METIU 20:4 - KARANU KABI SAMTAM

⁴ Teito mpounii ahnyii dakii tamle, ‘gonyiido maasii darkha toipyiilu kito tha tiitulo, sateichii pyii kamajyii tei Inii gonyiigo pyii tangle’ sii tam takle; teipiinii ahnyiinii tat tutakle.

METIU 20:4 Iomraidhean Croise

METIU 20:3

Sateichii pung sokchyii ki mpounii saliki kajang tatpat loisanii mei kangka teikito makado tiisupii satsii kalei tei mpounii ngou wotakle.

METIU 20:5

Sateichii mpounii pung keariisiina- khii ki sateichii pung tumkii tatpat loisanii nu-takumpii tiitakle.

METIU 9:9

Sateichii Jisunii teibam kiteito aitiisii tatjou pikii, Metiu sii kalat sapfiimei hangninii ha kahamei Srat ki bam kalei tei ngou wosii, Jisunii mpou dakii tamle, “Gutai swi wolo” teito mpounii gungtu sat-tosii mpou tai swi wotakle.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

KOLOSIMEI 4:1

Apum mei sating gamto gonyiimahdo apumpii leile katu tei tisii, Gonyii kikaleimei dakii majyiisii sateichii bisii tiiseilo.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.