METIU 26:41 - KARANU KABI SAMTAM

⁴¹ Gonyiinii kahemki liit kasu tiisii mik raklo sateichii riitalo; rangiinii mazhiinyiile, nlenii pumzainii suile.”

METIU 26:41 Iomraidhean Croise

METIU 24:42

“Teijangpiinii sakailo, kadapokii gonyii Bangpiinii kadapiinei gong tangpo katu gonyiinii timakle.

METIU 25:13

Teijangpii sakailo, kadapokii gonyiinii leimikdo sateichii ting- langdo timakle.

METIU 26:38

Teito mpounii ahnyii dakii tamle, “I lung kamage katupii taine leitakle, aikito bamlo sateichii n-gu kaswisii mik raksii koilo.”

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

MARK 14:38

Sakailo ninado riitalo, gonyiinii kahemki liit kasu tiisii; rangiinanii tiinyiile, nlenii pumnii suile.”

LUKNII KARYII KABI RASAM JUKAMATI 11:4

sateichii nyii kem kama hangtei maga seilo, nyiidakii kama katiimeigo nyiinii maga kapyii takumpii, sateichii nyiigo kahem kitei maliitsei sulo.”

LUKNII KARYII KABI RASAM JUKAMATI 21:36

Nlenii pat tang karam matum madum hang kito gonyiinii nlek kabui mah teimaham dou kabui ninado meinah sapfii mpou doi tei gonyiinii satto kabui jangpiinii tinglang kaleita leh wolo.”

LUKNII KARYII KABI RASAM JUKAMATI 22:40

Sateikii mpounii teibam kitei piwo takle sek-kii, mpounii ahnyii dakii tamle, “Gonyiinii kahem ki liit kasu tiisii riitalo.”

LUKNII KARYII KABI RASAM JUKAMATI 22:46

ahnyii dakii tamle, “Gonyii kadajangpii zyii leipo? Kahemki liit kasu tiisii gonyii gungtu riitalo.”

LUKNII KARYII KABI RASAM JUKAMATI 8:13

Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

1 KORENMEI 16:13

Gonyii sakai wolo, kamalum kito sangtingsii satlo, pfiimeinii tiikamajyii tha tei tiilo, rai gasulo.

1 KORENMEI 9:27

Nlenii Inii mei kakimei dakii kabi rasam tam ralipyiisanii gupum go poikasu tei tiimatu kasu jangpii, I-roinapii gupumgo tingrang pyiisii gukang nkangsii lung matule.

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

2 PITAR 2:9

Teijangpiinii sam- tak tiikasuta kada takumpii kasang kamajyiimeigo jaikajumah kamage kalak kito keipyii tangpo sateichii kakui kama meigo kada takumpii tiikamage pyii tangpo katu tei Bangpiinii tile.

MATIMANGOU KAPYII 16:15

(“Julo, karagamei takumpii Inii gongtangle! Peimani haisupii makungpii ninado laat kabam tei ngoumatu lak tang karam jangpii peimani kaiwosii, mik raksii kalei ahtei sadoi bile!”)

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.