METIU 23:34 - KARANU KABI SAMTAM

³⁴ Teijangpii Inii gonyii dakii tam leile, Inii gonyii dakii Lungkakalingmei, kati kangoumei ninado ajaitingshang kati ojameigo lang magong tangle, ahnyii mei kangkago gonyiinii gitangle, sateichii Krosh gamkii dhangsii gitangle sateichii kangkagonii gonyii mah ndwibam hang kito kache chesii pyiitangle, sateichii namdi hangninii kito hangninii kikii baakai tangle.

METIU 23:34 Iomraidhean Croise

METIU 10:23

Ahnyiinii gonyiigo namdi aikito kaset kalak kapyii tinglang kak; kaki hangniniiki pak galo; kadapokii Inii gonyii dakii kasangpii tam leile, meinah sapfii mpou teinii gong kasunakii gonyiinii Isrel mah nam hang kitei gong mashangpei wolakle.

METIU 13:52

Teito mpounii ahnyii dakii tamle, “Teijangpiinii sating gam sazyii jangpii ralikapyii doukalu ajaitingshang kati ojamei hangteinii mpoumah poi ka-ndwi ki shang kiteito pot kasatai ninado kaham poi mpatsii kalei ki apumpii hangninii takumle.”

METIU 23:31

Teitiisii gonyiinii Lungkakalingmeigo gitat kaleimei mah taa-nahmeile katu tei gonyii roinapii gonyiinii sakchyii pyii leile.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

JONNII KARYII KABI RASAM JUKAMATI 16:2

Ahnyiinii Jehudimei mah ndwini teito gonyiigo paktoi tangle, sateichii gonyiigo kagimei kata hangninanii tiikalei aipii mpounii Saraago nga ngalei lesii maning tang karam tinglang tei gong leitakle.

JONNII KARYII KABI RASAM JUKAMATI 20:21

Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

TIILAMLWI KAPYIIMEI THA JUKAMATI 1:8

Nlenii rangii kamatei teinii gonyii phyiiryii humpyii sekchii, gonyiinii teimaham tei doutangle, Sateichii gonyiinii Jerosalemto Ju- diya ninado Samariya sazyii hang kikii, sateichii sazyii pouryii nlai katang tei gumah sakchyii tiitangle.”

TIILAMLWI KAPYIIMEI THA JUKAMATI 11:27

Sateichii toinii ai tinglang aihang aiki aito Jerosalem kito Lung- kakalingmei Antiyok ki tatliitle.

TIILAMLWI KAPYIIMEI THA JUKAMATI 12:2

sateichii Jon sanapii Jakob go saryiimei kumpii gi aitakle.

TIILAMLWI KAPYIIMEI THA JUKAMATI 13:1

Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile.

TIILAMLWI KAPYIIMEI THA JUKAMATI 14:19

Nlenii Antiyok ninado Ikoniam kito Jehudimei hangteinii teiki tei gongtakle; sateichii ahnyiinii mei- hang go katwikai pyiisanii, Polgo kuitupii rotsii, mpou taitakle katupii maningsii namdi kiteito sabakii mpougo chyiipat toi aitakle.

TIILAMLWI KAPYIIMEI THA JUKAMATI 15:32

Satei- chii ahnyii pum sekpiiniido lungkakalingpii Judas nei Sailasnii kangsanamei gotei sam hangkii tamsii katwi pyiisii, ahnyiigo lung tiisangting pyiitakle.

TIILAMLWI KAPYIIMEI THA JUKAMATI 5:40

Teito mpounii katam tei ahnyiinii shii wosii ahnyiinii Tiilamlwi ka- pyiimei gotei lat maliit tosii ahnyiigo dat datpyiisii, Jisu zei kito tam matu kasu tiisii hungsii kakhat- pyiisanii, ahnyiigo mpat aitakle.

1 KORENMEI 2:6

Teitii kido swirek kabi mah samtam tei katingmei kak kikii nyiinii tam mpat pyiile. Nlenii sazyii pouryiimei mah swirek kabi tei makle, mak-kii gatang karam sazyii pouryii apum katiimei mah swirek kabi tei makle.

1 KORENMEI 3:10

Gudakii pyiikabam Saraamah jumage kapyii taiswisii, kasakai ki katii apum hangninii takumpii Inii kibangmaa tei tiimakhiile, sateichii mei kaki hangninanii tei phyiiryiikii ki tiimakhiile. Nlenii meihangnii tei phyiiryiikii kada takumpiinii tiima- khii tangposii machyiigat matulo.

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

1 THESOLONIKAMEI 2:16

Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!

HEBRUMEI 11:37

Ahnyiigo kuitupii rotle, ahnyiigo hangna tiisii rumle, ah- nyiigo saryiikhangpii gile, ahnyiinii Amyiinah mah ninado Jaonah mah tiigyii peimani kaisii tatle, mah kaga, karajam, ninado tiikamashyii tiika- maka tei ahnyiinii doutakle.

MATIMANGOU KAPYII 11:10

sateichii sazyii pouryiito lungkalei meihangnii ahnyiimah kaang kito nta tangle, kungsang ngi tiitangle sateichii ahnyii hangninanii hang- niniigo mah pyiikathai tangle, da- jangpiipo dinchii ai lungkakalingmei hangna ainii sazyii pouryiito lung kalei meigo tiikamage pyiitakle.