METIU 21:44 - KARANU KABI SAMTAM

⁴⁴ Sateichii kuitu aiphyiiryiito ka- koumei hang tei pakchet chet tangle, nlenii ainii mei kata hangninii phyiiryii tak kamang kak, ahgo buinei takumpii karyiichet chet toi aitangle.

METIU 21:44 Iomraidhean Croise

METIU 21:43

“Teijangpii Inii gonyii dakii tam leile, Saraa mah sating sazyii tei gonyii dato poitoi aitangle, sateichii teimah riiti tiigatpii mati tang karam Lui hangninii dakii pyii tangle.”

METIU 21:45

Sateichii Tingdimei ninado Farasismei hangteinii mpou mah ndasam hang tei shii wosek-kii, ahnyii mah kaang kito tam leile katu ahnyiinii titakle.

METIU 26:24

Mpou- mah kaang kito ryii kabam tei takumpii, meinah sapfii mpou teinii tai tangle, nlenii meinah sapfii mpougo schoi choi kakai ah teinii kadaziikapiinii kamage tang takpo? Mei teipou jangpiinanii nuto lung- sang lung m-mang kasu teiniipou ah jangpii bibwi tangle.”

METIU 27:25

Sateichii meihang teinii kheka- latle, “Mpoumah zai tei nyii phyiiryii sateichii nyii nahmei phyiiryii takliit matulo.”

LUKNII KARYII KABI RASAM JUKAMATI 2:34

Simion nii ahnyiigo satoi pyiile sateichii mpou pwi Meri dakii tamle, “Julo, ai nah ai, Isrel kito kalei mei hangkii jangpii tiikakou sateichii tiikamatu jangpii Saraanii kalaibam takle, sateichii mpou ai Bangpii dato kagong siiti tiikamangou hangninii meihangkanii tam kamashyii tei tangle.

LUKNII KARYII KABI RASAM JUKAMATI 20:18

Kuitu tei phyiiryiito kakou hangtei pakchet chet tangle, nlenii teiteinii mei kata hangninii gam takmang lepochiinii teitei karyiichet chet toi ai tangle.”

JONNII KARYII KABI RASAM JUKAMATI 19:11

Jisunii mpougo khekalatle, “Sagoi gamto godakii pyii suleponii, gu phyiiryiikii gomah teimaham samah kado gatangle. Teijangpii godakii n-gu kapyii ahmah kem tei kisii dile.”

ROMMEI 9:33

aitiisii ryii kabam takumpiinii, “Julo Sijon kikii pi pasui tang karam kuitu ninado ahnyiigo tiikou tang karam kuitu kadi Inii kaibamle, sateichii mpougo kamalum mei gotei nrou matu lakle.”

1 THESOLONIKAMEI 2:16

Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!

1 PITAR 2:8

Sateichii kabi rasam kaki kito tamle, “Meigo pi pasui matutang karam kuitu, ahnyiigo tiikou tang karam kuitu kadi tei aile.” Ahnyiinii pi pasuile, dapokii ahnyiinii samtam tei swimakle; tei kakum tei ahnyii jangpii Saraanii reipii tiida kabam teile.