METIU 15:31 - KARANU KABI SAMTAM

³¹ Teipiinii lat kaga meinii lat pat kalu, pi katwimeinii tat kalu, mik kachet meinii ngou kalu ai ngou wosii meihangnii sung gasii Isrelmei mah Saraa go tam matoile.

METIU 15:31 Iomraidhean Croise

METIU 15:30

Sateichii meimoi hangka mpouda gong takle, ahnyiigo kaswisii pi katwimei, mik kachet mei, pi-bah luilung kamamei, lat kagamei, sateichii kaki kaki hangka mpou pibang poigong takle; sateichii mpounii ahnyiigo tii mbipyii takle.

METIU 18:8

“Sateichii gopi mak-kii go-bahnii n-go kem tiimatusii leileponii, teitei tat ndangsii godato rat toi ailo; gobah hangna mak-kii gopi hangna pungsii kalui kaga mibam kikii toikai kalei sungnii, gobah hangninii mak-kii gopi hangninii gasii karing bamki kaliit teinii gojangpii bibwile.

METIU 21:14

Sateichii mik kachet ninado pi katwimei teinii Saraa kamaning ki lung teito mpouda gongle, sateichii mpounii ahnyiigo tii mbipyii takle.

METIU 8:10

Jisunii teitei shii wosek-kii mpounii sung gasii, Mpou tai swikalei mei hangdakii tamle, “Inii gonyii dakii kasangpii tam leile, Isrelmei kak kitodo ai takumpiinii kamalum mei hangninii kado Inii ngoumakle.

METIU 9:32

Sateichii mpoupiinanii aitiisii tat tu katu kak, julo, sara kashyiinii kaswi kalei lat kagamei hangniniigo mpoudakii pang gong takle.

METIU 9:33

Sateichii sara kashyii tei baatoi ai sek-kii, lat kagapii teinii lat pat takle; teito meihang teinii sung gasii tamle, “Isrelmei kak kito aikakum ai mahdou kado ngou makle.”

METIU 9:8

Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

MARK 2:12

Teisek-kii mpounii gungkhii takle sateichii azyii poi matu takle ninado meihang doito tatpat takle. Ahnyiihangtei khiipat takle ninado Saraago aitiisii tam matoile, “Ai takumpii nyiinii mahdou kado ngousang ngoumakle!”

MARK 7:37

Sateichii shiikalumei hangteinii hangkapii sung gatakle, “Mpounii mah hangtei tii tii-mbipyiile sii ah- nyiinii tamle, mpounii khoi kapang meigodo shii matule ninado lat kagamei godo lat pat matule.”

MARK 9:43

Sateichii go bah hangninanii n-go kem tiimatusii leileponii ryiitoi ailo, go-bah hangna pungsii kalui kaga mibam ki liit katu sungnii; go-bah hangninii pungsii karing bamki liit kalu teinii gojangpii bibwile.

LUKNII KARYII KABI RASAM JUKAMATI 14:13

Nlenii nangnii takbai kapyii kak, kaga- meigo, kasuimeigo, pi katwimeigo ninado mik kachetmeigo latlo;

LUKNII KARYII KABI RASAM JUKAMATI 14:21

“Teito Kikaleipii teinii nlai- gongsii, mpou pumpii dateikii sam ai tampyii takle. Teito apumpii teinii rakarhii teipii njasii ki kaleipii dakii tamle, ‘namdi mah pwidi pwidi hangki maasiinii mah kagamei, kasuimei, mik kachetmei sateichii pi bah katwimei hang go tei aiki kalangsii pang gonglo.’

LUKNII KARYII KABI RASAM JUKAMATI 18:43

Sateichii binasek-kii mpounii mik ngouwo takle, sateichii Saraa mah pumtei kava tei tamsii Jisutai swiwo takle; sateichii meihangnii ai ngou wosii Saraago tam matoile.

LUKNII KARYII KABI RASAM JUKAMATI 7:16

Teito ahnyii hang teinii kahingpii tokryiisii Saraa go toile; “Lungkakalingmei hangninii nyiikak ki gongpyii takle; sateichii Saraanii mpoumeigo kaleipyii tang karam jangpii gongpyii takle,” sii ahnyiinii tamle.

JONNII KARYII KABI RASAM JUKAMATI 9:24

Teijangpii ahnyiinii kareiki mik chetsii kalei sapfii mpou gotei hangna kashang tiisii lat magongsii mpou dakii tamle, “Nang kasang tam tangle katupii Saraa doito riishii tiilo! N-go tii mbikapyii sapfii mpou ai kem katiimei hangniniile katu nyiinii tile.”