METIU 16:27 - KARANU KABI SAMTAM

²⁷ Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 16:27 Iomraidhean Croise

METIU 13:41

Meinah sapfii mpou teinii mpou mah Sating gamlui lang m- mangsii meigo kem kikii chyiikakai mei sateichii kashyii kahong tha katiimei hang go mpoumah sagong sazyii kito poi ndwi wosii ahnyiigo mibam kikii toikai tangle.

METIU 13:49

Sazyii pouryii kalui tinglang ki tei takum tangle. Sating gamlui hangnii gongsii kasang kamajyiimei kak kito kashyii kahongmeigo poitaam tangle.

METIU 24:30

Teito meinah sapfii mpou mah tiikamangou siiti hangtei sating gamto pat tangle sateichii teimaham nei kadi pumtei kava tei kaswisii meinah sapfii mpou teinii sating gam mah mongjyii phyiiryiito kagong tei ahnyiinii ngoutangle;

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

METIU 8:20

Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

LUKNII KARYII KABI RASAM JUKAMATI 21:27

Tei tinglangki meinah sapfii mpou teinii mpou mah pumtei kava ninado tei maham kadigo kaswisii mongjyii kito kagong tei ahnyiinii ngoutangle.

LUKNII KARYII KABI RASAM JUKAMATI 22:69

Nlenii aitoi sekpiinii Meinah sapfii mpou teinii Saraa mah teimaham mah ajiilam pang teito bamtu tang takle.”

LUKNII KARYII KABI RASAM JUKAMATI 9:26

Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

JONNII KARYII KABI RASAM JUKAMATI 21:22

Jisunii mpou dakii tamle, “Inii gong kasuta mpounii leikatu ai Inii kamaning kamazhii leponii, teiteinii godato kadatakum tangpo? Gutai swi wolo!”

JONNII KARYII KABI RASAM JUKAMATI 21:23

Teijangpiinii boumei aipou ai tailakle katu sam ai kangsanamei kak kito tam kahitu takle; nlenii mpou ai tailakle katu Jisunii mpou dakii tam makle, nlenii “Inii gong kasuta mpounii leikatu ai Inii kamaning kamazhii leponii, teiteinii n-go kadapei tiipo?” siile.

TIILAMLWI KAPYIIMEI THA JUKAMATI 1:11

ninado tamle, “He Galili kito kaleimei, gonyii dajangpii sating gamkii jumakhiisii sat leipo? Gonyii dato sating gam pangmakhii katu Jisu ai sating gam khii katu tei gonyiinii ngou katu takumpiinii, mpounii ai takumpiinii gong tangle.”

ROMMEI 14:12

Teipiinii nyii meihangnii Saraa dakii mpou mpoumah atha tei Saraa doikii pyiitangle.

ROMMEI 2:6

Kadaponii mpounii meihang go mpou mpou mah atha taiswisii alangh pyiitangle.

1 KORENMEI 15:23

Nlenii Saraanii mei nsang nsang go mpou mpoumah adoidoi tiisii, katunii, karei reisang kito, Kristago, tei taito mpounii kagong tinglangki, mpou mah tiisii kalei meihang go tiimaringpyii tangle.

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

1 KORENMEI 8:8

Nlenii chiitak teinii nyiigo Saraa dakii chyiigong manangpyii makle, nyiinii chiimak kido kisii shyiibui tang makle, sateichii chii kido kisii bibwi tang makle.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

IPISAMEI 6:8

Kikaleimei kado apum mei kado meihang go, mpounii katii tha kabi jangpii, Bangpiinii alangh tei pyiitangle katu tei mangai sulo.

KOLOSIMEI 3:25

Sateichii tiima kaleimei hang gotei mpou mpounii tiima kabam hang jangpii powtei ruitangle, dapokii kaku ka-nraang gasii mei hang go Saraanii samtak tiile.

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

1 THESOLONIKAMEI 4:16

Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

JEMS 5:7

Teijangpii gukangsanamei, Bangpii gong kasuta lung leh kati tei leilo. Julo, tha kathamei hangninanii mpoumah sazyiimah ti mati matu tang karam jangpii mpounii daziikapii lung lehtisii koisii leipo? Hiiboi tingryii karei ninado hiiboi tingryii kana gotei mpounii lung lum kasarhiisii koileile.

1 PITAR 1:17

Sateichii kaghu kapang mei- hangmah tha taiswisii samtak katii ah gotei gonyiinii Apfii sii lat leponii, gonyiimah sazyii pouryiimah tiilung tei ahgo hingsii lunglo.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

JUD DATO KAGONG CHITI JUKAMATI 1:14

Sateichii aimei hang dakiido Adam sekto ha sana kashang Inoknii doireisii Saraa sam saa mpatsii tamle, “Julo, Bangpiinii mpoumah kamatei sating gamlui tang tang go kaswisii gong tangle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

MATIMANGOU KAPYII 20:12

Sateichii kataimei- hang, kadi kacheng, sagongbam doi teito sat kalei tei Inii ngoutakle; sateichii larek hangtei laat mpat takle, sateichii larek kikii hangninii karingmah larek bung tei laat mpat takle. Sateichii kataimei hang gotei ahnyiimah tha taiswisii larek hang kikii ryiikai kabam taiswisii samtak tiitakle.