METIU 16:16 - KARANU KABI SAMTAM

¹⁶ Simon Pitarnii khekalatle, “Nang karing Saraanah sapfii mpou teile.”

METIU 16:16 Iomraidhean Croise

METIU 14:33

Sateichii malyiilungto kaleimei teinii “Kasangpiinii, nang Saraa nah sapfii mpou teile,” sii ahnyiinii mpougo mata takle.

METIU 16:15

Mpounii ahnyii dakii tamle, “Nlenii gonyiinanii n-gu taleziipo?”

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

MARK 14:61

Nlenii Jisunii malhiisupii bamsii mah kado khepyii sutakle. Nlailoisii Tingditupii teinii mpougo kachyiinhiile, “Tam makang tang karam nah sapfii mpou Krista tei nangpo?”

LUKNII KARYII KABI RASAM JUKAMATI 2:11

Kadapochiinii tingnei leimik Devit namdi kiteito gonyiigo Keikapyiipii Bangpii Krista tei manaa takle.

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 11:27

Mpoupeinii mpou dakii tamle, “Nle malumle Bangpii, Nangnii Saraa nah sapfii mpou Krista, sazyii pouryii gongtang karampii teile katu Inii malumle.”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 6:57

Ringkalei Pfii teinii n-gu lang kamagong takumpii, sateichii Inii Pfii jangpii ringkalei takumpii, n-gu kachiimei hangteinii gu jangpii ahdo ring tangle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

JONNII KARYII KABI RASAM JUKAMATI 6:69

Sa- teichii nangnii Saraa mah kamatei teile katu nyiinii malum wotakle ninado titakle.”

TIILAMLWI KAPYIIMEI THA JUKAMATI 14:15

“Gonyiinii tha aihang ai kada tiisii tiileipo? Nyiido mei- nahle, gonyiigo njoi katumeile; gonyiinii kakadak tha hangkito ringkalei aiki aito Saraada nryiigong wokabui jangpiinii kabi rasam ai nyiinii gonyii dakii pung gong leile. Mpounii Sating, sazyii, dwijai ninado matum madum ailung aito kalei hang ai tiipyii takle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

TIILAMLWI KAPYIIMEI THA JUKAMATI 8:37

(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

2 KORENMEI 3:3

Gonyiinii Kristanii ryiikabam ninado nyiinii mpot magong kalei chiti hangninii takumle. Ai ainii mukdwipiinii ryiimakle, nlenii karing Saraamah rangii teipii ryiibamle sateichii atukok kikii makle, nlenii meinah mah malung kikii ryiibamle.

2 KORENMEI 6:16

Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”

1 THESOLONIKAMEI 1:9

Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii,

1 TIMOTHI 3:15

Nlenii Inii poi mathang tuleponii, Saraamah kikalung mpung kito kada kakum jairali tat tangpo katu nangnii tiwo kabui jangpii, Inii godakii sam hang ai ryii leile...ki kalung mpung teinii ringkalei Saraamah lat mpat kalu- mei, kasangmah ki kacheng ninado sakui ki teile.

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

HEBRUMEI 10:31

Karing Saraa bahki tak kaliit ainii ngoukahing hangniniile!

HEBRUMEI 12:22

Nlenii Zaiyon zang ninado karing Saraa mah namdi, sating gam mah Jerosalem ki, fiipei kalak sating gamlui hangda,

HEBRUMEI 3:12

Kangsanamei, gonyii kak kito mei kado kashyii lung kapung, sateichii malum kasu tei patsii mpounii karing Saraa dato dhiisii tat tu kasu tiisii sakai wolo.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

1 JON 4:15

Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

MATIMANGOU KAPYII 7:2

Teito karing Saraamah seal poikalei sating gamlui kaki hangninanii leimik kapat lamto tat kapi tei Inii ngoutakle. Sateichii sazyii pouryiigo ninado dwijaigo tiimashyii matutang karam jangpii teimaham pyiikabam sating gamlui madai dateikii rok sagoisii sating gamlui teinii saasii tamle.