METIU 19:28 - KARANU KABI SAMTAM

²⁸ Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

METIU 19:28 Iomraidhean Croise

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 19:27

Teito Pitarnii mpougo tamle, “Julo, nyiinii mahlyii hang toi aisii gotai swi wotakle, Saraanii nyiigo kadapei pyiitangpo?”

METIU 20:21

Sateichii mpounii mpoupei dakii tamle, “Nang kadapei marei- po?” Mpoupeinii mpou dakii tamle, “Gomah sating sazyii kito gunah sapfii mpou hangna ai, hangninanii gobah ajiilamto, sateichii hangni- nanii go-bah abilamto bam matu tang karam jangpii tiidaseilo.”

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 6:33

Nlenii gonyiinii mpoumah Sating Sazyii ninado Mpoumah kasang kamajyii tei reipii fiilo sateichii mahlyii hang ai gonyii dakii kai mpampyii tangle.

METIU 8:20

Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”

MARK 10:37

Teito mpoupiinanii mpou dakii tamle, “Nangnii pumtei kava haisii gomah sagongbam kito kabampiinei nei hangnago gobah ajiilamkii hangninii go bilamkii hangniniigo mbam seilo.”

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

2 PITAR 3:13

Nlenii mpoumah riishii taiswisii, kasang kamajyiimeinii lungkalei sateichii sating ninado kasatai sazyii gotei nyiinii koileile.

MATIMANGOU KAPYII 11:16

Sateichii Saraa doito sagongbam ki bamkalei katingmei makaisiimadai nkhii teinii makumpii koumang sanii, Saraago matasii

MATIMANGOU KAPYII 12:1

Sateichii tiikamangou kadi hangninii sating gamkii ngoule, sapwimei hangninanii lei- mikpii peimani kai wotakle, sateichii sakhiipii mpoupei pi kangkii, sateichii sageiti keariisiinakhii mah phyiihungpii phyiigamkii choi wotakle.

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 21:5

Sateichii sagongbam kito bam kalei ah teinii tamle, “Julo, Inii mah- lyiihang tiisatai pyii takle.” Sateichii Ahnii tamle, “Ai ryii wolo; kadapokii samhang ai malum wokabui ninado kasangle.”

MATIMANGOU KAPYII 22:2

Sateichii teimah karyiiku kanato riiti jat keariisiinakhii mati kalei ruibang tei leile; teimah riiti tei sakhii mata mati leile, sateichii teimah ruibang nhii teipiinii lui- hangmah ra katchii tei tii mbipyii tang karam jangpiiniile.

MATIMANGOU KAPYII 22:5

Sateichii tinghum katu tei leiloi lakle. Ahnyii jangpii thaomimah mak-kii leimikmah kava tei kabi gale, kadapokii Bangpii Saraa teinii ahnyiimah kava tei tangle, sateichii ahnyiinii kalui gasii sagong tiisii magong tangle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 4:4

Sateichii sagongbamgo baangmagui kabam nitei sagongbam makaisii madai nkhii leile; sateichii sagong- bam phyiiryii tei peimani kaha kai- kalei sateichii ahnyiimah phyiibung gamtei sona mah sagong phyiihung choikalei katingmei mei makaisii madai nkhii bam kalei tei Inii ngoutakle.

MATIMANGOU KAPYII 7:4

Sateichii seal nam kabam mei kamoi tei Inii shiitakle, Isrelmeinah mah sadung hang kito seal nam kabam (Lakh hangninii tang rekdaisii madai nkhiile) 144000.