METIU 2:13 - KARANU KABI SAMTAM

¹³ Sateichii ahnyiinii tat katutai, Julo, Bangpii mah Sating gamlui hangninanii Joseph mah mang kito humsii tamle, “Gungtusii nah nei Pwigo tei pangsii Izip sazyiiki tat tulo, sateichii Inii tam kasuta bam teiki teito bamlo; kadaponii Herotnii nah aigo tiimaga tang karam jangpii fiigong leziitakle.”

METIU 2:13 Iomraidhean Croise

METIU 1:20

Nlenii mpounii aitiisii maning leibangpii, Julo, sating gamlui hangninanii mpou mah mang kito gongsii tamle, “He Devit nah sapfii mpou Joseph, gonou Merigo pang hing sulo, kadapokii mpoupei lungto mpung kalei tei rangii kamatei datole.

METIU 10:23

Ahnyiinii gonyiigo namdi aikito kaset kalak kapyii tinglang kak; kaki hangniniiki pak galo; kadapokii Inii gonyii dakii kasangpii tam leile, meinah sapfii mpou teinii gong kasunakii gonyiinii Isrel mah nam hang kitei gong mashangpei wolakle.

METIU 2:12

Sateichii Saraanii ahnyiigo Herotda nlaigong sulosii ahnyii mah mang kito mati kapyii taiswisii ahnyiinii pwidi kakilamto ahnyii mah sazyiiki katang tei tat tutakle.

METIU 2:14

Teito mpounii gungtusii nah tei nei pwi gotei tinghumkii pangsii Izip sazyiiki tat tutakle.

METIU 2:16

Teito kati kangoumeinii mpougo achem tiisii kapek wotakle katu tei Herotnii ngou wosek-kii, hangkapii rarhiisii kati kangoumei dato n-nhii kamati wokalu tinglang tei taiswisii Bethlehem ninado teiki baang kito kalei tingkum hangna kashang ninado teikangto kalei nah sapfiimei hang gotei mei langkai- pyiisanii gitoi malei aitakle.

METIU 2:22

Nlenii Arkaliyasnii mpoupfii Herot tung tousii Judiyaki sagong magong leitakle katu tei shii wosii, teiki bamki tei gong hing takle. Satei- chii Saraanii mang kito tam kakhat kapyii taiswisii Mpounii Galili sazyii mah bam hangniniiki tat tutakle.

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

TIILAMLWI KAPYIIMEI THA JUKAMATI 10:7

Sateichii mpou dakii sam rashii kalei sating gamlui teinii tat tusek-kii, mpounii mpouki kaleimei kak kito sapfiimei hangniniigo sateichii mpougo nga ngamatu tang karam jangpii tinglang kaleita koisii kalei meikak kito Saraago kamalum saryiimei hangniniigo lat tosii,

TIILAMLWI KAPYIIMEI THA JUKAMATI 12:11

Teito Pitarnii mpou roinapii tigong wosek-kii tamle, “Aitoinii Inii kasangpii titakle, katunii Bangpiinii mpoumah sating gam luigo lang m-mangpyiisii, n-gu Herot bah kito ninado Jehudimei hang mah kamaning kiteito kaleipyii takle.”

TIILAMLWI KAPYIIMEI THA JUKAMATI 12:7

Sateichii julo, Bangpii mah sating gamlui hangninanii ah dato satto takle, sateichii teibam kitei kava hangninii vatakle, teito Sating gam lui teinii Pitargo kachyiito dengsii makengsii tamle, “Kalangsii gungtu wolo,” teito mpoumah sagyii rangkat tei mpoubah kito tak khii takle.

TIILAMLWI KAPYIIMEI THA JUKAMATI 16:36

Teito kabangki kakoipii teinii Pol dakii sampao tei tam takle, “Samtak katiimeinii gonyii go mpat aitang karam jangpii n-gu lang magong leile, teijangpiinii aitoinii majungsii tat tulo.”

TIILAMLWI KAPYIIMEI THA JUKAMATI 5:19

Nlenii Bangpii mah sating gamlui teinii tinghumkii kabangki ki kamwi takam tei lattoi pyiisanii ahnyiigo pang mpatpyiisii tamle,

TIILAMLWI KAPYIIMEI THA JUKAMATI 7:19

Sagong teinii nyii luigo kadat karyiisii tiimagesii ahnyii nah kacheng hang go ring matu kasu tiisii rat toi matule.

MATIMANGOU KAPYII 12:14

Nlenii mpoupeigo tingkum hangtum aphang ai makotsii jupyii tang karam, mwigatpwi dateito mpoupei bam, sazyii kamarong kitei jung ga kabui tiisii mpoupeigo kalhang ruinah kadimah kashii hangna tei pyiitakle.

MATIMANGOU KAPYII 12:4

Sateichii mpoupeimah mee teipiinii sating gam mah sageiti hangmah njai hangtum kito njai hangninii gotei chyii m-mang sazyii- kii toikai aitakle, sateichii sapwi mpei teinii nah gotei lung m-mang sekchii, mwigatpwi teinii nah gotei poichii tang karam jangpii, nah lungtang karam pei doi teito sat totakle.

MATIMANGOU KAPYII 12:6

Sateichii mpoupeigo leimik 1260 makotsii jupyii tang karam, mpoupei jangpii Saraanii tiidapyii kabam sazyii kamarong bam hangniniiki sapwi mpei teinii pakga takle.