METIU 18:10 - KARANU KABI SAMTAM

¹⁰ “Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

METIU 18:10 Iomraidhean Croise

METIU 1:20

Nlenii mpounii aitiisii maning leibangpii, Julo, sating gamlui hangninanii mpou mah mang kito gongsii tamle, “He Devit nah sapfii mpou Joseph, gonou Merigo pang hing sulo, kadapokii mpoupei lungto mpung kalei tei rangii kamatei datole.

METIU 12:20

Mpounii lung teisii kalei mei dakii lung manoi pyii tangle sateichii kasuimei dakii lungsyii pyii tangle. Kasang teinii ngam kasuta mpounii tiijou tangle;

METIU 18:14

Teijangpii ai kacheng hang kak kito hangninii kagodo maga matutang karam ai sating gamto kalei gu pfiinii kamaning kamarei teimakle.

METIU 18:6

“Nlenii n-gu malum kalei nahmei kachengmei aihang kak kito hangniniigo mei kata kangkanii tiikou aileponii, mpou kagung kikii kakaryii kuitu kuikaisii dwijai katuk ki takliitsii dwikito ngalum kalei teiniipou mpoujangpii bibwi tangle.

METIU 2:13

Sateichii ahnyiinii tat katutai, Julo, Bangpii mah Sating gamlui hangninanii Joseph mah mang kito humsii tamle, “Gungtusii nah nei Pwigo tei pangsii Izip sazyiiki tat tulo, sateichii Inii tam kasuta bam teiki teito bamlo; kadaponii Herotnii nah aigo tiimaga tang karam jangpii fiigong leziitakle.”

METIU 2:19

Herotnii tai kaleitai, Julo, Izip kito Bangpii mah Sating gamlui hangninanii Joseph mah mang kito gongsii tamle,

METIU 24:31

Sateichii mpounii mpou mah sating gamlui hang go kachem kong kalei roktei kaswisii lang mpat tangle sateichii ahnyiinii mpoumah kalei kalumei hang go sating nlai hangninii kito nlai hangninii katang saka madaito poi ndwi tangle.

LUKNII KARYII KABI RASAM JUKAMATI 1:19

Sateichii Sating gamlui teinii mpougo khekalatle, “Saraa doito sat kalei Gabrel I-le; sateichii karashii tang karam sateichii nha kabi ai godakii punghum tang karam jangpii n-gu lang m-mangle.

LUKNII KARYII KABI RASAM JUKAMATI 10:16

“Gonyii sam shiisii kalei mei teinii n-gu mazhii makle, sateichii n-gu mazhii kasumei teinii, n-gu lang m-mang kapyiipiigo mazhii makle.”

LUKNII KARYII KABI RASAM JUKAMATI 16:22

“Mah kagapii tei taitakle sa- teichii mpougo Abrahamda kasang- kii Sating gamluinii pangkhii kaipyii takle. Mah kanipii teido taitakle sa- teichii poigoi takle;

TIILAMLWI KAPYIIMEI THA JUKAMATI 10:3

Tingneikii tingna pung sokchyii tinglang doukii mpougo madhang kapyii hangninii kito Saraa mah sating gamlui hangninanii mpouda gongsii tamle, “Kornilius,”

TIILAMLWI KAPYIIMEI THA JUKAMATI 12:15

Teito ahnyiinii mpoupei dakii tamle, “Nang n-gok leitakle!” Sii, nlenii mpoupeinii kasangpiinii lesii tamtakle. Teito ahnyiinii tamle, “Tei dinchiinii mpou mah, sating gam luile!” sii.

TIILAMLWI KAPYIIMEI THA JUKAMATI 12:23

Sateichii mpounii Saraago tam matoi kasu jangpii, teisek-kii Bangpii mah sating gam luinii mpougo tiirang aitakle, sateichii matainii chiisii rangii ga aitakle.

TIILAMLWI KAPYIIMEI THA JUKAMATI 27:23

Kadaponii Inii mpou mei tiisii, sateichii mpou godo Inii nga ngasii kalei, Saraamah sating gamlui hangninanii ndazyii tinghum guda gong satsii tamle,

TIILAMLWI KAPYIIMEI THA JUKAMATI 5:19

Nlenii Bangpii mah sating gamlui teinii tinghumkii kabangki ki kamwi takam tei lattoi pyiisanii ahnyiigo pang mpatpyiisii tamle,

ROMMEI 14:10

Kadajangpii gosanapii phyiiryiikii nangnii sam- tak tiileipo? mak-kii kadajangpii nangnii gosanapiigo mala leipo? Kadaponii nyiihang Saraa mah samtak katii bam doito sat tangle.

ROMMEI 14:21

Kamyii kachii teipii, mak-kii jou kasak teipii, mak-kii mah kata kara hangninii katii teipii gosanapiigo pi pashui matu katu samah kado tiikasu bile.

ROMMEI 15:1

Sateichii kamalum kito kasangtingmei nyiinii nyii- jangpii roinii dzyiibi tang karam tiisupii, kamalum kito kaswimei mah pot kamaswi tei pungha tang karamle.

1 KORENMEI 11:22

Kadapeipo! Chii tang sak tang karam jangpii gonyiinii mpou mpouki gade? Mak- kii Saraamah charshgo gonyiinii dzyiirou supii mah kagameigo tii- nrou leipo? Inii gonyii dakii kadapei lesii tam tangpo? Aiki aito Inii gonyiigo tam matoi tangpo? Makle, Inii gonyiigo tam matoilak le.

1 KORENMEI 16:11

Teijangpiinii mei kaniido mpougo maning malah tei tiimatu sulo. Nlenii mpounii guda gong tang karam jangpii, majungsii mpougo pwidikii kapouseilo; kadaponii Inii mpougo kangsanameigo kaswisii nlaigong tang karam jangpii koisii bamle.

1 KORENMEI 9:22

Inii kamalum kasuimeigo douwo kabui jangpii, kamalum kasuimei dato Inii kasuimei hangninii takum takle; katalyii tiisii Inii mei kangkago keiling tang karam jangpii, Inii mahlyii mitakle meihang dato.

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

2 KORENMEI 10:10

Kadapokii ahnyiinii tamle, “Mpoumah chiti hang teinii maswile sateichii teile, nlenii mpou- nii mpoumah pumzai pungsii nyiikak haikalei kak teinii, mpou ai suile, sateichii mpou samtam hangteinii samah kado makle.”

GALATIMEI 6:1

Kangsanamei, kem kamaki takliit kaleimei hangniniigo jum woleponii, rangii lamto kalei, gonyii- nii ahgo tiimajyiipyii tang karamle. Nlenii teitei gonyiinii sotniimakpii tiitang karamle, sateichii n-godo hemwo kasu tiisii, goroinapii n-go julo.

1 THESOLONIKAMEI 4:8

Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

MATIMANGOU KAPYII 8:2

Teito Saraa doito sat kalei sating gamlui sana ninado ahnyii dakii kachem sana pyii katu tei Inii ngoutakle.