METIU 25:1 - KARANU KABI SAMTAM

¹ “Tei tinglangki sating gam sazyii tei ahnyii mah thaomi poisii nou tiitang karam sapfii mpougo kadoutang karam jangpii tat kapat ralhiimeinah kearii takum tangle.

METIU 25:1 Iomraidhean Croise

METIU 13:24

Mpounii ahnyii dakii ndasam kaki hangninii tamle, “Sating gam sazyii teinii ai takumle, mei hang- ninanii mpou-lu kikii lwirou kabi ralikai bam takle;

METIU 13:31

Mpounii ndasam kaki hang- ninii ahnyii dakii tamle, “Sating gam sazyii teinii, mei hangninanii njang gaiti lwirou hangninii poisii mpou-lu kikii ralikai kabam takumle.

METIU 13:38

Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;

METIU 13:47

“Nlailoisii Sating gam sazyii teinii dwijai kikii ralang hangninii toikaisii kaa jat katham katham num kalu takumle;

METIU 20:1

“Kadapokii sating gam sazyii tei mei hangninanii mpou mah darkha toipyiilu kito tha tiimatu tang karam jangpii tingchoi nukii tat patsii tha katiimeigo ngat katu takumle.

METIU 22:2

“Sating gam sazyii teinii mpounah sapfii mpou jangpii myiikapang mah takbai pyiikalei sagong hangninii takumle,

METIU 25:7

Teito ralhiimeinah kearii teinii gungkhiisii ahnyii mah thaomi hangtei mimasai wotakle.

METIU 3:2

“Lungkali wolo, daponii sating gam sazyii tei natakle.”

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

METIU 9:15

Jisunii ahnyiigo khekalatle, “Nou tiitang karampii teinii myii kapangki gonghaisii kalei meigo kaswisii bam kaleitatei ahnyiinii swi mage wobuipo?” Ahnyii kak kito nou tiitang karampii gotei poitoi tang karam tinglang leimik tei gong tangle, satei- chii teito ahnyiinii malotryii tangle.

JONNII KARYII KABI RASAM JUKAMATI 18:3

Teipiinii Judasnii kanat kajum Tingdimei ninado Farasismei dateito Romki saryiimei bou hangninii satei- chii kadimei chengniikii go pangsii teibam ki katang tei thaomi, sara masumdang ninado baitui tei njasii gongtakle.

JONNII KARYII KABI RASAM JUKAMATI 3:29

Myiipeipwi go pang kalu mpou tei nou katii sapfii mpou teile. Nlenii kuto satpii mpou sam shiisii kalei nou katiipii mah kangmei teinii, nou katiipii mah rok shii wosii ntale, gumah ka-nta tiimashang kapyii teinii aile.

TIILAMLWI KAPYIIMEI THA JUKAMATI 20:8

Sateichii nyiinii ndwi kalei ki shang kasagoi kitei thaomi hangkii masei bamle.

1 KORENMEI 11:2

Gonyiinii mahlyii hang kito n-gu maning kasei jangpii sateichii gonyii dakii Inii pyii kabam hangtei go- nyiinii tiigatpii ryiileile katu jangpii Inii gonyiigo tam matoile.

2 KORENMEI 11:2

Saraanii lung kanhii takumpii, gonyii jangpii Inii lungkanhii hang- kapii leile; sapwimei hangninanii mpoupeigo manou tang lesii n-nhii- tak kalei sapfiimei hangniniigo bisii kalei, sateichii myiikapang leimik tei gong kasuta mateisii kalei takum- piinii, gonyiinii Jisu Kristago tiigatpii matwi mashangsii bisii kalei tei Inii mareile.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

MATIMANGOU KAPYII 14:4

Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile.

MATIMANGOU KAPYII 19:7

Nyiinii nta rangade sateichii Ahgo tam matoide. Kadapokii Jaonah mah myiikapang tinglang tei gong takle, sateichii mpoumah amyiipeipwi teinii mpoupei roinapii tiikada wotakle;

MATIMANGOU KAPYII 21:2

Sateichii Saraa dato kamatei namdi, kasatai Jerosa- lem teinii, mpoupeimah naa jangpii natkai kai ka-mbi amyiipeipwi takumpiinii tiikada wosii, sating gamto humkalei tei Inii ngoutakle.

MATIMANGOU KAPYII 21:9

Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

MATIMANGOU KAPYII 4:5

Sateichii Sagongbam kiteito sating kapeek katu rok hang, sateichii sating katwi hangkapii patle. Sateichii sagongbam doitei Saraamah rangii sana tiisii kalei mi vakalei mi sana leile;

MATIMANGOU KAPYII 8:10

Sateichii hangtum kashang sating gamlui teinii ahmah kachem tei kong takle, sateichii mi machii takumpii mi songkalei sageiti kadi hangninii sating gamto takmang- sanii karyii hangmah njai hangninii phyiiryii ninado dwimah dwipok hang phyiiryii takmang takle.