METIU 13:19 - KARANU KABI SAMTAM

¹⁹ Mei kata hangninanii sating gam sazyii mah samtam tei shii wosii, teigotei tikasu teinii kashyii teinii gongsii ah lungkikii maroukai kabam tei poitoi takle; pwidiku kikii rali kakei ahtei aile.

METIU 13:19 Iomraidhean Croise

METIU 12:26

Sateichii seitan nii seitan go baatoi leponii, mpounii mpouroinapii njaipak aitakle; teitiileponii mpou- mah sagong sazyii tei kada takum- piinii sat-to tangpo?

METIU 13:20

Sateichii tu tiirou gamkii ralikai kabam ahnyii teinii samtam tei shii wosii, kalangsii ntasii lukai wole;

METIU 13:38

Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;

METIU 4:23

Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

METIU 5:37

Nlenii gomah sam tei nle leponii, nle sii tamlo, makle leponii maklesii tamlo, sateichii aidoito kakihang teinii sara kashyii datole.”

MARK 4:15

pwidi kukikii ralikai kabam bam kito kalei ahnyii teinii aile: ahnyiinii shii wosek-kii seitan teinii gongsii, ahnyii dakii ralikai kabam sam tei poi toile.

LUKNII KARYII KABI RASAM JUKAMATI 10:9

Sateichii teikito kalei katii kanhiimei hang gotei tii mbipyiilo, sateichii ahnyii dakii tamlo, ‘Saraa mah Sating Sazyii tei gonyiida manang gong leitakle.’

LUKNII KARYII KABI RASAM JUKAMATI 9:2

Sateichii mpounii Saraa mah sating sazyii tam tat matu tang karam jangpii ahnyiigo lang mpatle.

JONNII KARYII KABI RASAM JUKAMATI 18:38

Pailatnii mpou dakii tamle, “Kasang ai kadapeipo?” Mpounii ai tam kaleitai, mpounii Jehudimeida pat loisanii ahnyii dakii tamle, “Inii mpou dato samah kado kama doumakle.

JONNII KARYII KABI RASAM JUKAMATI 8:43

Inii katam tei gonyiinii dajangpii timakpo? Gonyiinii gusam ai shiipei kalak jangpiiniile.

TIILAMLWI KAPYIIMEI THA JUKAMATI 17:32

Teito kataimeinii ringkakhii kaang tei ahnyiinii shii wosek-kii kangkanii hoksii nuitu takle. “Nlenii kangkananii aikaang kito nyiinii nlai loisii godato shiitangle.”

TIILAMLWI KAPYIIMEI THA JUKAMATI 18:15

nlenii samkang, zei ninado gonyii mah kaang kito kajyii katu sam lepochiinii gonyiinii gonyii roinapii jutulo; aisamhang jangpiinii Inii samtak katiipii tiinyii makle.”

TIILAMLWI KAPYIIMEI THA JUKAMATI 20:25

Sateichii aitoinii, julo, gonyii kak kito Inii Saraa mah sating sazyii rasam tam ralipyiisii tatsii leile, nlenii gonyiihangnii guju nlailoisii ngoulak takle katu ai Inii tile.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

ROMMEI 1:28

Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

2 THESOLONIKAMEI 2:12

sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.

HEBRUMEI 2:1

Teijangpii teikito nyiinii ngalum kasu tiisii nyiinii shiikalu kasang kiteito kisii sangtingsii nyiinii sat tang karamle.

1 JON 3:12

Nyiinii Ken takum lak tang karamle; mpounii sara kashyii tai tei swisii mpou sanapii Abel go gitat aitakle. Kennii mpougo dajangpii gitat aipo? Dajangpiipo dinchii mpounii katii hangtei kamale, nlenii mpou sanapiinii katii hangtei kasangle.

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.