METIU 19:21 - KARANU KABI SAMTAM

²¹ Jisunii Mpou dakii tamle, “Nangnii bimatui bimasangnyii lepo- nii, tat tulo gomah kabam hangtei maa joisii mah kagameigo pyii ailo, teitiileponii nangnii sating gamto kani kahii tei doutangle; sateichii gonglo, gutai swi wolo.”

METIU 19:21 Iomraidhean Croise

METIU 16:24

Teito Jisunii mpou boumei dakii tamle, “Mei kata hangninanii gutai swinyii leponii, mpounii mpouroinapii mpougo mazhiisu matulo sateichii mpounii mpoumah Krosh tei poi ma- tusii gutai swi matulo.

METIU 19:20

Rahang kaleipii teinii mpou dakii tamle, “Ai hang ai Inii swi wotakle, Inii kadapei tiimakpo rei?”

METIU 19:22

Rahang kaleipii tei ai shii wosek-kii mpou swi kamagesii tat-tu takle; kadapokii mpounii mah hangkapii nile.

METIU 19:28

Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

METIU 4:19

Sateichii mpounii ahnyii dakii tamle, “Patlo, gutai swi wolo, Inii gonyiigo mei kanum mei tiimatu tangle.”

METIU 5:48

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

METIU 8:22

Nlenii Jisunii mpou dakii tamle, “Gutai swi wolo, sateichii kataimei teinii ahnyiimah katai gotei tiigoi matulo.”

METIU 9:9

Sateichii Jisunii teibam kiteito aitiisii tatjou pikii, Metiu sii kalat sapfiimei hangninii ha kahamei Srat ki bam kalei tei ngou wosii, Jisunii mpou dakii tamle, “Gutai swi wolo” teito mpounii gungtu sat-tosii mpou tai swi wotakle.

MARK 10:21

Teito Jisunii mpougo lungsyiisii jule ninado tamle, “Nangnii kaangkii tiitang makle rei; tat tulo, gomah kabam hangtei joilo, sateichii kamage meigo pyii ailo, teito nangnii sating gamto mah nitangle, sateichii patlo, gutai swi wolo.”

MARK 2:14

Sateichii mpounii chengniikii tat-hum sek-kii, Alfaiyas nah sapfii mpou Levi teinii haboi kahaki teito bamsii kalei tei ngoule teito Jisunii mpou dakii tamle, “Gutai swi wolo.” Sateichii mpounii tusat tosii mpou-tai swiwo takle.

MARK 8:34

Sateichii mpounii mpou-bou- meigo kaswisii meimoi gotei mpouda lat magongsii tamle, “Mei kata kangkanii gutai swinyii lepochiinii mpou mah kamaning tei toi ailo, krosh tei poi matu wolo sateichii gutai swi wolo.

LUKNII KARYII KABI RASAM JUKAMATI 12:33

Gonyii mah kalei hangtei joitoisii sana tei kagameigo pyiitoi ailo, ham kalak sana takou tei gonyii jangpii tiiwolo; katunii kara- gameinii gongpeiwo kalak, karak niido tiimaga peiwo kalak, Sating gamkii gonyii mah kani kahii tei poi ndwi wolo.

LUKNII KARYII KABI RASAM JUKAMATI 14:33

Tei takumpiinii mei hangninii kaniido gutai kaswimei tiipeiwo lakle, mpou mah kalei hangtei pyiitoi lahok kasuta tei.

LUKNII KARYII KABI RASAM JUKAMATI 16:9

Inii gonyii dakii tam leile: gonyiinii sazyii pouryii mah seh sana gotei kang tiilo, gonyiinii taisekchii ahnyiinii gonyiigo kalui gasii lung- tang karam bamniki pang gongsei matu tang karam jangpii.

LUKNII KARYII KABI RASAM JUKAMATI 18:22

Sateichii Jisunii teitei shii wosii, Jisunii mpou dakii tamle, “Nangnii kaangkii tiitang makle rei. Gomah kalei hangtei joitoilo sateichii mah kagameigo pyii ailo, teito nangnii sating gamto mah kani kahii tei bam tangle; sateichii patlo, gutai swilo.”

LUKNII KARYII KABI RASAM JUKAMATI 5:27

Aihang-tai tei Jisunii tatpat siinii, aha kaha nito bam kalei Lebi katupii, Aha hakaleimei hangniniigo ngouwosii mpou dakii tamle, “Gutai swilo.”

LUKNII KARYII KABI RASAM JUKAMATI 6:40

boumei hangninanii Madhiikapyiipii sung dibui makle, nlenii nahmei hangteinii madhiisang takle sekchii Madiikapyiipii takum tangle.

LUKNII KARYII KABI RASAM JUKAMATI 9:23

Sateichii mpounii meihang dakii tamle, “Mei kata kangkanii gutai swinyii lepochiinii, mpounii mpou jangpii mangai aisii, mpoumah Krosh tei neikii neikii poi matu matulo, sateichii gutai swi matulo.

JONNII KARYII KABI RASAM JUKAMATI 10:27

Gumah jaohangnii gumah roktei shiile sateichii Inii ahnyiigo tile ninado ahnyiinii gutai swile.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

TIILAMLWI KAPYIIMEI THA JUKAMATI 2:45

sateichii ahnyiinii ahnyiimah kabam hangtei joitoi aisii kagamei dakii jaipyii aitakle.

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.