METIU 27:2 - KARANU KABI SAMTAM

² sateichii ahnyiinii mpougo reng peisii, pangpatsii Governor Pailat dakii pyii aitakle.

METIU 27:2 Iomraidhean Croise

METIU 20:19

sateichii mpougo Lui kakimei dakii hoksii nuimatu tang karam jangpii, lak matutang karam jangpii, sateichii Krosh gamto gi matu tang karam jangpii pyiitoi aitangle, sateichii leimik hangtum kashang piinei mpounii ringkhii tangle.”

METIU 28:14

Sateichii ai ai Governornii shiigong woleponii, nyiinii mpougo hemsii, gonyiigo mah kado tiimatu lakle.”

LUKNII KARYII KABI RASAM JUKAMATI 13:1

Sateichii Galili kito kaleimei- nii Saraago mah kat leibang- pii, Pailatnii ahnyiigo gi kalei kaang kito Jisu dakii tam kaleimei kangkii teitinglang ki sektei leile.

LUKNII KARYII KABI RASAM JUKAMATI 20:20

Sateichii ahnyiinii shoisii mpoumah samtam kito jum wosii, teimaham jum kaleimei hang satei- chii Governor dakii mpougo pyiitoi ai tang karam jangpii, kasang jai katii meijai tingshang kajumeigo langkai takle.

LUKNII KARYII KABI RASAM JUKAMATI 23:1

Teito ahnyiihangnii gungtusii, mpougo Pailat doikii pang- khiile.

LUKNII KARYII KABI RASAM JUKAMATI 23:12

Teipiinei leimik sek teikii Herot nei Pailat ai hangninanii hangniniigo kaningbitu takle; kadapochiinii asung karei kinii mpoupiina tei kangourou leile.

LUKNII KARYII KABI RASAM JUKAMATI 3:1

Teberias Sesharnii tingkum kea- riisii mangii nkhii kashang sagong pung kaleidou, Pontios Pailatnii Judah sazyiiki Governor pungleile, Herotnii Galili ki sagongle, Mpou taikarhiipii Filipnii Itoria sateichii Trakonitis sazyiiki sa- gongle, sateichii Laisanias nii Abilen ki sagongle.

JONNII KARYII KABI RASAM JUKAMATI 18:12

Teipiinii Romki saryiimei ni- nado ahnyii phyiiryii kasat kadimei ninado Jehudimeiki saryii kakoimei hangteinii Jisu gotei jum wosii reng peinei aitakle.

JONNII KARYII KABI RASAM JUKAMATI 18:24

Teito Anasnii mpougo rengpei kabam tei adusii kanat kajum Tingditupii Kaifas dakii mpougo lang matu takle.

JONNII KARYII KABI RASAM JUKAMATI 18:28

Teito ahnyiinii Jisugo Kaifas ki kalungto Praetorium lungtei pangliit takle, teitei tingchoi nukiile, sateichii ahnyiinii kaakamaju takbai mah malot tei chiihai tang karam jangpii ahnyiinii mateisii mbam nyiile, teijangpii ahnyiinii Praetorium lung- tei liit makle.

TIILAMLWI KAPYIIMEI THA JUKAMATI 12:6

Sateichii Herotnii mpougo pang- pat tuna tinghum sek teikii, Pitarnii saryiimei hangna kak kiteito sagyii- bah rangkat hangnapii peibamsii zyiisii bamle, sateichii kabangki koikalei saryiimei teinii kabangki kamwito sangsii bamle,

TIILAMLWI KAPYIIMEI THA JUKAMATI 21:33

Teitinglang kitei kasagoipii kadipii teinii mpouda ma- nangliitsii mpougo jum wosii sagyii bah rangkat hangnapiinii peitang karam jangpii mwija pyiitakle, sa- teichii mpou ai tapo ninado mpounii kadapei tii aitakpo katu n-nhiitakle.

TIILAMLWI KAPYIIMEI THA JUKAMATI 22:25

Sateichii ahnyiinii mpougo rengpii pei aisek-kii, Polnii mpou dato sat kalei saryiimei mei hai phyiiryiito apum katiipii dakii tamle, “Rom meigo samtak tiisupiinii kalak kathai ai gonyii mah ajaide?”

TIILAMLWI KAPYIIMEI THA JUKAMATI 22:29

Sateichii Polnii tamle, Nlenii Inii Rom mei hangninii tiisii lung m-mangle. Teijangpiinii mpougo n-nhii tang karam meihang teinii teisek-kii mpou dato dhiisii tat tutakle, Rom meile katu tei tiwo sek-kii, mpounii mpougo reng pei kalei jangpii hingtakle.

TIILAMLWI KAPYIIMEI THA JUKAMATI 24:27

Nlenii tingkum hangna tat maju kaleitai Felix tung Porsios Festasnii abam touwole; sateichii Felixnii Jehudimei dzyii karanga tiinyiisii Polgo poi mpat pyiisupii kabang kikii kaibamsii toutakle.

TIILAMLWI KAPYIIMEI THA JUKAMATI 28:20

Teipiinii aijangpii Inii gonyiigo kadoutang karam sateichii karashii njoitang karam jangpii lat leile. Ka- daponii Kretmeinii maning malumsii kalei mpou jang teipii n-gu bah sagyii rangkat aipii peibamle.”

TIILAMLWI KAPYIIMEI THA JUKAMATI 3:13

Abraham, Isak ninado Jakob mah Saraa katunii, nyiipei nyiipao- mah Saraa teinii mpouki kaleipii isugo pumtei kava tei pyiitakle, nlenii gonyiinii mpougo teimaham kajum mei bah kikii pyiitoi aitakle, ninado Pailatnii mpougo mpatpyii tanglesii maning kalu katang tei gonyiinii Pailat doisek todo mpougo mazhii makle.

TIILAMLWI KAPYIIMEI THA JUKAMATI 4:27

Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido,

TIILAMLWI KAPYIIMEI THA JUKAMATI 9:2

Bangpii mah pwidi swikalei sapfiimei godo sapwimei godo kata kangkago douwoleponii, ahnyiigo jum wosii Jerosalem kikii poigong katu mazhiitang karam jangpii Damaskas ki Jehudimei mah ndwi kito kalei mei dakii pyiitang karam mwija tei khangtakle.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

2 TIMOTHI 2:9

Inii kabi rasam katam karali jangpii mei tiikanhii tiikaleimeigo takumpii reng kapei katang kamage kalak tei Inii leh takle; nlenii Saraamah samtam teinii peinei aimakle.

HEBRUMEI 13:3

Kabang kilungto kalei ahnyiigo gonyiinii kaswisii bang kabam tiisii kalei takumpiinii maning gonglo; ahnyii takumpii gonyiiniido kamage kalak pung leile katupii, kamage kalak pungsii kalei ahnyiigo maning gonglo.