METIU 22:16 - KARANU KABI SAMTAM

¹⁶ Sateichii ahnyii- nii Herot tai kaswimeigo kaswisii ahnyii mah boumeigo lang magongsii tam matule, “Madhiikapyiipii, nangnii kasangle, sateichii Saraamah kasang pwidi tei kasang kasangpii ralipyiile sateichii mei kagodo hingmakle katu nyiinii tile, kadapokii nangnii mei-ju juleimakle.

METIU 22:16 Iomraidhean Croise

METIU 22:24

“Madhiikapyiipii, Moses-nii tambamle, ‘nah kaga sapfiimei hangninanii tai aileponii, mpou-tai karhiimeinii mpou-nou gotei manou wosii mpou jangpii atii- anah mbam tang karamle.’

METIU 22:26

Hangna kashang ninado hangtum kashangdo sateichii sana kashang katang tei teitiisii pat takle.

METIU 26:18

Mpounii tamle, “Namdi lungki mei hangninii datei tat liitsii, madhiikapyiipiinii tam leile, gumah tinglang tei gong takle, Inii gumah boumeigo kaswisii kaakamaju mah takbai tei gokito hang-ngi tanglesii tamlo.”

METIU 26:49

Sateichii mpounii Jisuda tat majyiitok pisii tamle, “Kamajung tei gudato lei matulo Pumpii!” Sii tamsii mpounii Jisugo matwum takle.

MARK 10:17

Sateichii mpounii tat kapat tinglangki, mei hangninanii mpou doi pakpi kok-kumsii mpougo n-nhiile, “Kabi Madhiikapyiipii, Kalui kaga karing doutang karam jangpii Inii dapei tiitangpo?”

MARK 12:13

Sateichii ahnyiinii Jisu mah samtam kito jum kabui jangpii maningsii Farasismei ninado Herot- mei kangkago mpou dakii langkaile.

MARK 12:14

Teito ahnyiinii mpouda gongsii tamle, “Madhiikapyiipii, nangnii kasang sam tam leile katu nyiinii tile, sateichii nangnii meigo kado hinglei makle, kadapokii nangnii kasana kasagoi julei makle, nlenii Saraa mah kasang pwidi tei Nangnii tam ralipyiile. Nyiigo tam pyiilo, Sijar-go aha kapyii ai ajai makpo? Nyiigo pyiilo manii pyii sulopo?”

MARK 3:6

Teipiinii Farasismei teinii Jehu- dimei mah ndwibamni teito tatpat takle ninado Herotgo manoisek-kii kadousii ahnyiinii Jisugo kada takumpii gitangposii karashiitu takle.

MARK 8:15

Jisunii kakhatsii ahnyiigo tamle, “Julo, Farasismei ninado Herot mah ahee kiteito gonyii sakai wolo.”

LUKNII KARYII KABI RASAM JUKAMATI 20:21

Sateichii ahnyiinii mpougo n-nhiile, “Madhiikapyiipii, Nangnii kasang tei tampyii ralipyiile sateichii meiju jusii kagu kaphang tiileimakle, nlenii Saraa mah kasang pwidi tei tam ralipyiile katu tei nyiinii tile.

LUKNII KARYII KABI RASAM JUKAMATI 7:40

Teito Jisunii mpougo kheka- latle, “Simon Inii n-go mah ching- niikii tamtang karam leile.” Teito mpounii tamle, “Madhiikapyiipii tampyiilo;”

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 18:37

Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

JONNII KARYII KABI RASAM JUKAMATI 7:18

Mpoumah teimaham kito tam kalei ah teinii mpouroinapii mpougo tam kamatoi fiileile, nlenii mpougo lang kamagong ahgo tam kamatoi fiikalei ahteinii kasangle sateichii kasang kasu tei ah dato gale.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

2 KORENMEI 5:16

Teipiinii aitoi sekpii, nyii mei hangninii kagodo meinah mah pum- zai lamto samtak tiisutakle, tinglang hangniniiki nyiinii meinah mah kamaning kito nyiinii Kristago samtak tiisii leikado, nyiinii mpougo teitiisii samtak tiiloi sutakle.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

GALATIMEI 2:6

Nlenii doimajang kapyiimei takumpii ngousii kalei (Inii ai ai tam leile, daponii ahnyii ai kadapeipo katu thaam kaki gudato mah kado ngou makle; Saraanii meiju jusii samtak tiilei makle.) Inii tam leile, tei kakum doi majang kapyiimei hang teinii n-gu mah kado kai mpampyii makle.

1 THESOLONIKAMEI 2:4

nlenii Saraanii nyiigo kabi rasam tam matu tang karam jangpii mazhiikapyii takumpii, nyiinii mei dzyii karanga tei tiitang karam jangpii makle, nlenii nyii lung go jaijusii kalei Saraa dzyii karanga tei tiitang karam jangpii nyiinii tam leile.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.