METIU 27:19 - KARANU KABI SAMTAM

¹⁹ Pailatnii samtak katiibamki bam kalei tinglang kak, mpou-nounii mpou dakii sam tam magongsii tamle, “Kasang kamajyiimei gotei nangnii mah kado tiisulo, kadapokii ndazyii tinghum manglam pangto mpou jangpii I-hangkapii kamage katu kadou takle.”

METIU 27:19 Iomraidhean Croise

METIU 1:20

Nlenii mpounii aitiisii maning leibangpii, Julo, sating gamlui hangninanii mpou mah mang kito gongsii tamle, “He Devit nah sapfii mpou Joseph, gonou Merigo pang hing sulo, kadapokii mpoupei lungto mpung kalei tei rangii kamatei datole.

METIU 2:19

Herotnii tai kaleitai, Julo, Izip kito Bangpii mah Sating gamlui hangninanii Joseph mah mang kito gongsii tamle,

METIU 2:22

Nlenii Arkaliyasnii mpoupfii Herot tung tousii Judiyaki sagong magong leitakle katu tei shii wosii, teiki bamki tei gong hing takle. Satei- chii Saraanii mang kito tam kakhat kapyii taiswisii Mpounii Galili sazyii mah bam hangniniiki tat tutakle.

METIU 27:18

Kadapokii ahnyiinii Barabas go ngou karou jangpiinii pyiitoi takle katu tei mpounii tile.

METIU 27:24

Teipiinii Pailatnii mahkado kabi dousutakle, nlenii meimoi teinii khoi nrung moi kapat tei ngou wosek- kii, mpounii dwi poisii meihang doi- teito bah baitek aisii tamle, “Kasang kamajyii mei aipou zai mah kaang kito gumah kama gale, gonyiinii gonyii roinapii rashii matou wolo!”

METIU 27:4

“Inii kama kagamei zai gotei schoi-choikakai kito Inii kem tii aitakle.” Ahnyiinii tamle, “Teinii nyii timakle, teinii nangroinapii jumatou wolo.”

LUKNII KARYII KABI RASAM JUKAMATI 23:41

Sateichii neinii kasangpii mage ai doumajyiile, kadaponii neinii tiikalei hang mah alangh tei douziile. Nlenii sapfii mpou ainii kama hangninii kado tiimakle.”

LUKNII KARYII KABI RASAM JUKAMATI 23:47

Sateichii Saryiimei mei hai phyiiryiito phyii kasatpii teinii pat kalei tei ngouwo sek-kii, Saraago tam matoisii tamle, “Madou supii sapfii mpou ai kama kagameile.”

JONNII KARYII KABI RASAM JUKAMATI 19:13

Pailatnii samhang ai shii wosek-kii, mpounii Jisugo saba pangpatsii, Hebru latpii Gabbatha katu kuitupii kakoi sii kalat bam nito kalei samtak katiibam gamtei bam wotakle.

TIILAMLWI KAPYIIMEI THA JUKAMATI 12:21

Sateichii karet kabam leimik hangninii kiteito Herotnii sagong peimani kaisii, sagongbamki bam- sanii, ahnyii dakii sam karashiile.

TIILAMLWI KAPYIIMEI THA JUKAMATI 18:12

Nlenii Gallionii Akaiyaki Rom- mei mah Governor pung kaleidou, Jehudimeinii gong ndwi wosii, Polgo jumsii Sratki pangkhiisii tamle.

TIILAMLWI KAPYIIMEI THA JUKAMATI 18:16

Sateichii mpounii ahnyiigo Srat kito baatoi aitakle.

TIILAMLWI KAPYIIMEI THA JUKAMATI 18:17

Teito ahnyii hangpii Jehudimei ndwi kito apum katiipii Sostenes go jum wosii samtak katiipii doiteito dat tutakle. Nlenii Gallionii tha aikaang ki aito samah kado lungnhii pyiimakle.

TIILAMLWI KAPYIIMEI THA JUKAMATI 25:10

Polnii tamle, “N-gu samtak tiitang karam bam Kaisariya mah samtak katii bam doito I-sat leile, Jehudimei dakii Inii kama tiikabam samah kado gale katu nangniido tiigatpii titakle.

TIILAMLWI KAPYIIMEI THA JUKAMATI 25:17

Sateichii ahnyiinii aiki gong wosek-kii, Inii tinglang tei tiikadak supii supounei leimik sek-kii, Inii samtak katiibam nitei bamsanii mei sapfii mpou gotei pangliit losii mwija pyiitakle.

TIILAMLWI KAPYIIMEI THA JUKAMATI 25:6

Sateichii mpounii ahnyii kak kito leimik siisat mak-kii leimik kearii sung kisupii bamsanii Kaisa- riya ki katang tatliitsii supounei leimik tei mpounii samtak katii bam kitei bamsanii, Polgo pangpat matutang karam jangpii kakhat takle.

1 PITAR 2:22

Mpounii kama tiisang tiimakle, sateichii mpou mwi kito kachuisam kapat meikado shiimakle.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.