METIU 13:44 - KARANU KABI SAMTAM

⁴⁴ “Sating gam sazyii teinii Lu hangninii kikii kabai kabam mai kateeng pot mei hangninanii ngou kalu takumle, mpounii teitei kapou- tum aisii, ntasii mpounii nlaigong mpoumah kabam hangtei joi aisii lu tei lyii kalu takumle.

METIU 13:44 Iomraidhean Croise

METIU 13:24

Mpounii ahnyii dakii ndasam kaki hangninii tamle, “Sating gam sazyii teinii ai takumle, mei hang- ninanii mpou-lu kikii lwirou kabi ralikai bam takle;

METIU 13:46

sateichii mpounii sajek kaga mai kateeng kuitu hang- ninii ngoukalu tinglang kak, mpounii maasii mpoumah kabam hangtei joisii mai kateeng kuitu tei lyiikalu takumle.

METIU 13:47

“Nlailoisii Sating gam sazyii teinii dwijai kikii ralang hangninii toikaisii kaa jat katham katham num kalu takumle;

METIU 19:21

Jisunii Mpou dakii tamle, “Nangnii bimatui bimasangnyii lepo- nii, tat tulo gomah kabam hangtei maa joisii mah kagameigo pyii ailo, teitiileponii nangnii sating gamto kani kahii tei doutangle; sateichii gonglo, gutai swi wolo.”

METIU 19:27

Teito Pitarnii mpougo tamle, “Julo, nyiinii mahlyii hang toi aisii gotai swi wotakle, Saraanii nyiigo kadapei pyiitangpo?”

METIU 19:29

Sateichii guzei jangpii kihang mak-kii sanamei hang mak-kii taipwimeihang, mak-kii pwi-pfii mak-kii nahmei mak-kii lu hang kado toi kalei meihangnii tei njai mazhii-hai doutangle sateichii kalui kaga karing tei pyiitangle.

METIU 6:21

Kadapokii gomah kani kahii kalei nitei gomah lung teido leitangle.

LUKNII KARYII KABI RASAM JUKAMATI 14:33

Tei takumpiinii mei hangninii kaniido gutai kaswimei tiipeiwo lakle, mpou mah kalei hangtei pyiitoi lahok kasuta tei.

JONNII KARYII KABI RASAM JUKAMATI 6:35

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

ROMMEI 15:4

Kadaponii kabi rasam kito ryiikabam mah leh kati sateichii lung tiimadi kapyii paikito nyiinii maning kamalum tei doutang karam jangpii leimik karei kito ryii kabam hangtei nyiigo ralipyii tang karam jangpii ryiibam takle.

KOLOSIMEI 2:3

Mpounii Saraamah kabai kabam kani kahiimah swirek kabi ninado swirek katimah kabi kani kahii hang go laat mpatsii kalei chabyii teile.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.