METIU 13:23 - KARANU KABI SAMTAM

²³ Sateichii sazyii kabi kikii ralikai kabam ahnyii teinii samtam tei shii wosii teigotei tiwole; ahnyiinii kasangpii ti matile: kangkanii njai hai, kangkanii reksiirok, sateichii kangkanii tamrhii matile.”

METIU 13:23 Iomraidhean Croise

METIU 12:33

“Ruibang teinii bileponii ahmah ti tei bitangle, ruibang teinii shyiileponii ti tei shyii tangle. Kadapokii ruibang tei ah mah ti teipiinii ti wobuile.

METIU 13:8

Nlenii kaki hangteinii sazyii kabiki takliitsii, kangkanii njai hai, kangkanii reksarok, sateichii kangkanii tamrhii ti mati takle.”

METIU 3:10

Aitoidoruibang hang mah maa kikii aryii hoisii bamle, teijangpiinii riiti kabi mati kasu ruibang hang gotei bitoisii misumkii toikai tangle.

METIU 3:8

Gonyiinii lungkali kalu mah riiti tei matilo,

MARK 10:15

Kasangpii Inii gonyii dakii tam leile, Mei kata kangkanii nahmei kacheng hangninii takumpii Saraa mah sating sazyii gotei dousuleponii teiki tei liitpei wolakle.”

MARK 4:20

Sateichii sazyii kabi kikii ralikai kabam ahnyii teinii sam tei shii wosii lungkikii lukai wole sateichii ati tei kangkanii tamrhii, reksiirok, ninado hai katang matile.”

LUKNII KARYII KABI RASAM JUKAMATI 13:9

kadiitbang ainii nchoi- kum ti matitu lepochiinii bitakle; nlenii ti mati sulepochiinii, nangnii bitoilo.’ ”

LUKNII KARYII KABI RASAM JUKAMATI 8:15

Sazyii kabiki tak kaliit lwirou hangteinii, samtei shiiwo takpokii, katam kaswi ninado kabi lung kikii lukai wosii leh katipanii ati kamati ahnyii aile.”

LUKNII KARYII KABI RASAM JUKAMATI 8:8

Sateichii kangkanii sazyii kabiki takliit takle; sateichii pokpat siinii ati hai haipii matitu takle.” Mpounii ai tamsanii, mpounii saa mpatle, “Shiitang karam jangpii khoi kapungmei hangnii shii matulo.”

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

JONNII KARYII KABI RASAM JUKAMATI 8:47

Saraa dato kagongmei teinii Saraamah tam ka mpat samtei shii leile, nlenii gonyiinii Saraa dato gongmakle, teijangpii gonyiinii shii makle.”

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

TIILAMLWI KAPYIIMEI THA JUKAMATI 17:11

Toinii ahnyii teinii Thesolonika kito kalei Jehudimei sung kisii hangkengle. Kadaponii kabi rasam tei ahnyiinii hangkapii shiinyiisii, samhang ai kasang manii mahkupo sii sating kata kabi rasam tei tiigatpii fiile.

2 KORENMEI 9:10

Sateichii lwi karalimei dakii lwirou ninado chiitak jangpii tiirok kapyii Saraa teinii gonyiimah lwirou hangtei pyiido pyiitangle, tiido tii- madipyii tangle sateichii gonyiimah kasang kamajyiimah rachet tei bimatupyii tangle.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

PILIPIMEI 4:17

Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

2 THESOLONIKAMEI 2:10

Sateichii taitang karam mei phyiiryii teito katham katham tiisii kasang kasu kachui teipii kaswi tangle. Ahnyiinii taitangle kadapokii ahnyiinii kei- kapyii doutang karam jangpii kasang gotei ahnyiinii lukai makle.

HEBRUMEI 4:2

Kadapokii ahnyii dakii tam rali kapyii takumpii nyii dakiido kabi rasam tei tam ralipyii takle; nlenii shii kalu samtei ahnyii jangpii mah kado kabi gale, daponii katam kaswimei teinii kamalum tei njasii teigo tei lukai makle.

HEBRUMEI 6:7

Kadapokii sagoi gamto nlai nlai loisii satingryii kamang tei sak kalu, sateichii lu tha takalei ahnyii jangpii sagei ralui pokpat kapyii sazyii teinii Saraa dato satoi doule.

HEBRUMEI 8:10

Aitoinii gongtang karam tinglang leimik kanaki Inii Isrelmeigo kaswisii poi makhii tang karam sat tang karam samtam teinii aile, sii Bangpiinii tamle, Inii gumah ajaitingshang hangtei ahnyiimah lung kikii kaipyii tangle, sateichii Inii ahnyiimah malung kikii Inii teihang tei ryiikai pyii tangle; sateichii Inii ahnyiimah Saraa tei tiitangle, sateichii ahnyiinii gumah mei teitiitangle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.