METIU 26:63 - KARANU KABI SAMTAM

⁶³ Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

METIU 26:63 Iomraidhean Croise

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 26:62

Teito Tingditupii teinii gungtu satsii Jisu dakii tamle, “Nang mah kado khelak takpo? Go phyiiryiikii mei aimei ainii pyiikalei sakchyii ai kadapeipo?”

METIU 27:12

Tingdimei ninado katingmei hangteinii mpougo dzyii nuisii kalet katii tinglang kaktei mpounii samah kado khekalat makle.

METIU 27:14

Nlenii Jisunii mpougo samkang hangninii kado khela kasu jangpiinii Governor tei hangkapii sung gatakle.

METIU 27:40

“Saraa kama- ning ki tiimagasii leimik hangtum lung kikii tiimakhii kabuipii nang, goroinapii n-go kei wolo, nang Saraa nah sapfii mpou lepochiinii, krosh gam teito hum wolo.”

METIU 27:43

Mpounii Saraa go malumle, sateichii Saraa nah sapfii mpou lesii tamle, bitakle, teitii leponii Saraanii mpougo aitoi keikapyii nyiinii jude.”

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

MARK 14:61

Nlenii Jisunii malhiisupii bamsii mah kado khepyii sutakle. Nlailoisii Tingditupii teinii mpougo kachyiinhiile, “Tam makang tang karam nah sapfii mpou Krista tei nangpo?”

JONNII KARYII KABI RASAM JUKAMATI 1:34

Inii ngoutakle ninado Saraa nah sapfii mpou teilesii Inii sakchyii pyii takle.”

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 10:24

Teipiinii Jehudimei hangteinii mpougo gong bangmagwisii tamle, “Nangnii nyiigo tinglang kada takii maning rarhiisii mbam tangpo? Nang Krista teile- ponii nyiigo madurahapii tampyiilo.”

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 18:37

Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

JONNII KARYII KABI RASAM JUKAMATI 19:7

Jehudimeinii mpougo khekalatle, “Nyiimah ajaitingshang leile sa- teichii teimah ajaitingshang taiswisii mpounii taitang karamle. Dapochii- nii mpou roinapii mpougo Saraa nah sapfii mpou tiitakle.”

JONNII KARYII KABI RASAM JUKAMATI 19:9

Mpounii Praetorium ki kalung tei liitsanii Jisu dakii tamle, “Nang kada kitopo?” Nlenii Jisunii mpougo khepyii sutakle.

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 6:69

Sa- teichii nangnii Saraa mah kamatei teile katu nyiinii malum wotakle ninado titakle.”

JONNII KARYII KABI RASAM JUKAMATI 8:25

Ahnyiinii mpou dakii tamle, “Nang tapo?” Jisunii ahnyii dakii tamle, “Inii saroisekto gonyii dakii katam tei sekle.

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

1 PITAR 2:23

Mpougo kalet kalou katii tinglang kak, kalet kalou katii teipii mpounii khekalat makle; mpounii kamage kalak kadou tinglang kak, mpounii tiimahing katu tiimakle, nlenii kasang kamajyii samtak katii Saraa gotei mpounii malumle.