METIU 25:10 - KARANU KABI SAMTAM

¹⁰ Sateichii ahnyiinii maa lyii katu tinglang kak nou tiitang karam sapfii mpou tei gong takle. Sateichii tiida kalu mangii teinii mpougo kaswisii myii kapang takbai kitei liit wotakle, sateichii kitei takam takle.

METIU 25:10 Iomraidhean Croise

METIU 24:42

“Teijangpiinii sakailo, kadapokii gonyii Bangpiinii kadapiinei gong tangpo katu gonyiinii timakle.

METIU 24:43

Nlenii ai ai tiwolo, katunii kara- gamei teinii kadadou gong tangpo katu tei ki bangpiinii tileponii, mpounii mik raksii koisii mpouki tei ram malu wolakle.

METIU 24:44

Teijangpii gonyiido tiikada tang karamle, kada- pokii gonyiinii maning kasu tinglang ki meinah sapfii mpou tei gong tangle.

METIU 25:6

Nlenii tinghum asum saa mpat takle, ‘Julo, nou tiitang karam sapfii mpou tei aiki leitakle! Patlo ninado mpougo gonyii kadou wolo.’

METIU 7:21

“N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle.

LUKNII KARYII KABI RASAM JUKAMATI 12:35

“Gonyii sakai wolo, sateichii thaomi maseisii bamlo.

LUKNII KARYII KABI RASAM JUKAMATI 13:25

Ki Apumpiinii gungtusii ki tei takam sekchii, gonyiinii ki kajangto satsanii ki takam kakhiisii aitiisii tam tangle, ‘Bangpii nyiigo takam laatpyiilo.’ Sateichii mpounii gonyiigo khekalat tangle, ‘kada kito gong leipo Inii gonyiigo timakle.’

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

MATIMANGOU KAPYII 19:7

Nyiinii nta rangade sateichii Ahgo tam matoide. Kadapokii Jaonah mah myiikapang tinglang tei gong takle, sateichii mpoumah amyiipeipwi teinii mpoupei roinapii tiikada wotakle;

MATIMANGOU KAPYII 22:20

Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu!