METIU 26:64 - KARANU KABI SAMTAM

⁶⁴ Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

METIU 26:64 Iomraidhean Croise

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

METIU 22:44

‘Bangpiinii gu Bangpii dakii tamle: Inii n-go ngou karoumeigo gupi kangkii poikai kasuta, gu bah ajiilamto bamlo.’

METIU 24:30

Teito meinah sapfii mpou mah tiikamangou siiti hangtei sating gamto pat tangle sateichii teimaham nei kadi pumtei kava tei kaswisii meinah sapfii mpou teinii sating gam mah mongjyii phyiiryiito kagong tei ahnyiinii ngoutangle;

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 26:25

Mpougo schoi-choikakaipii Judas teinii tamle, “I-de madhii- kapyiipii!” Jisunii mpou dakii tamle, “Nangnii tam mpat takle.”

METIU 27:11

Aitoinii Jisunii Governor doi sat-to takle, sateichii Governor teinii mpougo n-nhiile. “Nang Jehudimei mah Sagongde?” Jisunii tamle, “Nangnii tam takle.”

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

METIU 8:20

Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

LUKNII KARYII KABI RASAM JUKAMATI 21:27

Tei tinglangki meinah sapfii mpou teinii mpou mah pumtei kava ninado tei maham kadigo kaswisii mongjyii kito kagong tei ahnyiinii ngoutangle.

LUKNII KARYII KABI RASAM JUKAMATI 22:69

Nlenii aitoi sekpiinii Meinah sapfii mpou teinii Saraa mah teimaham mah ajiilam pang teito bamtu tang takle.”

LUKNII KARYII KABI RASAM JUKAMATI 22:70

Sateichii ahnyii hangpii tamle, “Teitii lepochiinii, Nang Saraa nah sapfii mpou teide?” Sateichii mpounii ahnyii dakii tamle, “I-le katu tei gonyiinii tam takle.”

JONNII KARYII KABI RASAM JUKAMATI 18:37

Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

TIILAMLWI KAPYIIMEI THA JUKAMATI 1:11

ninado tamle, “He Galili kito kaleimei, gonyii dajangpii sating gamkii jumakhiisii sat leipo? Gonyii dato sating gam pangmakhii katu Jisu ai sating gam khii katu tei gonyiinii ngou katu takumpiinii, mpounii ai takumpiinii gong tangle.”

ROMMEI 14:10

Kadajangpii gosanapii phyiiryiikii nangnii sam- tak tiileipo? mak-kii kadajangpii nangnii gosanapiigo mala leipo? Kadaponii nyiihang Saraa mah samtak katii bam doito sat tangle.

1 THESOLONIKAMEI 4:16

Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

MATIMANGOU KAPYII 20:11

Sateichii sagongbam kadi kaha hangninii sateichii teiphyiiryiito bam kalei ah gotei Inii ngou takle, Ah doi teito sating ninado sazyii teinii pakga takle, sateichii ahnyii jangpii bamtei dousutakle.