METIU 28:18 - KARANU KABI SAMTAM

¹⁸ Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

METIU 28:18 Iomraidhean Croise

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

LUKNII KARYII KABI RASAM JUKAMATI 10:22

“Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JONNII KARYII KABI RASAM JUKAMATI 3:31

Sagoi gamto kagong mpou teinii hang phyiiryii satle, sazyii pouryiito kagong mpou teinii sazyii pouryii mahle, sateichii mpounii sazyii pouryii mah sam tei tamle, sating gamto kagong mpou teinii kalui kaga hang phyiiryii satle.

JONNII KARYII KABI RASAM JUKAMATI 3:35

Pfii teinii nah sapfii mpou gotei lungsyiile sateichii mpoubah kikii mahlyiihang tei pyiibam takle.

TIILAMLWI KAPYIIMEI THA JUKAMATI 10:36

mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

TIILAMLWI KAPYIIMEI THA JUKAMATI 2:36

“Teijangpii gonyiinii krosh gamkii dhangsii gitoi kalei Jisu aigo Saraanii Abangpiido Kristado tiipyii takle katu Isrelmeinah hangnii tiigatpii timatulo.”

ROMMEI 14:9

Kadaponii Kristanii katai ninado karing hangna mah Bangpii tiitang karam jangpii, aikaang kito mpounii taido taipyii takle, sateichii ringdo ringkhiipyii takle.

1 KORENMEI 15:27

Kadapokii kabi rasam kito tamle, “Saraanii mahlyii hangtei mpou pi pazhii kangkii kaitakle.” Nlenii aikito bam kalei “Mahlyii- hang” katu samkang aiki ai Krista kangkii mahlyiihang go kaipyiisii kalei, Saraa mpou sekteinii haimakle.

KOLOSIMEI 2:10

Sateichii apum katii ninado teimaham kajum hang pyiiryiito satsii kalei mpouzei kito katokryiimah karing kitei gonyiinii gong wotakle.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

HEBRUMEI 2:8

mahlyii hang phyiiryiito mpougo apum tiimatu takle.” Saraanii meinahgo mahlyii hang phyiiryiito apum tiimatulesii tamle, ai ai maning riirhiitu gasii mahlyii hang haile. Nlenii mahlyii hang go meinahnii apum tiikalei tei nyiinii aitoi ngoumakle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

MATIMANGOU KAPYII 19:16

Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.