METIU 24:3 - KARANU KABI SAMTAM

³ Jisunii Olip zang gamto bam kalei kak, Boumei teinii makumpii gong n-nhiile, “Aihang ai kadadou pat tangpo, sateichii gomah kagong ninado sazyii pouryii kalui mah tiikamangou siiti tei kadapei tangpo?” nyiidakii tam pyiilo.

METIU 24:3 Iomraidhean Croise

METIU 13:36

Jisunii meimoi dateito tatpat tosii ki lung tat kaliit kak, mpou boumeinii mpouda gongsii mpougo tamle, “Lu kiteito kalei rhiimah mah ndasam kaangtei kadapeipo katu nyii dakii adoi doi tiisii tam pyiilo.”

METIU 13:49

Sazyii pouryii kalui tinglang ki tei takum tangle. Sating gamlui hangnii gongsii kasang kamajyiimei kak kito kashyii kahongmeigo poitaam tangle.

METIU 15:12

Teito boumei teinii tatpatsii mpou dakii tamle, “Farasismeinii go samtei shii wosii ahnyii lung deng takle katu nang timakpo?”

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

METIU 17:19

Teito boumei teinii Jisuda makumpii gongsii tamle, “Nyiinii ai ai baatoi pei kalak ai kadapei jangpiiniipo?”

METIU 21:1

Sateichii ahnyiinii Jerosalem ki pimanangsii, Olip zang kito kalei Bethpage ki gong wosek-kii, Jisunii boumei hangna dakii ai tamsii lang matu aitakle,

METIU 24:27

Kadapokii leimik kapat lamto sating kapeek sek-kii leimik kaliit- lam katang vakatu takumpii meinah sapfii mpou tei gong tangle.

METIU 24:30

Teito meinah sapfii mpou mah tiikamangou siiti hangtei sating gamto pat tangle sateichii teimaham nei kadi pumtei kava tei kaswisii meinah sapfii mpou teinii sating gam mah mongjyii phyiiryiito kagong tei ahnyiinii ngoutangle;

METIU 24:37

Ka- dapokii Noha haiki pat kalei takumpiinii, meinah sapfii mpounii kagong tei teitakumpii gong tangle.

METIU 24:39

Sateichii dwidigongsii ahnyii hang go dwinii taipungtu kasuta katang tei ahnyiinii timakle, meinah sapfii mpounii kagong tei teitakum tangle.

METIU 24:43

Nlenii ai ai tiwolo, katunii kara- gamei teinii kadadou gong tangpo katu tei ki bangpiinii tileponii, mpounii mik raksii koisii mpouki tei ram malu wolakle.

METIU 28:20

Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

LUKNII KARYII KABI RASAM JUKAMATI 21:7

Teito ahnyiinii mpou dato n-nhiile, “Madhiikapyiipii, ai-ai ka- dadou gong tangpo sateichii ai ai pat tuna tii kamangou tei kadapei tangpo?”

TIILAMLWI KAPYIIMEI THA JUKAMATI 1:7

Teito Jisunii ahnyii dakii tamle, “Gu pfiinii Mpou mah teimaham sek teipii tiida kabam tinglang mak-kii tingkum tinglang tei kadadou tangpo katu titang karam tei gonyii mah makle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.