi katangdo tiikajyii makle, Ahnanii gonyiigo rangii kamatei kito ninado mipii dwi mpumpyii tangle.

METIU 3:11 Iomraidhean Croise

METIU 3:6

sateichii ahnyii mah kem hangtei tam mpatsii Jordan karyii kito ahnyiinii mpou dato dwi mpum wotakle.

MARK 1:4

Teitakumpii Jon nii sazyii kamarongki gongsii dwi mpum pyiile sateichii kabi rasam tam ralipyiile; mpounii meihang dakii tamle, “Go kem kito nrek wolo, sateichii dwi mpum wolo sateichii Saraanii go kem hangtei magapyii tangle.”

LUKNII KARYII KABI RASAM JUKAMATI 1:17

Sateichii Apfiimei mah lungtei Anahmei dakii pyii matu tang karam jangpii, sateichii katam swikasu meigo kasang mah swirek kikii maning nlaigong matu tang karam jangpii, Bangpii jangpii tiidasii kalei meigo tiida matu tang karam jangpii, mpounii Bangpii doi reisii Ilaijah mah rangii sateichii teimaham kito tat tangle lungka- kalingpii Ilaijah takumpii.

LUKNII KARYII KABI RASAM JUKAMATI 3:16

Jon- nii ahnyii hang dakii khekalatle, “Inii gonyiigo dwi kito dwipii mpum- pyiile, Nlenii gusung dikakipii tei gong leile, Inii mpoumah Pichotring hektoi kajyii mei makle; Mpounii gonyiigo Rangii kamateipii sateichii mipii mpumpyii tangle.

LUKNII KARYII KABI RASAM JUKAMATI 3:3

Sateichii kem kama kito kaleipyii tang karam jangpii lung kali katu mah dwi ka-mpum tei mpounii tam ralipyiisii Jordan longkoi hangki gongtakle.

JONNII KARYII KABI RASAM JUKAMATI 1:15

Jon-nii mpoumah kaang kito sakchyii tiisii saasii tamle, “Inii tam kabam ‘Ah tei aile, gutaito gongkalei mei Mpou teinii gusung dibuile; dapokii mpounii gudoi reile.’ ”

JONNII KARYII KABI RASAM JUKAMATI 1:30

Inii tam kalei Mpou tei aile, ‘gusung dikaki mei hangninii gutaito gong leile, nlenii mpounii gusung dikile, dapokii n-gu lung kasunato mpounii leitakle,’ sii Inii tam kalei mpou tei aile.

TIILAMLWI KAPYIIMEI THA JUKAMATI 1:5

Kadapokii Jon-nanii dwi kito mpum pyiile, nlenii gonyii gonii tinglang thaangsupii rangii kamateipii mpum pyii tangle.”

TIILAMLWI KAPYIIMEI THA JUKAMATI 19:4

Sateichii Polnii tamle, “Mpou taito gongtang karampii katunii, Jisugo malum tang karamlesii Jon- nii meimoi dakii tamsii, lung kakali mah dwi tei mpumpyii takle.”

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

TIILAMLWI KAPYIIMEI THA JUKAMATI 8:38

Teito mpounii takoi garyii tei sat tang karam jangpii kakhat takle, ninado Filipdo Ithopiyamei mi katupiido mpoupiinanii dwi kalei nitei hum wosii, mpounii mpougo dwi mpumpyii takle.

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

TAITAS 3:5

nyiinii kasang kamajyii kito tiikabam tha kito makle, nlenii mpoumah lungsyii kapyii kito mpounii nyiigo nlai loisii kamanaamah dwi shyii kamatei ninado rangii kamatei mah tiiranu kapyii kito mpounii nyiigo keipyii takle.

1 PITAR 5:5

Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.”